Set us Home Page

ഭാ​ര​ത​പ്പു​ഴ വ​റ്റി​വ​ര​ണ്ടു; ഷൊ​ർ​ണൂ​ർ കു​ടി​വെ​ള്ള​ക്ഷാ​മ​ത്തി​ന്‍റെ പി​ടി​യി​ൽ; ഭാരതപ്പുഴയെ ആശ്രയിച്ച് നൂറ്റിയമ്പതോളം  ജലവിതരണ പദ്ധതികൾ  അവതാളത്തിൽ

ഷൊ​ർ​ണൂ​ർ: ഭാ​ര​ത​പ്പു​ഴ വ​റ്റി​വ​ര​ണ്ട​തോ​ടെ ഷൊ​ർ​ണൂ​ർ കു​ടി​വെ​ള്ള​ക്ഷാ​മ​ത്തി​ന്‍റെ പി​ടി​യി​ലാ​യി. താ​ത്കാ​ലി​ക ത​ട​യ​ണ നി​ർ​മി​ച്ചാ​ണ് ഇ​പ്പോ​ൾ ര​ണ്ടു​ദി​വ​സ​ത്തി​ലൊ​രി​ക്ക​ലെ​ങ്കി​ലും കു​ടി​വെ​ള്ള​വി​ത​ര​ണം ന​ട​ത്തു​ന്ന​ത്.

സ്ഥി​രം ത​ട​യ​ണ​യു​ടെ നി​ർ​മാ​ണം ന​ട​ക്കു​ന്നു​ണ്ടെ​ങ്കി​ലും ഈ ​വ​ർ​ഷം ഇ​തി​നു പൂ​ർ​ണ​ത​യു​ണ്ടാ​കു​ക​യോ ഗു​ണം ല​ഭ്യ​മാ​കു​ക​യോ ചെ​യ്യി​ല്ല. ഇ​തി​നാ​ൽ താ​ത്കാ​ലി​ക ത​ട​യ​ണ​യി​ലെ വെ​ള്ളം ഉ​പ​യോ​ഗി​ച്ചു മാ​ത്ര​മേ ഈ ​വേ​ന​ൽ​ക്കാ​ല​ത്തെ അ​തി​ജീ​വി​ക്കാ​ൻ ഷൊ​ർ​ണൂ​ർ ന​ഗ​ര​ത്തി​നും പ​രി​സ​ര​പ്ര​ദേ​ശ​ങ്ങ​ൾ​ക്കും ആ​കു​വെ​ന്നാ​ണ് വാ​സ്ത​വം.

ഒ​റ്റ​പ്പാ​ല​ത്തും മാ​ന്ന​ന്നൂ​രി​ലും ത​ട​യ​ണ​യു​ള്ള​തി​നാ​ൽ പു​ഴ​യി​ലൂ​ടെ​യു​ള്ള ഒ​ഴു​ക്കു​മു​ന്പു ത​ന്നെ നി​ല​ച്ചി​രു​ന്നു. ചെ​റി​യ​നി​ല​യി​ൽ എ​ത്തു​ന്ന വെ​ള്ളം സ്വീ​ക​രി​ക്കു​ന്ന​തി​നാ​യി പ​ന്പ് ഹൗ​സി​നു​വേ​ണ്ടി എ​ടു​ത്തു കി​ണ​റി​ലേ​ക്ക് ചാ​ലെ​ടു​ത്തി​ട്ടു​ണ്ട്.

ഇ​തി​നു പു​റ​മേ​യാ​ണ് മ​ണ​ൽ​ചാ​ക്ക് ഉ​പ​യോ​ഗി​ച്ചു​ള്ള താ​ത്കാ​ലി​ക ത​ട​യ​ണ നി​ർ​മാ​ണം ന​ട​ത്തി​യ​ത്. സ​മ​ഗ്ര കു​ടി​വെ​ള്ള​പ​ദ്ധ​തി​യു​ടെ ശു​ചീ​ക​രി​ച്ച വെ​ള്ളം ടാ​ങ്കി​ൽ എ​ത്തി​ക്കു​ന്ന​തി​നാ​യു​ള്ള പൈ​പ്പു​ക​ൾ സ്ഥാ​പി​ക്കു​ന്ന പ്ര​വൃ​ത്തി പു​രോ​ഗ​മി​ക്കു​ക​യാ​ണ്. ശു​ചീ​ക​ര​ണ പ്ലാ​ന്‍റി​ന്‍റെ നി​ർ​മാ​ണ​വും ന​ട​ക്കു​ന്നു​ണ്ട്.അ​തേ​സ​മ​യം ഇ​ട​യ്ക്കി​ടെ പൊ​ട്ടു​ന്ന പൈ​പ്പു​ക​ളു​ടെ കാ​ര്യ​ത്തി​ൽ ന​ട​പ​ടി​യു​ണ്ടാ​കു​ന്നി​ല്ല. കാ​ല​പ്പ​ഴ​ക്കം ചെ​ന്ന പൈ​പ്പു​ക​ളാ​ണ് ഇ​ത്ത​ര​ത്തി​ൽ പൊ​ട്ടു​ന്ന​ത്. ഇ​തു​വ​ഴി ധാ​രാ​ളം വെ​ള്ളം പാ​ഴാ​കു​ന്നു​ണ്ട്.

ഇ​തു​മൂ​ലം മ​റ്റു പ്ര​ദേ​ശ​ങ്ങ​ളി​ലേ​ക്ക് കു​ടി​വെ​ള്ളം എ​ത്താ​ത്ത സ്ഥി​തി​യു​മു​ണ്ട്. കു​ടി​വെ​ള്ള​വി​ത​ര​ണം ന​ട​ത്താ​ൻ ഉ​പ​യോ​ഗി​ക്കു​ന്ന പൈ​പ്പു​ലൈ​നു​ക​ൾ മാ​റ്റ​ണ​മെ​ന്ന് വ്യാ​പ​ക ആ​വ​ശ്യം ഉ​യ​ർ​ന്നി​ട്ടു​ണ്ട്. വേ​ന​ലി​ന്‍റെ കാ​ഠി​ന്യം ശ​ക്ത​മാ​കു​ന്ന​തി​ന്‍റെ സൂ​ച​ന​യാ​ണ് എ​വി​ടെ​യും ദൃ​ശ്യ​മാ​കു​ന്ന​ത്. അ​കാ​ല​ത്തി​ൽ വ​ര​ണ്ടു​ണ​ങ്ങി​യ ഭാ​ര​ത​പു​ഴ​യും വൃ​ഷ്ടി​പ്ര​ദേ​ശ​ങ്ങ​ളും മ​രു​ഭൂ​മി​യെ അ​നു​സ്മ​രി​പ്പി​ക്കും വി​ധ​മാ​ണ്.

ടാ​ങ്ക​റു​ക​ൾ​വ​ഴി കു​ടി​വെ​ള്ളം എ​ത്തി​ച്ചു​ന​ല്കേ​ണ്ട സ്ഥി​തി​യി​ലേ​ക്കാ​ണ് കാ​ര്യ​ങ്ങ​ൾ പോ​കു​ന്ന​ത്. തൃ​ശൂ​ർ, മ​ല​പ്പു​റം, പാ​ല​ക്കാ​ട് ഉ​ൾ​പ്പെ​ടെ മൂ​ന്നു ജി​ല്ല​ക​ളു​ടെ പ്ര​ധാ​ന കു​ടി​വെ​ള്ള​സ്രോ​ത​സാ​ണ് ഭാ​ര​ത​പ്പു​ഴ.പു​ഴ​യെ ആ​ശ്ര​യി​ച്ച് ചെ​റു​തും വ​ലു​തു​മാ​യി 150നു ​പു​റ​ത്ത് ജ​ല​വി​ത​ര​ണ പ​ദ്ധ​തി​ക​ളാ​ണ് പ്ര​വ​ർ​ത്തി​ക്കു​ന്ന​ത്. വേ​ന​ലി​ന്‍റെ കാ​ഠി​ന്യ​ത്തി​ൽ ഇ​വ​യെ​ല്ലാം അ​വ​താ​ള​ത്തി​ലാ​കു​മെ​ന്ന കാ​ര്യം ഉ​റ​പ്പാ​ണ്.

കേ​ര​ള​ത്തി​ലെ ഏ​റ്റ​വും വ​ലി​യ റെ​യി​ൽ​വേ സ്റ്റേ​ഷ​നാ​യ ഷൊ​ർ​ണൂ​ർ ജം​ഗ്ഷ​നി​ൽ ട്രെ​യി​നു​ക​ളി​ൽ വെ​ള്ളം നി​റ​യ്ക്കു​ന്ന​ത് ഭാ​ര​ത​പു​ഴ​യി​ലെ വെ​ള്ള​മാ​ണ്. ഇ​തും അ​വ​താ​ള​ത്തി​ലാ​കാ​നാ​ണ് സാ​ധ്യ​ത. തീ​പി​ടി​ത്തം പ​തി​വാ​യ വേ​ന​ലി​ൽ ഷൊ​ർ​ണൂ​ർ ഫ​യ​ർ​ഫോ​ഴ്സി​നും വെ​ള്ള​മാ​വ​ശ്യ​മാ​ണ്. ഇ​തെ​ല്ലാം ഭാ​ര​ത​പു​ഴ​യെ മാ​ത്രം ആ​ശ്ര​യി​ച്ചാ​ണ്.

 

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS