Set us Home Page

മദ്യം മൂലം കാൻസറും! വില്ലൻ അ​സെ​റ്റാ​ൽ​ഡിഹൈ​ഡ്

ന്യൂ​യോ​ർ​ക്ക്: മ​ദ്യം കാ​ൻ​സ​റി​നു കാ​ര​ണ​മാ​കും. മ​ദ്യ​പാ​ന​ത്തി​ന്‍റെ തോ​ത് കൂ​ടും​തോ​റും കാ​ൻ​സ​ർ സാ​ധ്യ​ത​യു​ടെ തോ​തും കൂ​ടും. കാ​ൻ​സ​ർ ചി​കി​ത്സ​ക​രു​ടെ സം​ഘ​ട​ന​യാ​യ അ​മേ​രി​ക്ക​ൻ സൊ​സൈ​റ്റി ഓ​ഫ് ക്ലി​നി​ക്ക​ൽ ഓ​ങ്കോ​ള​ജി (ആ​സ്കോ) എ​ത്തി​ച്ചേ​ർ​ന്ന നി​ഗ​മ​ന​മാ​ണി​ത്. വാ​യ, തൊ​ണ്ട, ശ്വാ​സ​നാ​ള​ദ്വാ​രം, അ​ന്ന​നാ​ളം, വ​ൻ​കു​ട​ൽ, മ​ല​ദ്വാ​രം, ക​ര​ൾ എ​ന്നി​വി​ട​ങ്ങ​ളി​ലെ കാ​ൻ​സ​റും മ​ദ്യ​പാ​ന​വു​മാ​യി നേ​രി​ട്ടുള്ള ബ​ന്ധ​മാ​ണു ക​ണ്ടെ​ത്തി​യ​ത്. സ്ത്രീ​ക​ളു​ടെ സ്ത​നാ​ർ​ബു​ദ​ത്തി​ലും മ​ദ്യം പ​ങ്കു​വ​ഹി​ക്കു​ന്നു.

കാ​ൻ​സ​ർ രോ​ഗ​ബാ​ധ​യി​ൽ 5.5 ശ​ത​മാ​ന​വും കാ​ൻ​സ​ർ മ​ര​ണ​ങ്ങ​ളി​ൽ 5.8 ശ​ത​മാ​ന​വും മ​ദ്യം മൂ​ല​മാ​ണെ​ന്ന് ആ​സ്കോ പ​റ​യു​ന്നു. പ​ഠ​ന​റി​പ്പോ​ർ​ട്ട് ആ​സ്കോ ക​ഴി​ഞ്ഞ ദി​വ​സം പു​റ​ത്തു​വി​ട്ടു.

മി​ത​മാ​യി മ​ദ്യ​പി​ക്കു​ന്ന​വ​രി​ൽ (ആ​ഴ്ച​യി​ൽ 14 പെ​ഗി​ൽ താ​ഴെ) ഒ​ട്ടും മ​ദ്യ​പി​ക്കാ​ത്ത​വ​രു​ടെ ഇ​ര​ട്ടി സാ​ധ്യ​ത​യാ​ണു കാ​ൻ​സ​ർ ബാ​ധ​യ്ക്കു​ള്ള​ത്. ആ​ഴ്ച​യി​ൽ 15 പെ​ഗി​ല​ധി​കം ക​ഴി​ക്കു​ന്ന​വ​ർ​ക്കു മ​ദ്യ​പി​ക്കാ​ത്ത​വ​രേ​ക്കാ​ൾ പ​ല മ​ട​ങ്ങു കൂ​ടു​ത​ലാ​ണു കാ​ൻ​സ​ർ ബാ​ധ​യു​ടെ സാ​ധ്യ​ത. ഇ​വ​ർ​ക്ക് വാ​യ, തൊ​ണ്ട, അ​ന്ന​നാ​ളം എ​ന്നി​വ​യി​ൽ കാ​ൻ​സ​ർ പി​ടി​ക്കാ​നു​ള്ള സാ​ധ്യ​ത അ​ഞ്ചി​ര​ട്ടി​യാ​ണ്.

ശ്വാ​സ​നാ​ള​ദ്വാ​ര കാ​ൻ​സ​റി​നു​ള്ള സാ​ധ്യ​ത മൂ​ന്നി​ര​ട്ടി; ക​ര​ളി​ൽ കാ​ൻ​സ​ർ പി​ടി​ക്കാ​നു​ള്ള സാ​ധ്യ​ത ഇ​ര​ട്ടി​യും. മ​ദ്യ​വി​ല്പ​ന​യ്ക്കും പ​ര​സ്യ​ത്തി​നും നി​യ​ന്ത്ര​ണം വേ​ണ​മെ​ന്നും പ്രാ​യ​പൂ​ർ​ത്തി​യാ​കാ​ത്ത​വ​ർ​ക്കു മ​ദ്യം വി​ൽ​ക്ക​രു​തെ​ന്നും ചി​ല്ല​റ വി​ല്പ​ന​യി​ൽ നി​യ​ന്ത്ര​ണം ഉ​ള്ളി​ട​ത്ത് അ​ത് കു​റ​യ്ക്ക​രു​തെ​ന്നും ആ​സ്കോ പ്ര​സി​ഡ​ന്‍റ് ബ്രൂ​സ് ജോ​ൺ​സ​ൺ ആ​വ​ശ്യ​പ്പെ​ട്ടു.

യൂ​ണി​വേ​ഴ്സി​റ്റി ഓ​ഫ് വി​സ്കോ​ൺ​സി​ൻ-​മാ​ഡി​സ​ണി​ലെ അ​സോ​സ്യേ​റ്റ് പ്ര​ഫ​സ​ർ ഡോ. ​നോ​യ​ൽ ലോ​കോ​ന്ത് ആ​ണ് ആ​സ്കോ​യു​ടെ പ​ഠ​ന​ത്തി​നു നേ​തൃ​ത്വം ന​ല്കി​യ​ത്. അ​വ​ർ പ​റ​ഞ്ഞു: കാ​ൻ​സ​ർ സാ​ധ്യ​ത കു​റ​യ്ക്ക​ണോ, മ​ദ്യ​പാ​നം കു​റ​യ്ക്കൂ. മ​ദ്യ​പി​ക്കാ​ത്ത​വ​രാ​ണെ​ങ്കി​ൽ അ​തു തു​ട​ങ്ങു​ക​യേ വേ​ണ്ട.

വില്ലൻ അ​സെ​റ്റാ​ൽ​ഡിഹൈ​ഡ്

മ​ദ്യം അ​പ​ക​ട​കാ​രി​യാ​കു​ന്ന​തി​ന് മു​ഖ്യ​കാ​ര​ണം മ​നു​ഷ്യ​ശ​രീ​ര​ത്തി​ൽ മ​ദ്യം വി​ഘ​ടി​ച്ചു​ണ്ടാ​കു​ന്ന അ​സെ​റ്റാ​ൽ​ഡി​ഹൈ​ഡ് ആ​ണ്. ഈ ​രാ​സ​വ​സ്തു കാ​ൻ​സ​ർ ഉ​ണ്ടാ​ക്കു​ന്ന​താ​ണെ​ന്നു മു​ന്പേ തെ​ളി​ഞ്ഞി​ട്ടു​ണ്ട്. മ​ദ്യം വാ​യി​ൽ ചെ​ല്ലു​ന്ന​തോ​ടെ വി​ഘ​ടി​ച്ച് അ​സെ​റ്റാ​ൽ​ഡിഹൈ​ഡ് ഉ​ണ്ടാ​കു​ന്നു. അ​തു​മൂ​ല​മാ​ണ് വാ​യി​ലും ശ്വാ​സ​നാ​ള​ദ്വാ​ര​ത്തി​ലും അ​ന്ന​നാ​ള​ത്തി​ലു​മു​ള്ള കാ​ൻ​സ​റി​നു കൂ​ടു​ത​ൽ സാ​ധ്യ​ത​വ​രു​ന്ന​ത്: അ​മേ​രി​ക്ക​ൻ കാ​ൻ​സ​ർ സൊ​സൈ​റ്റി​യു​ടെ വൈ​സ് പ്ര​സി​ഡ​ന്‍റ് സൂ​സ​ൻ ഗാ​പ്സ്റ്റ​ർ പ​റ​ഞ്ഞു.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/
നിങ്ങളുടെ അഭിപ്രായങ്ങൾ മലയാളത്തിൽ രേഖപ്പെടുത്താൻ മംഗ്ലീഷിൽ ടൈപ് ചെയ്തു താഴെക്കാണുന്ന കമെന്റ് ബോക്സിൽ പേസ്റ്റ് ചെയ്യുക

LATEST NEWS