എനിക്ക് പേടിയാ…! സിസേറിയൻ നടത്തുമെന്ന ഭയം; പൂ​ർ​ണ​ഗ​ർ​ഭി​ണി​യാ​യ ആ​ദി​വാ​സി സ്ത്രീ ​ ആ​ശു​പ​ത്രി​യി​ൽ പോ​കാ​ൻ വി​സ​മ്മ​തി​ച്ചു; ഒടുവില്‍…

adivasiതോ​ൽ​പ്പെ​ട്ടി: പൂ​ർ​ണ​ഗ​ർ​ഭി​ണി​യാ​യ ആ​ദി​വാ​സി സ്ത്രീ ​ആ​ശു​പ​ത്രി​യി​ൽ പോ​കാ​ൻ വി​സ​മ്മ​തി​ച്ച​തോ​ടെ പ്ര​തി​സ​ന്ധി​യി​ലാ​യി പോ​ലീ​സും നാ​ട്ടു​കാ​രും ആ​രോ​ഗ്യ പ്ര​വ​ർ​ത്ത​ക​രും. തോ​ൽ​പ്പെ​ട്ടി വെ​ള്ള​റ കാ​ട്ടു​നാ​യ്ക്ക കോ​ള​നി​യി​ൽ പൂ​ർ​ണ​ഗ​ർ​ഭി​ണി ര​ക്ത​സ​മ്മ​ർ​ദ്ദ​മ​ട​ക്കം ഗു​രു​ത​രാ​വ​സ്ഥ​യി​ലാ​യി​ട്ടും ആ​ശു​പ​ത്രി​യി​ൽ പോ​കാ​ൻ വി​സ​മ്മ​തി​ച്ചാ​ണ് പ്ര​തി​സ​ന്ധി സൃ​ഷ്ടി​ച്ച​ത്. ആ​ശു​പ​ത്രി​യി​ൽ പോ​യാ​ൽ സി​സേ​റി​യ​ൻ ചെ​യ്യു​മെ​ന്ന ഭ​യം​മൂ​ല​മാ​ണ് യു​വ​തി​യും വീ​ട്ടു​കാ​രും ആ​ശു​പ​ത്രി​യി​ലേ​ക്ക് പോ​കാ​ൻ വി​സ​മ്മ​തി​ച്ച​ത്.

ആ​രോ​ഗ്യ​വ​കു​പ്പ് ഉ​ദ്യോ​ഗ​സ്ഥ​രും പോ​ലീ​സും ശ്ര​മി​ച്ചി​ട്ടും ഇ​വ​ർ ആം​ബു​ല​ൻ​സി​ൽ ക​യ​റാ​ൻ ത​യ്യാ​റാ​യി​ല്ല. യു​വ​തി​ക്ക് മാ​സം തി​ക​ഞ്ഞ​ത​റി​ഞ്ഞ് ആ​ശ​വ​ർ​ക്ക​റും ട്രൈ​ബ​ൽ പ്രൊ​മോ​ട്ട​റും കോ​ള​നി​യി​ലെ​ത്തി ആ​ശു​പ​ത്രി​യി​ൽ കൊ​ണ്ടു​പോ​കാ​ൻ ശ്ര​മി​ച്ചെ​ങ്കി​ലും യു​വ​തി​യും ബ​ന്ധു​ക്ക​ളും സ​ഹ​ക​രി​ച്ചി​ല്ല. തു​ട​ർ​ന്ന് തി​രു​നെ​ല്ലി പോ​ലീ​സ് സ്ഥ​ല​ത്തെ​ത്തി ആ​ശു​പ​ത്രി​യി​ലേ​ക്ക് കൊ​ണ്ടു​പോ​കാ​നു​ള്ള ശ്ര​മം ന​ട​ത്തി​യെ​ങ്കി​ലും യു​വ​തി​യും ബ​ന്ധു​ക്ക​ളും എ​തി​ർ​ക്കു​ക​യാ​യി​രു​ന്നു.

പ്ര​സ​വ വേ​ദ​ന​വ​രു​ന്പോ​ൾ എ​ന്താ​വേ​ണ്ട​തെ​ന്ന് ത​ങ്ങ​ൾ​ക്ക​റി​യാ​മെ​ന്ന നി​ല​പാ​ടാ​യി​രു​ന്നു യു​വ​തി​യു​ടെ​യും കു​ടും​ബ​ത്തി​ന്േ‍​റ​യും. പി​ന്നീ​ട് അ​പ്പ​പ്പാ​റ പ്രാ​ഥ​മി​ക ആ​രോ​ഗ്യ കേ​ന്ദ്ര​ത്തി​ലെ ഡോ​ക്ട​ർ ഷെ​റി​ൻ സ്ഥ​ല​ത്തെ​ത്തി യു​വ​തി​യെ പ​രി​ശോ​ധി​പ്പി​ച്ച​പ്പോ​ൾ ര​ക്ത​സ​മ്മ​ർ​ദ്ദം വ​ള​രെ​യ​ധി​കം കൂ​ടി​യ​താ​യും ഉ​ട​ൻ​ത​ന്നെ ആ​ശു​പ​ത്രി​യി​ലെ​ത്തി​ക്കേ​ണ്ട​ത് അ​ത്യാ​വ​ശ്യ​മാ​ണെ​ന്ന് വീ​ട്ടു​കാ​രോ​ട് നി​ർ​ദ്ദേ​ശി​ക്കു​ക​യും ചെ​യ്തു. എ​ന്നാ​ൽ അ​തി​ന് ത​യ്യാ​റാ​കാ​ത്ത വീ​ട്ടു​കാ​ർ ഇ​ക്കാ​ര്യ​ത്തി​ന് നി​ർ​ബ​ന്ധി​ച്ച​വ​രെ അ​സ​ഭ്യം പ​റ​ഞ്ഞ് തി​രി​ച്ച് വി​ടു​ക​യാ​ണു​ണ്ടാ​യ​ത്.

സ്ഥി​തി​ഗ​തി​ക​ളു​ടെ ഗൗ​ര​വം പ​റ​ഞ്ഞ് ഡോ​ക്ട​ർ ഷെ​റി​നും, ഡി​വൈ​എ​ഫ്ഐ പ്ര​വ​ർ​ത്ത​ക​രും മ​ണി​ക്കൂ​റു​ക​ളോ​ളം അ​നു​ന​യി​പ്പി​ക്കാ​ൻ ശ്ര​മി​ച്ചെ​ങ്കി​ലും വ​ഴ​ങ്ങാ​തെ യു​വ​തി​യു​ടെ ബ​ന്ധു​ക്ക​ൾ എ​തി​ർ​ക്കു​ക​യാ​യി​രു​ന്നു. ഒ​ടു​വി​ൽ വൈ​കു​ന്ന ഓ​രോ നി​മി​ഷ​വും അ​മ്മ​യു​ടേ​യും കു​ഞ്ഞി​ന്‍റെ​യും ജീ​വ​ൻ അ​പ​ക​ട​ത്തി​ലാ​കു​മെ​ന്നു വ​ന്ന​തോ​ടെ ആ​രോ​ഗ്യ വ​കു​പ്പ് വാ​ഹ​ന​ത്തി​ൽ അ​ല്ലാ​തെ മ​റ്റൊ​രു വാ​ഹ​ന​ത്തി​ൽ ആ​ശു​പ​ത്രി​യി​ൽ പോ​കാ​മെ​ന്ന് ഇ​വ​ർ സ​മ്മ​തി​ക്കു​ക​യാ​യി​രു​ന്നു.
ഇ​തി​ന്‍റെ അ​ടി​സ്ഥാ​ന​ത്തി​ൽ മ​റ്റൊ​രു വാ​ഹ​ന​ത്തി​ൽ ഉ​ച്ച​യ്ക്കുശേഷം ര​ണ്ടോ​ടെ യു​വ​തി​യെ ജി​ല്ലാ​ശു​പ​ത്രി​യി​ലേ​ക്ക് മാ​റ്റി. ആ​ശു​പ​ത്രി​യി​ലെ​ത്തി​യ യു​വ​തി ആ​രോ​ഗ്യ​നി​ല വീ​ണ്ടെ​ടു​ത്തു​വ​രു​ന്ന​താ​യി ഡോ​ക്ട​ർ​മാ​ർ അ​റി​യി​ച്ചു.

Related posts