ഉപ്പുതറ: പ്രായപൂർത്തിയാകാത്ത പെണ്‍കുട്ടിയെ പീഡിപ്പിച്ച യുവാവിനെ ഉപ്പുതറ പോലീസ് അറസ്റ്റ് ചെയ്തു. മത്തായിപ്പാറ കത്തിതേപ്പൻ മനക്കൽ ബിജു (38)നെയാണ് പോലീസ് അറസ്റ്റുചെയ്തത്.കഴിഞ്ഞ ദിവസം പെണ്‍കുട്ടിക്ക് വയറുവേദന ഉണ്ടായതിനെതുടർന്ന് ആശുപത്രിയിൽ പരിശോധന നടത്തിയപ്പോഴാണ് പെണ്‍കുട്ടി നാലര മാസം ഗർഭിണിയാണെന്ന് അറിഞ്ഞത്. ഡോക്ടർ വിവരം പോലീസിലറിയിക്കുകയും പോലീസിന്റ അന്വേഷണത്തിൽ പ്രതിയെ കണ്ടെത്തുകയുമായിരുന്നു.
രണ്ടുവർഷമായി ഇയാൾ പെണ്‍കുട്ടിയുടെ മാതാവുമായി അടുപ്പത്തിലായിരുന്നെന്നും പെണ്‍കുട്ടിയെ ഭീഷണിപ്പെടുത്തി പീഡിപ്പിക്കുകയായിരുന്നെന്നും പോലീസ് പറഞ്ഞു. ഇടുക്കി എസ്പി കെ.വി. വേണുഗോപാലിന്റെ നിർദേശാനുസരണം കട്ടപ്പന ഡിവൈഎസ്പി എൻ.സി. രാജ്മോഹനാണ് പ്രതിയെ അറസ്റ്റ് ചെയ്തത്. പ്രതിയെ കോടതിയിൽ ഹാജരാക്കി റിമാൻഡുചെയ്തു.
