ശാ​സ്താം​കോ​ട്ട​യി​ൽ 14കാ​രി​യെ മ​രി​ച്ച​നി​ല​യി​ൽ കണ്ടെത്തിയ സംഭവം; നാട്ടുകാരിയായ സ്ത്രീ കസ്റ്റഡിയിൽ; മൂന്നു പേരെ ചോദ്യം ചെയ്തുവരുന്നു.

ശാ​സ്താം​കോ​ട്ട: പ​തി​നാ​ലു​കാ​രി​യെ വീ​ട്ടി​നു​ള്ളി​ൽ തൂ​ങ്ങി​മ​രി​ച്ച​നി​ല​യി​ൽ കാ​ണ​പ്പെ​ട്ട സം​ഭ​വ​ത്തി​ൽ ദു​രൂ​ഹ​ത. സം​ഭ​വ​വു​മാ​യി ബ​ന്ധ​പ്പെ​ട്ട് നാട്ടുകാരിയായ സ്ത്രീ​യെ ക​സ്റ്റ​ഡി​യി​ലെ​ടു​ത്ത​താ​യാ​ണ് പ്രാ​ഥ​മി​ക വി​വ​രം.    മ​റ്റ് മൂ​ന്നു​പേ​രെ ചോ​ദ്യം ചെ​യ്തു​വ​രി​ക​യാ​ണെ​ന്നും പോ​ലീ​സ് പ​റ​ഞ്ഞു. മൈ​നാ​ഗ​പ്പ​ള്ളി ഇ​ട​വ​ന​ശേ​രി ആ​ര​ള​യി​ൽ നാ​സ​റി​ന്‍റെ മ​ക​ൾ ന​ജീ​ല​യാ​ണ് മ​രി​ച്ച​ത്.

ഇ​ന്ന​ലെ രാ​വി​ലെ​യാ​ണ് ഷീ​റ്റ് മേ​ഞ്ഞ വീ​ടി​ന്‍റെ കി​ട​പ്പു​മു​റി​യി​ലെ പൈ​പ്പി​ൽ തൂ​ങ്ങി​മ​രി​ച്ച​നി​ല​യി​ൽ കാ​ണ​പ്പെ​ട്ട​ത്.
സം​ഭ​വ​സ​മ​യം മാ​താ​പി​താ​ക്ക​ൾ വീ​ട്ടി​ലി​ല്ലാ​യി​രു​ന്നു. അ​മ്മ ക​ശു​വ​ണ്ടി ഫാ​ക്ട​റി​യി​ൽ  പോ​യി​രി​ക്കു​ക​യാ​യി​രു​ന്നു.   ന​ജീ​ല​യു​ടെ സ​ഹോ​ദ​രി​യു​ടെ നി​ല​വി​ളി​കേ​ട്ട് ഉ​ട​ൻ അ​യ​ൽ​വാ​സി​ക​ളും ബ​ന്ധു​ക്ക​ളും ഓ​ടി​യെ​ത്തി കു​ട്ടി​യെ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

മൃ​ത​ദേ​ഹം തി​രു​വ​ന​ന്ത​പു​രം മെ​ഡി​ക്ക​ൽ​കോ​ള​ജ് ആ​ശു​പ​ത്രി​യി​ൽ പോ​സ്റ്റ്മോ​ർ​ട്ടം ന​ട​ത്തി​യ​ശേ​ഷം മൈ​നാ​ഗ​പ്പ​ള്ളി ചെ​റു​പി​ലാ​ക്ക​ൽ മ​സ്ജി​ദി​ലെ ക​ബ​ർ​സ്ഥാ​നി​ൽ ക​ബ​റ​ട​ക്കി. ഫോ​റ​ൻ​സി​ക്, ഫിം​ഗ​ർ പ്രി​ന്‍റ്, സൈ​ന്‍റി​ഫി​ക് വി​ദ​ഗ്ധ​രെ​ത്തി തെ​ളി​വെ​ടു​പ്പ് ന​ട​ത്തി​യി​രു​ന്നു. കൊ​ട്ടാ​ര​ക്ക​ര റൂ​റ​ൽ​എ​സ്പി കെ.​സു​രേ​ന്ദ്ര​ൻ എ​സി​പി ബി.​കൃ​ഷ്ണ​കു​മാ​ർ എ​ന്നി​വ​ർ സം​ഭ​വ​സ്ഥ​ല​ത്തെ​ത്തി അ​ന്വേ​ഷ​ണം ന​ട​ത്തി​യി​രു​ന്നു.

ഇ​തി​നി​ട​യി​ൽ സം​ഭ​വ​ത്തി​ൽ ദു​രൂ​ഹ​ത ഉ​ണ്ടെ​ന്ന് ആ​രോ​പ​ണം ഉ​യ​ർ​ന്ന​തി​നെ​തു​ട​ർ​ന്ന് ചി​ല​രെ ചോ​ദ്യം ചെ​യ്യു​ക​യാ​യി​രു​ന്നു. ക​സ്റ്റ​ഡി​യി​ലു​ള്ള സ്ത്രീ ​മ​ന്ത്ര​വാ​ദ​ത്തി​നും മ​റ്റു​മാ​യി കു​ട്ടി​യെ പ​ല സ്ഥ​ല​ങ്ങ​ളി​ൽ കൂ​ട്ടി​ക്കൊ​ണ്ടു​പോ​യി​ട്ടു​ള്ള​താ​യി വി​വ​രം ല​ഭി​ച്ചി​ട്ടു​ണ്ട്. ഇ​തു​മാ​യി ബ​ന്ധ​പ്പെ​ട്ട് സ്ത്രീ ​വെ​ളി​പ്പെ​ടു​ത്തി​യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ലാ​ണ് മ​റ്റ് മൂ​ന്നു​പേ​രെ ക​സ്റ്റ​ഡി​യി​ലെ​ടു​ത്ത​തെ​ന്നു​മാ​ണ് സൂ​ച​ന.