Set us Home Page

മ​ണ്ണി​ല്ലാ കൃ​ഷി​യു​മാ​യി യു​വ എ​ൻ​ജി​നി​യ​ർ​മാ​ർ

എ​സ്. മ​ഞ്ജു​ളാ​ദേ​വി

തി​രു​വ​ന​ന്ത​പു​രം: നി​റ​യെ ചു​വ​ന്നു പ​ഴു​ത്ത ത​ക്കാ​ളി​യു​മാ​യി ചാ​ഞ്ഞു നി​ൽ​ക്കു​ന്ന ത​ക്കാ​ളി​ച്ചെ​ടി. പ​ട​ർ​ന്നു പ​ന്ത​ലി​ച്ച പ​യ​ർ വ​ള്ളി​മേ​ൽ ന​ല്ല പ​ച്ച പ​യ​റു​ക​ൾ, നീ​ള​മു​ള്ള വെ​ണ്ട​ച്ചെ​ടി​ക​ളി​ൽ നി​റ​ഞ്ഞു നി​ൽ​ക്കു​ന്ന ഇ​ളം വെ​ണ്ട​യ്ക്ക​ക​ൾ.

ഇ​ത് യു​വ എ​ൻ​ജി​നി​യ​ർ​മാ​രാ​യ അ​ശ്വി​ൻ വി​നു​വും അ​ർ​ജു​ൻ സു​രേ​ഷും എ​സ്.​ജെ. അ​ഭി​ജി​ത്തും ചേ​ർ​ന്ന് വി​ള​യി​ച്ചെ​ടു​ക്കു​ന്ന മ​ണ്ണി​ല്ലാ കൃ​ഷി വ​സ​ന്തം. തി​രു​വ​ന​ന്ത​പു​രം ന​ഗ​ര​ത്തി​ലെ ക​ണ്ണ​മ്മൂല​യി​ൽ കൊ​ല്ലൂ​ർ ഗാ​ർ​ഡ​ൻ​സി​ൽ സ്ഥി​തി​ചെ​യ്യു​ന്ന അ​ർ​ജു​ന​ൻ സു​രേ​ഷി​ന്‍റെ വീ​ടാ​യ സം​ഗീ​തി​ന്‍റെ ടെ​റ​സി​ലാ​ണ് കാ​ർ​ഷി​ക രം​ഗ​ത്ത് ച​രി​ത്രം കു​റി​ക്കു​ന്ന ഈ ​എ​യ്റോ പോ​ണി​ക്സ് കൃ​ഷി​യു​ടെ സ​മൃ​ദ്ധി.
കൃ​ഷി​യോ​ടു​ള്ള താ​ത്പ​ര്യ​വും ഐ​ടി മേ​ഖ​ല​യി​ലെ സ​ഞ്ചാ​ര വ​ഴി​ക​ളി​ൽ നി​ന്നും ല​ഭി​ച്ച അ​റി​വും​കൂ​ടി ചേ​രു​ന്പോ​ഴാ​ണ് കേ​ര​ള​ത്തി​ൽ ത​ന്നെ അ​ത്യ​പൂ​ർ​വ​മാ​യ മ​ണ്ണി​ല്ലാ കൃ​ഷി സാ​ധ്യ​മാ​കു​ന്ന​ത്. മ​ണ്ണി​ല്ലാ​ത്ത​തി​നാ​ൽ കൃ​ഷി ന​ട​ത്തു​വാ​ൻ ക​ഴി​യു​ന്നി​ല്ലെ​ന്നു പ​റ​ഞ്ഞ് വി​ഷ​മി​ക്കു​ന്ന അ​നേ​കം കൃ​ഷി സ്നേ​ഹി​ക​ളാ​യ മ​ല​യാ​ളി​ക​ൾ​ക്കും ക​ർ​ഷ​ക​ർ​ക്കും വ​ലി​യ ആ​ശ്വാ​സ​മാ​വു​ക​യാ​ണ് എ​ൻ​ജി​നി​യ​ർ​മാ​രു​ടെ എ​യ്റോ പോ​ണി​ക്സ് കൃ​ഷി. ചെ​ടി​ക​ളു​ടെ വ​ള​ർ​ച്ച​യ്ക്കു ആ​വ​ശ്യ​മാ​യ മൂ​ല​ക​ങ്ങ​ൾ ചേ​ർ​ത്ത വെ​ള്ളം പി​വി​സി കു​ഴ​ലു​ക​ൾ വ​ഴി ചെ​ടി​ക​ളു​ടെ വേ​രു​ക​ളി​ൽ സ്പ്രേ ​ചെ​യ്യു​ന്ന​താ​ണ് ഇ​തി​ന്‍റെ ആ​ധാ​രം. ഒ​രു പ്ര​ഷ​ർ പ​ന്പും സ്പ്രേ ​ചെ​യ്യു​ന്ന നോ​സി​ലു​ക​ളും ഉ​പ​യോ​ഗി​ച്ച് ര​ണ്ടു മി​നി​റ്റ് ഇ​ട​വി​ട്ടാ​ണ് ചെ​ടി​ക​ളി​ൽ സ്പ്രേ ​ചെ​യ്യു​ന്ന​ത്.

അ​ഞ്ഞൂ​റു ലി​റ്റ​ർ വെ​ള്ളം കൊ​ള്ളു​ന്ന ടാ​ങ്കാ​ണ് മൂ​ല​ക റി​സ​ർ​വോ​യ​റാ​യി പ്ര​വ​ർ​ത്തി​ക്കു​ന്ന​ത്.

പി​വി​സി കു​ഴ​ലു​ക​ൾ​ക്ക് മു​ക​ളി​ൽ ദ്വാ​ര​മു​ള്ള ചെ​റു ച​ട്ടി​ക​ളി​ലാ​ണ് ചെ​ടി വ​ള​ർ​ത്തു​ന്ന​ത്. ച​ട്ടി​ക്കു​ള്ളി​ൽ റോ​ക്ക് വൂ​ൾ നി​റ​ച്ച് ഇ​തി​ലാ​ണ് വി​ത്ത് കി​ളി​ർ​പ്പി​ച്ചെ​ടു​ക്കു​ന്ന​ത്. മു​പ്പ​ത് ച​ട്ടി​ക​ൾ വ​യ്ക്കു​ന്ന​രീ​തി​യി​ലാ​ണ് സം​വി​ധാ​നം. ചെ​ടി​ക​ൾ​ക്കു ആ​വ​ശ്യ​മാ​യ രീ​തി​യി​ൽ മൂ​ല​ക​കൂ​ട്ടു​ക​ൾ ഇ​വ​ർ സ്വ​യം ഉ​ണ്ടാ​ക്കി എ​ടു​ക്കു​ക​യാ​യി​രു​ന്നു.

മ​ണ്ണി​ൽ നി​ന്നും ചെ​ടി​ക​ൾ​ക്കു സ്വാ​ഭാ​വി​ക​മാ​യി ല​ഭി​ക്കു​ന്ന നൈ​ട്ര​ജ​ൻ ഫോ​സ്ഫ​റ​സ്, പോ​ട്ടാ​സി​യം എ​ന്നീ പ്രാ​ഥ​മി​ക മൂ​ല​ക​ങ്ങ​ൾ കൂ​ടാ​തെ കാ​ൽ​ഷ്യം, മ​ഗ്നീ​ഷ്യം, സ​ൾ​ഫ​ർ എ​ന്നീ ദ്വ​തീ​യ മൂ​ല​ക​ങ്ങ​ൾ ന​ൽ​കു​ന്നു​ണ്ട്. ഇ​തു​കൂ​ടാ​തെ ചെ​ടി​ക​ൾ​ക്കു ആ​വ​ശ്യ​മാ​യ അ​ള​വി​ൽ മാ​ത്രം സൂ​ക്ഷ്മ മൂ​ല​ക​ങ്ങ​ളും ന​ൽ​കി വ​രു​ന്നു. മാ​ര​ക വി​ഷ​ങ്ങ​ൾ​ച്ചേ​രു​ന്ന വ​ള​മോ കീ​ട​നാ​ശി​നി​ക​ളോ ഒ​ന്നു​മി​ല്ലാ​തെ​യാ​ണ് കൃ​ഷി എ​ന്ന അ​നു​ഗ്ര​ഹ​വു​മു​ണ്ട്.

മ​ണ്ണി​ലെ കൃ​ഷി രീ​തി, മൂ​ല​ക​ങ്ങ​ളു​ടെ ല​ഭ്യ​ത എ​ന്നി​വ​യെ​ക്കു​റി​ച്ചും മ​ണ്‍​കൃ​ഷി​യു​ടെ ഗു​ണ​ങ്ങ​ളെ കു​റി​ച്ചും അ​പ​ര്യാ​പ്ത​ത​ക​ളെ​ക്കു​റി​ച്ചും ശാ​സ്ത്രീ​യ​മാ​യി മ​ന​സി​ലാ​ക്കി​യ ശേ​ഷ​മാ​ണ് കൃ​ഷി​യി​ൽ ത​ത്പ​ര​രാ​യ യു​വാ​ക്ക​ൾ ഈ ​സം​രം​ഭ​ത്തി​നു തു​ട​ക്കം കു​റി​ക്കു​ന്ന​ത്.ഉ​ദാ​ഹ​ര​ണ​മാ​യി ന​മ്മ​ൾ ചെ​ടി​ക​ൾ​ക്കു ചു​വ​ട്ടി​ൽ ഒ​ഴി​ക്കു​ന്ന വെ​ള്ള​ത്തി​ന്‍റെ വ​ലി​യ ഭാ​ഗം ചെ​ടി​ക്കു ഉ​പ​യോ​ഗി​ക്കു​വാ​ൻ ക​ഴി​യാ​തെ മ​ണ്ണി​ന്‍റെ ആ​ഴ​ങ്ങ​ളി​ലേ​ക്കു പോ​വു​ക​യാ​ണെ​ന്നു ഇ​വ​ർ പ​റ​യു​ന്നു. അ​തു​പോ​ലെ ചെ​ടി​യു​ടെ വ​ള​ർ​ച്ച​യ്ക്കു അ​നി​വാ​ര്യ​മാ​യ വ​ള​ങ്ങ​ളു​ടെ ഒ​രു ന​ല്ല ഭാ​ഗ​വും ഇ​ങ്ങ​നെ ന​ഷ്ട​മാ​കു​ന്നു.

ധാ​രാ​ളം മൂ​ല​ക​ങ്ങ​ൾ മ​ണ്ണി​ൽ ഉ​ള്ള​പ്പോ​ൾ ത​ന്നെ ഒ​രു പ്ര​ത്യേ​ക ചെ​ടി​ക്കു ആ​വ​ശ്യ​മാ​യ ഏ​തെ​ങ്കി​ലും ഒ​രു മൂ​ല​കം ചെ​ടി നി​ൽ​കു​ന്ന മ​ണ്ണി​ൽ ഇ​ല്ലാ​തെ വ​രു​ന്ന അ​വ​സ്ഥ​യു​മു​ണ്ട്.മൂ​ല​ക​ങ്ങ​ളു​ടെ ല​ഭ്യ​ത ഉ​റ​പ്പു​വ​രു​ത്തു​വാ​ൻ എ​യ്റോ​പോ​ണി​ക്സി​ൽ ക​ഴി​യു​ന്ന​ത് പോ​ലെ മ​ണ്‍​കൃ​ഷി​യി​ൽ സാ​ധി​ക്കു​ന്നി​ല്ല എ​ന്നും ഇ​വ​ർ അ​ഭി​പ്രാ​യ​പ്പെ​ടു​ന്നു.2017 മേ​യ് 14 നു ​അ​ഞ്ചു പ​യ​ർ മ​ണി​ക​ൾ, അ​ഞ്ച് വെ​ണ്ട​വി​ത്തും കു​ഞ്ഞു ച​ട്ടി​ക​ളി​ൽ പാ​കി. ര​ണ്ടാ​ഴ്ച​യ്ക്കു​ശേ​ഷം 20 ത​ക്കാ​ളി വി​ത്തും പാ​കി. ഇ​തേ സ​മ​യ​ത്ത് ത​ന്നെ പ​രീ​ക്ഷ​ണാ​ർ​ഥം ടെ​റ​സി​ലെ തി​ട്ട​യി​ലെ മ​ണ്ണി​ൽ ഇ​തേ വി​ത്തു​ക​ളും പാ​കി. അ​ത്ഭു​ത​പ്പെ​ടു​ത്തു​ന്ന​വ​യാ​ണ് ഇ​വ ത​മ്മി​ലു​ള്ള അ​ന്ത​രം. ന​ല്ല പൊ​ക്ക​ത്തി​ൽ പ​ച്ച​നി​റ​ത്തി​ലെ വ​ലി​യ ഇ​ല​ക​ളും നി​റ​യെ വെ​ണ്ട​യ്ക്ക​യു​മാ​യി നി​ൽ​ക്കു​ന്നു പി​വി​സി പൈ​പ്പി​ലെ വെ​ണ്ട​യെ​ങ്കി​ൽ, സാ​മാ​ന്യം പൊ​ക്ക​ത്തി​ൽ തീ​രെ ഫ​ല പു​ഷ്ടി​യി​ല്ലാ​തെ കാ​ണു​ന്നു മ​ണ്‍​കൃ​ഷി​യി​ലെ വെ​ണ്ട. എ​യ്റോ പോ​ണി​ക്സ് കൃ​ഷി രീ​തി​യി​ൽ മ​ണ്‍​കൃ​ഷി​യെ​ക്കാ​ളും ഹൈ​ഡ്രോ പോ​ണി​ക്സി​നെ​ക്കാ​ളും (ജ​ലം മാ​ത്രം ആ​ധാ​ര​മാ​ക്കി​യ കൃ​ഷി) വേ​ഗ​ത്തി​ൽ ചെ​ടി വ​ള​രു​ന്നു​ണ്ട് എ​ന്ന​തും ശ്ര​ദ്ധേ​യ​മാ​ണ്.മാ​ത്ര​മ​ല്ല മ​ണ്ണി​ൽ നി​ന്നും ചെ​ടി​ക​ൾ​ക്കു പ​ക​രു​വാ​ൻ ഇ​ട​മു​ള്ള രോ​ഗ​ങ്ങ​ൾ ഇ​വ​യ്ക്കു പ​ക​രു​ന്നു​മി​ല്ല.

ഹൈ​ഡ്രോ പോ​ണി​ക്സ്, എ​യ്റോ പോ​ണി​ക്സ് തു​ട​ങ്ങി അ​ധു​നി​ക കൃ​ഷി രീ​തി​ക​ളെ കു​റി​ച്ചു​ള്ള പ്രാ​ഥ​മി​ക അ​റി​വ് ഇ​ന്‍റ​ർ​നെ​റ്റി​ൽ നി​ന്നും നേ​ടി​യ​ശേ​ഷം സ്വ​ന്തം രീ​തി​യി​ൽ ഒ​രു കൃ​ഷി രീ​തി ഇ​വ​ർ മൂ​വ​രും ചേ​ർ​ന്നു വി​ക​സി​പ്പി​ച്ചെ​ടു​ക്കു​ക​യാ​യി​രു​ന്നു.അ​ർ​ഡ്വി​നോ മൈ​ക്രോ ക​ണ്‍​ട്രോ​ള​ർ ബോ​ർ​ഡ് ഉ​പ​യോ​ഗി​ച്ച് ചെ​ടി​ക​ളി​ലേ​ക്കു​ള്ള വെ​ള്ള, വ​ള നി​യ​ന്ത്ര​ണ​വും സ്പ്രെ​യിം​ഗും ചി​ട്ട​പ്പെ​ടു​ത്തി​യി​ട്ടു​ള്ള​ത്.​ചെ​റു പ​ക്ഷി​ക​ൾ, കാ​ക്ക, കീ​ട​ങ്ങ​ൾ എ​ന്നി​വ​യു​ടെ ആ​ക്ര​മ​ണം ഒ​ഴി​വാ​ക്കു​വാ​ൻ പ്ര​കൃ​തി​ദ​ത്ത​മാ​യ രീ​തി​ക​ളും ജൈ​വ കീ​ട​നാ​ശി​നി​ക​ളും മാ​ത്ര​മാ​ണ് ഉ​പ​യോ​ഗി​ക്കു​ന്ന​ത്. ഈ ​രം​ഗ​ത്തെ ആ​ദ്യ പ​രീ​ക്ഷ​ണ​മാ​യ​തി​നാ​ൽ 20,000 രൂ​പ ഈ ​സം​വി​ധാ​ന​ത്തി​നു വേ​ണ്ടി​വ​ന്നു.വെ​ള്ള​വും മ​നു​ഷ്യ അ​ധ്വാ​ന​വും ഏ​റ്റ​വും കു​റ​ച്ചു കൊ​ണ്ടാ​ണ് ന​ല്ല വി​ള​വെ​ടു​പ്പ് ന​ട​ത്തു​വാ​ൻ സാ​ധി​ച്ചു എ​ന്ന​ത് വ​ലി​യ സ​ന്തോ​ഷം ന​ൽ​കു​ന്നു എ​ന്നു അ​ഭി​ജി​ത്തും അ​ർ​ജു​നും അ​ശ്വി​നും പ​റ​യു​ന്നു.

ത​ങ്ങ​ളു​ടെ പ്ര​തീ​ക്ഷ​യ്ക്ക​പ്പു​റം ചെ​ടി​ക​ൾ ഫ​ലം ന​ൽ​കി​യ​തി​ന്‍റെ ആ​വേ​ശ​ത്തി​ലാ​ണ് യു​വാ​ക്ക​ൾ. അ​ർ​ജു​ൻ സു​രേ​ഷി​ന്‍റെ വീ​ടി​ന്‍റെ മ​ട്ടു​പ്പാ​വി​ലെ കൃ​ഷി​ക്കു അ​ച്ഛ​നും സി​ഡാ​ക്കി​ലെ ഉ​ദ്യോ​ഗ​സ്ഥ​നു​മാ​യ സു​രേ​ഷ് ബാ​ബു​വും അ​മ്മ ഗീ​ത​യും എ​ല്ലാ പ്രോ​ത്സാ​ഹ​ന​ങ്ങ​ളു​മാ​യി ഒ​പ്പ​മു​ണ്ട്.ത​ങ്ങ​ളു​ടെ ആ​ദ്യ പ​രീ​ക്ഷ​ണ വി​ജ​യ​ത്തി​ന്‍റെ സ​ന്തോ​ഷ​ത്തി​ലും ഈ ​കൃ​ഷി രീ​തി കേ​ര​ള​ത്തി​ൽ കൂ​ടു​ത​ൽ പ്ര​ചാ​ര​ത്തി​ലാ​ക്കു​ന്ന​തി​ന്‍റെ പു​ന​രാ​ലോ​ച​ന​ക​ളി​ലും പ​രീ​ക്ഷ​ണ​ങ്ങ​ളി​ലു​മാ​ണ് എ​ൻ​ജി​നി​യ​ർ​മാ​ർ.വ​ലി​പ്പം കു​റ​ഞ്ഞ​തും 10,000 രൂ​പ ചെ​ല​വു​വ​രു​ന്ന​തു​മാ​യ എ​യ്റോ പോ​ണി​ക്ക്സ് കൃ​ഷി സം​വി​ധാ​ന​മാ​ണ് ഇ​വ​രു​ടെ ല​ക്ഷ്യം.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/
നിങ്ങളുടെ അഭിപ്രായങ്ങൾ മലയാളത്തിൽ രേഖപ്പെടുത്താൻ മംഗ്ലീഷിൽ ടൈപ് ചെയ്തു താഴെക്കാണുന്ന കമെന്റ് ബോക്സിൽ പേസ്റ്റ് ചെയ്യുക

LATEST NEWS

LEADING NEWS