വാ​യ്പ അ​ട​യ്ക്കാ​നെ​ത്തി​യ ഗ​ർ​ഭി​ണി​യെ ബാ​ങ്കു​കാ​ർ ഭീ​ഷ​ണി​പ്പെ​ടു​ത്തി​ പണം അടപ്പിക്കാൻ ശ്രമം; വീട്ടമ്മ പോലീസിൽ പരാതിനൽകി; കേസ് പിൻവലിച്ചില്ലെങ്കിൽ പണം സ്വീകരിക്കില്ലെന്ന ഭീഷണിയുമായി വീണ്ടും ബാങ്ക്

കൊ​ച്ചി: വാ​യ്പ അ​ട​യ്ക്കാ​ൻ ബാ​ങ്കി​ലെ​ത്തി​യ ഗ​ർ​ഭി​ണി​യാ​യ വീ​ട്ട​മ്മ​യെ ബാ​ങ്ക് അ​ധി​കൃ​ത​ർ ഭീ​ഷ​ണി​പ്പെ​ടു​ത്തി​യ​താ​യി പ​രാ​തി. നോ​ർ​ത്ത് എ​സ്ആ​ർ​എം റോ​ഡി​ൽ താ​മ​സി​ക്കു​ന്ന പി. ​സ്മി​താ​മോ​ളാ​ണ് എ​റ​ണാ​കു​ളം എ​സി​പി കെ. ​ലാ​ൽ​ജി​ക്കു പാ​രാ​തി ന​ൽ​കി​യ​ത്. ജ​നു​വ​രി​യി​ൽ സ്വ​കാ​ര്യ​ബാ​ങ്കി​ന്‍റെ പാ​ലാ​രി​വ​ട്ടം ശാ​ഖ​യി​ൽ​നി​ന്നു മൂ​ന്നു​വ​ർ​ഷ​ത്തെ കാ​ലാ​വ​ധി​യി​ൽ വാ​യ്പ എ​ടു​ത്തു കാ​ർ വാ​ങ്ങി​യി​രു​ന്നു.

എ​ന്നാ​ൽ ചി​ല കാ​ര​ണ​ങ്ങ​ളാ​ൽ ജൂ​ലൈ, ഓ​ഗ​സ്റ്റ് മാ​സ​ങ്ങ​ളി​ലെ ത​വ​ണ​ക​ൾ മു​ട​ങ്ങി. സെ​പ്റ്റം​ബ​റി​ലെ മാ​സ​ത്ത​വ​ണ ബാ​ങ്കി​ൽ നി​ക്ഷേ​പി​ച്ചെ​ങ്കി​ലും സാ​ങ്കേ​തി​ക കാ​ര​ണ​ങ്ങ​ളാ​ൽ പ​ണം ഈ ​ബാ​ങ്കി​നു കൈ​പ്പ​റ്റാ​ൻ സാ​ധി​ച്ചി​ല്ല. കാ​ര്യം തി​ര​ക്കി​യ​പ്പോ​ൾ നേ​രി​ൽ വ​ന്നു പ​ണം നി​ക്ഷേ​പി​ക്ക​ണ​മെ​ന്നാ​ണു ബാ​ങ്ക് ജീ​വ​ന​ക്കാ​ര​ൻ അ​റി​യി​ച്ച​ത്.

ഇ​ത​നു​സ​രി​ച്ച് ബാ​ങ്കി​ലെ​ത്തി​യ​പ്പോ​ൾ ത​ന്നോ​ടും ഭ​ർ​ത്താ​വി​നോ​ടും ബാ​ങ്ക് ഉ​ദ്യോ​ഗ​സ്ഥ​ർ അ​പ​മ​ര്യാ​ദ​യാ​യി പെ​രു​മാ​റി​യെ​ന്നു സ്മി​ത പ​ത്ര​സ​മ്മേ​ള​ന​ത്തി​ൽ പ​റ​ഞ്ഞു. കു​ടി​ശി​ക അ​ട​ക്കം മൂ​ന്നു മാ​സ​ത്തെ തു​ക ഒ​രു​മി​ച്ച​ട​ച്ചി​ല്ലെ​ങ്കി​ൽ കാ​ർ പി​ടി​ച്ചെ​ടു​ക്കു​മെ​ന്നു ബാ​ങ്ക് അ​ധി​കൃ​ത​ർ ഭീ​ഷ​ണി​പ്പെ​ടു​ത്തി.

ഇ​തേ​ത്തു​ട​ർ​ന്ന് ക​ണ്‍​സ്യൂ​മ​ർ കോ​ട​തി​യി​ലും മാ​ന​സി​ക​പീ​ഡ​ന​ത്തി​ന് പാ​ലാ​രി​വ​ട്ടം പോ​ലീ​സ് സ്റ്റേ​ഷ​നി​ലും യു​വ​തി പ​രാ​തി ന​ൽ​കി. കേ​സ് പി​ൻ​വ​ലി​ക്കാ​തെ പ​ണം സ്വീ​ക​രി​ക്കി​ല്ലെ​ന്ന നി​ല​പാ​ടി​ലാ​ണ് ഇ​പ്പോ​ൾ ബാ​ങ്ക് അ​ധി​കൃ​ത​രെ​ന്നും സ്മി​ത പ​റ​ഞ്ഞു.