ഇ​നി​യും ച​ലി​ക്കാ​തെ സ​ഞ്ച​രി​ക്കു​ന്ന ര​ക്ത​ബാ​ങ്ക്; ഗ്രാമപ്രദേശങ്ങളിൽ രക്തബാങ്കിന്‍റെ സേവ നം ലഭ്യമാക്കുന്നതിന് സജ്ജീ കരിച്ച ആംബുല ൻസ് കട്ടപ്പുറത്ത്; ചെലവായത് 9 ലക്ഷം

ambulanceക​ണ്ണൂ​ർ: ഗ്രാ​മ​പ്ര​ദേ​ശ​ങ്ങ​ളി​ൽ ര​ക്ത​ബാ​ങ്കി​ന്‍റെ സേ​വ​നം ല​ഭ്യ​മാ​ക്കു​ന്ന​തി​നാ​യി ആ​രം​ഭി​ച്ച  ബ്ല​ഡ് ഓ​ൺ വീ​ൽ ക​ട്ട​പ്പു​റ​ത്ത്.  ക​ഴി​ഞ്ഞ ഡി​സം​ബ​ർ ഒ​ന്നി​ന് ഉ​ദ്ഘാ​ട​നം ചെ​യ്ത സ​ഞ്ച​രി​ക്കു​ന്ന ബ്ല​ഡ് ബാ​ങ്ക് മൂ​ന്നു​മാ​സം പി​ന്നി​ട്ടി​ട്ടും ച​ലി​പ്പി​ക്കാ​ൻ അ​ധി​കൃ​ത​ർ​ക്കാ​യി​ല്ല. സം​സ്ഥാ​ന​ത്ത് ആ​ദ്യ​മാ​യി ക​ണ്ണൂ​രി​ലാ​ണ് പ​ദ്ധ​തി തു​ട​ങ്ങി​യ​ത്. ര​ക്തം ന​ൽ​കു​ന്പോ​ൾ ഈ​ടാ​ക്കേ​ണ്ട ഫീ​സ് തീ​രു​മാ​നി​ക്കാ​ത്ത​തും പ്ര​വ​ർ​ത്ത​ന​ത്തി​ന് ആ​വ​ശ്യ​മാ​യ ടെ​ക്നീ​ഷ​ൻ ഇ​ല്ലാ​ത്ത​തു​മാ​ണ് പ്ര​തി​സ​ന്ധി​ക്ക് കാ​ര​ണം. ഒ​ന്പ​തു ല​ക്ഷം രൂ​പ ചെ​ല​വ​ഴി​ച്ചാ​ണ് ആം​ബു​ല​ൻ​സി​ൽ ര​ക്ത​ബാ​ങ്കി​ന്  ആ​വ​ശ്യ​മാ​യ  ഉ​പ​ക​ര​ണ​ങ്ങ​ൾ സ​ജ്ജീ​ക​രി​ച്ച​ത്.

അ​ടി​യ​ന്ത​ര​സ​ഹാ​ച​ര്യ​ങ്ങ​ളി​ൽ മ​ല​യോ​ര മേ​ഖ​ല​ക​ളി​ൽ ഉ​ൾ​പ്പെ​ടെ ര​ക്തം എ​ത്തി​ക്കാ​നു​ള്ള സം​വി​ധാ​ന​മാ​ണ് സ​ഞ്ച​രി​ക്കു​ന്ന ര​ക്ത​ബാ​ങ്കി​ലൂ​ടെ ല​ക്ഷ്യ​മി​ട്ടി​രു​ന്ന​ത്. എ​ല്ലാ ഗ്രൂ​പ്പു​ക​ളി​ലു​ള്ള ര​ക്ത​വും വാ​ഹ​ന​ത്തി​ൽ എ​ത്തി​ച്ച് ന​ൽ​കാ​നാ​യി​രു​ന്നു കേ​ന്ദ്ര-​സം​സ്ഥാ​ന സ​ർ​ക്കാ​രു​ക​ളു​ടെ സം​യു​ക്ത​സം​രം​ഭ​മാ​യി  പ​ദ്ധ​തി ആ​രം​ഭി​ച്ച​ത്. എ​ന്നാ​ൽ, ഇ​തി​ന്‍റെ പ്ര​യോ​ജ​നം ജി​ല്ല​യി​ൽ ആ​ർ​ക്കും ല​ഭി​ച്ചി​ട്ടി​ല്ല. രാ​ത്രി​കാ​ല​ങ്ങ​ളി​ൽ വാ​ഹ​ന​ത്തി​ന്‍റെ സേ​വ​നം  ഏ​റെ ഉ​പ​കാ​ര​പ്ര​ദ​മാ​കു​മാ​യി​രു​ന്നു.

സം​സ്ഥാ​ന​ത്ത് 167 ര​ക്ത​ബാ​ങ്കു​ക​ളാ​ണു​ള്ള​ത്. ഇ​തി​ൽ 39 എ​ണ്ണം മാ​ത്ര​മാ​ണ് സ​ർ​ക്കാ​ർ മേ​ഖ​ല​യി​ലു​ള്ള​ത്.‌ സ്വ​കാ​ര്യ മേ​ഖ​ല​യി​ൽ 800 രൂ​പ ഈ​ടാ​ക്കു​ന്പോ​ൾ ജി​ല്ലാ​ശു​പ​ത്രി​യി​ലെ ബ്ല​ഡ് ബാ​ങ്കി​ൽ 300 രൂ​പ​യ്ക്കാ​ണ് ര​ക്തം ന​ൽ​കു​ന്ന​ത്. സ​ഞ്ച​രി​ക്കു​ന്ന ബ്ല​ഡ് ബാ​ങ്ക് പ്ര​വ​ർ​ത്തി​പ്പി​ക്കാ​ൻ അ​ധി​കൃ​ത​രു​ടെ അ​ടി​യ​ന്ത​ര ഇ​ട​പെ​ട​ൽ കാ​ത്തി​രി​ക്കു​ക​യാ​ണ് ക​ണ്ണൂ​ർ ജി​ല്ലാ​ശു​പ​ത്രി​യി​ലെ ബ്ല​ഡ് ബാ​ങ്ക് അ​ധി​കൃ​ത​ർ.

Related posts