ബോ​ണ​ക്കാ​ട്ടി​ലെ പ്രേ​തബം​ഗ്ലാ​വും, പ്രേ​ത​ക​ഥ​യും! തി​രു​വ​ന​ന്ത​പു​രം ബോ​ണ​ക്കാ​ട്ടെ ഒ​രു ബം​ഗ്ലാ​വി​നെ​ക്കു​റി​ച്ച് ചി​ല “പ്രേ​ത’ കഥകള്‍

വി.ആര്‍. അരുണ്‍കുമാര്‍
Bonakkadu_bungalow01

കൂ​രി​രി​ട്ടു​ള്ള രാ​ത്രി​യി​ൽ വെ​ള്ള​സാ​രി​യു​മു​ടു​ത്ത് വി​കൃ​ത​മാ​യ മു​ഖ​ത്തോ​ടെ ഇ​ര​ക​ളു​ടെ ര​ക്തം കു​ടി​ക്കാ​ൻ ന​ട​ക്കു​ന്ന പ്രേ​ത​ങ്ങ​ളു​ടെ ക​ഥ​കേ​ൾ​ക്കാ​ത്ത​വ​ർ ചു​രു​ക്ക​മാ​ണ്. മ​ന​സി​നെ ഭീ​തി​യി​ലാ​ഴ്ത്തി​യ പ്രേ​ത​ക​ഥ​ക​ളും കു​ട്ടി​ക്കാ​ല​ത്ത് നാം ​ആ​കാം​ക്ഷ​യോ​ടെ വാ​യി​ച്ചി​രു​ന്നു. എ​വി​ടെ നി​ന്നാ​ണ് ഇ​ത്ത​രം പ്രേ​ത​ക​ഥ​ക​ളു​ടെ ഉ​ത്ഭ​വ​മെ​ന്ന​ത് അ​ജ്ഞാ​തം. നി​ങ്ങ​ൾ ദൈ​വ​ത്തി​ൽ വി​ശ്വ​സി​ക്കു​ന്നു​ണ്ടെ​ങ്കി​ൽ പ്രേ​ത​ങ്ങ​ളി​ലും വി​ശ്വ​സി​ക്ക​ണ​മെ​ന്നാണു ചി​ല​ർ പ​റ​യു​ന്ന​ത്. മ​റ്റു​ചി​ല​രാ​ക​ട്ടെ പ്രേ​ത​ങ്ങ​ളൊ​ന്നു​മി​ല്ല അ​തൊ​ക്കെ ചി​ല​രു​ടെ മി​ഥ്യാ​ധാ​ര​ണ​ക​ളാ​ണെ​ന്നും വി​ശ്വ​സി​ക്കു​ന്നു. എ​ന്താ​യാ​ലും പ്രേ​ത​ങ്ങ​ൾ കു​ട്ടി​ക​ളും മു​തി​ർ​ന്ന​വ​രും എ​ക്കാ​ല​ത്തും ആ​കാംക്ഷ​യോ​ടെ ച​ർ​ച്ച ചെ​യ്യു​ന്ന വി​ഷ​യ​ങ്ങ​ളാ​ണ്.

വി​ശ്വാ​സ​ത്തെ​യും അ​വി​ശ്വാ​സ​ത്തെ​യും അ​തി​ന്‍റെ വ​ഴി​ക്ക് വി​ടാം. കു​റ​ച്ചു മാ​സ​ങ്ങ​ൾ​ക്ക് മു​ന്പ് തി​രു​വ​ന​ന്ത​പു​രം ബോ​ണ​ക്കാ​ട്ടെ ഒ​രു ബം​ഗ്ലാ​വി​നെ​ക്കു​റി​ച്ച്് ചി​ല “പ്രേ​ത’ വാ​ർ​ത്ത​ക​ൾ സോ​ഷ്യ​ൽ മീ​ഡി​യ വ​ഴി​യും ഓ​ണ്‍​ലൈ​ൻ മാ​ധ്യ​മ​ങ്ങ​ൾ വ​ഴി​യും പ്ര​ച​രി​ക്കു​ക​യു​ണ്ടാ​യി. ബോ​ണ​ക്കാ​ട്ടെ പ്രേ​ത​ത്തെ ക​ണ്ടെ​ത്താ​ൻ പ​ല​രും അ​ങ്ങോ​ട്ട് യാ​ത്ര​തി​രി​ച്ചു. മി​ക്ക​വ​രും നി​രാ​ശ​രാ​യാ​ണ് മ​ട​ങ്ങി​യ​ത്. മ​റ്റു ചി​ല​ർ പ്രേ​ത​ത്തെ ക​ണ്ടെ​ന്ന അ​വ​കാ​ശ​വു​മാ​യി രം​ഗ​ത്തെ​ത്തു​ക​യും ചെ​യ്തു. പ​ക്ഷേ മ​റ്റാ​രും കാ​ണാ​ത്ത മ​റു​പു​റം ബോ​ണ​ക്കാ​ട് എ​ന്ന സ്ഥ​ല​ത്തി​നു​ണ്ട്. ജീ​വി​ത​ത്തോ​ട് പ​ട​വെ​ട്ടി ഓ​രോ ദി​വ​സ​വും ത​ള്ളി​നീ​ക്കു​ന്ന കു​റേ ജീ​വി​ത​ങ്ങ​ളു​ണ്ടി​വി​ടെ. ബോ​ണ​ക്കാ​ട് എ​സ്റ്റേ​റ്റി​ലെ തൊ​ഴി​ലാ​ളി​ക​ൾ. ഒ​രു കാ​ല​ത്ത് എ​ല്ലാ സൗ​ഭാ​ഗ്യ​ങ്ങ​ളോ​ടെ താ​മ​സി​ച്ച ഇ​വ​ർ ഇ​ന്ന് ഓ​രോ ദി​വ​സ​വും ത​ള്ളി​നീ​ക്കാ​ൻ പാ​ടു​പെ​ടു​ക​യാ​ണ്.

ബോ​ണ​ക്കാ​ട്ടി​ലെ പ്രേ​തബം​ഗ്ലാ​വും, പ്രേ​ത​ക​ഥ​യും

ബോ​ണ​ക്കാ​ട്ടി​ലെ പ്രേ​തബം​ഗ്ലാ​വി​നെ​ക്കു​റി​ച്ച് ഏ​താ​നും മാ​സ​ങ്ങ​ൾ​ക്ക് മു​ന്പാ​ണ് സോ​ഷ്യ​ൽ മീ​ഡി​യ​ക​ളി​ൽ ക​ഥ​ക​ൾ പ്ര​ച​രി​ച്ച​ത്. തി​രു​വ​ന​ന്ത​പു​രം അ​ഗ​സ്ത്യ​മ​ല​ക​ളു​ടെ താ​ഴ്വ​ര​യി​ൽ സ്ഥി​തി ചെ​യ്യു​ന്ന ബം​ഗ്ലാ​വി​ൽ പ്രേ​ത​മു​ണ്ടെ​ന്നാ​ണ് പ്ര​ചാ​ര​ണം. സോ​ഷ്യ​ൽ മീ​ഡി​യ​യി​ൽ പ്ര​ച​രി​ക്കു​ന്ന ക​ഥ​യി​ങ്ങ​നെ: ബോ​ണ​ക്കാ​ട് എ​സ്റ്റേ​റ്റി​ന്‍റെ കാ​ര്യ​ങ്ങ​ൾ​ക്ക് മേ​ൽ​നോ​ട്ടം വ​ഹി​ക്കാ​നെ​ത്തി​യ ബ്രിട്ടീ​ഷു​കാ​ര​നാ​യ മാ​നേ​ജ​രാ​ണ് 1951ൽ ​ക​രി​ങ്ക​ല്ലു​കൊ​ണ്ട് വ​ലി​യ ബം​ഗ്ലാ​വ് നി​ർ​മി​ച്ച​ത്. പി​ന്നീ​ട് ഇ​യാ​ളും കു​ടും​ബ​വും ബം​ഗ്ലാ​വി​ൽ താ​മ​സ​മാ​ക്കി. കു​റ​ച്ചു നാ​ളു​ക​ൾ​ക്ക് ശേ​ഷം എ​സ്റ്റേ​റ്റ് മാ​നേ​ജ​രു​ടെ 13 വ​യ​സു​ള്ള മ​ക​ളെ ദു​രൂഹ​മാ​യ സാ​ഹ​ച​ര്യ​ത്തി​ൽ ബം​ഗ്ലാ​വി​നു​ള്ളി​ൽ മ​രി​ച്ച നി​ല​യി​ൽ ക​ണ്ടെ​ത്തി. ഈ ​സം​ഭ​വ​ത്തി​നു ശേ​ഷം മാ​നേ​ജ​രും കു​ടും​ബ​വും ഇ​വി​ടെ നി​ന്നും ബ്രി​ട്ട​നി​ലേ​ക്കു തി​രി​ച്ചുപോ​യി.

പി​ന്നീ​ട് ഈ ​ബം​ഗ്ലാ​വി​ൽ താ​മ​സി​ച്ച പ​ല​രും രാ​ത്രി​കാ​ല​ങ്ങ​ളി​ൽ ഒ​രു പെ​ണ്‍​കു​ട്ടി​യെ കാ​ണു​ക​യും വ​ലി​യ അ​ല​ർ​ച്ച​യും നി​ല​വി​ളി​ക​ളും പൊ​ട്ടി​ച്ചി​രി​ക​ളും ജ​ന​ൽ ചി​ല്ലു​ക​ൾ ത​ക​രു​ന്ന ശ​ബ്ദ​വും കേ​ൾ​ക്കു​ക​യും ചെ​യ്തു​വ​ത്രേ. പ​ണ്ട് വി​റ​കു ശേ​ഖ​രി​ക്കാ​നാ​യി ഇ​വി​ടെ​യെ​ത്തി​യ ഒ​രു പെ​ണ്‍​കു​ട്ടി തി​രി​ച്ച് വീ​ട്ടി​ലെ​ത്തി​യ​ത് അ​സാ​ധാ​ര​ണ​മാ​യ പെ​രു​മാ​റ്റ​ത്തോ​ടെ​യാ​യി​രു​ന്നു. നി​ര​ക്ഷ​ര​യാ​യ ആ ​പെ​ണ്‍​കു​ട്ടി പാ​ശ്ചാ​ത്യ ശൈ​ലി​യി​ൽ ഇം​ഗ്ലീ​ഷ് സം​സാ​രി​ക്കാ​ൻ തു​ട​ങ്ങിയെ​ന്നും ദി​വ​സ​ങ്ങ​ൾ​ക്കു ശേ​ഷം പെ​ണ്‍​കു​ട്ടി​ മ​ര​ണ​പ്പെ​ടു​ക​യു​ണ്ടാ​യ​താ​യും ക​ഥ​ക​ളു​ണ്ട്. എ​ന്നാ​ൽ ബോ​ണ​ക്കാ​ട് ജ​നി​ച്ചു​വ​ള​ർ​ന്ന ബോ​ണ​ക്കാ​ട് ഡി​വി​ഷ​ൻ വാ​ർ​ഡ് മെ​ന്പ​ർ സ​തീ​ഷ് കു​മാ​ർ ഈ ​ക​ഥ​ക​ളെ​ല്ലാം പൂ​ർ​ണ​മാ​യും നി​ഷേ​ധി​ക്കു​ക​യാ​ണ് ചെ​യ്യു​ന്ന​ത്.

എ​ന്നി​രു​ന്നാ​ലും ഗൂ​ഗി​ളി​ൽ മോ​സ്റ്റ് ഹോ​ണ്ട​ഡ് പ്ലേസ് ഇ​ൻ കേ​ര​ള എ​ന്നു സേ​ർ​ച്ചു ചെ​യ്താ​ൽ ആ​ദ്യം ബോ​ണ​ക്കാ​ട് ബം​ഗ്ലാ​വി​ന്‍റെ പേ​രാ​ണ് ചാ​ടി​വ​രു​ന്ന​ത്. ബോ​ണ​ക്കാ​ടി​ന്‍റെ ക​ഥ​ക​ള​റി​ഞ്ഞ് പ്രേ​ത​ഭ​യ​മി​ല്ലാ​ത്ത​വ​ർ പ​ല​രും ഇ​വി​ടെ​യെ​ത്തി. ഇ​ങ്ങ​നെ വ​രു​ന്ന​വ​രോ​ട് നാ​ട്ടു​കാ​ർ​ക്ക് ഒ​ന്നേ പ​റ​യാ​നു​ണ്ടാ​യി​രു​ന്നു​ള്ളൂ ആ​ന​യും പു​ലി​യും വി​ഹ​രി​ക്കു​ന്ന കാ​ടാ​ണി​ത്. ഏ​ത് നി​മി​ഷ​വും ഒ​റ്റ​യാ​ൻ പ്ര​ത്യ​ക്ഷ​പ്പെ​ടാം. അ​തു​കൊ​ണ്ട് പ്രേ​ത​ത്തെ അ​ന്വേ​ഷി​ച്ച്, സു​ഖ​വി​വ​ര​ങ്ങ​ൾ തി​ര​ക്കി ഇ​വി​ടേ​ക്ക് ആ​രും വ​ന്നേ​ക്ക​രു​തെ​ന്നാ​ണ്.

ബോ​ണ​ക്കാ​ട് കാ​ഴ്ച​യ്ക്ക​പ്പു​റം

ബോ​ണ​ക്കാ​ട് പ്രേ​തക​ഥ​ക​ളി​ൽ നി​റ​യു​ന്പോ​ൾ ആ​രും കാ​ണാ​തെ ആ​രാ​ലും ശ്ര​ദ്ധി​ക്ക​പ്പെ​ടാ​തെ പ​ട്ടി​ണി​യും പ​രി​വ​ട്ട​വു​മാ​യി ഒാരോ ദി​വ​സ​വും ത​ള്ളിനീ​ക്കു​ന്ന കു​റേ ജീ​വി​ത​ങ്ങ​ളു​ണ്ടി​വി​ടെ. തി​രു​വ​ന​ന്ത​പു​രം ജി​ല്ല​യി​ലെ വി​തു​ര പ​ഞ്ചാ​യ​ത്തി​ലാ​ണ് ബോ​ണ​ക്കാ​ട് എ​സ്റ്റേ​റ്റ് സ്ഥി​തിചെ​യ്യു​ന്ന​ത്. സ്വാ​തന്ത്ര്യസമര​ത്തി​നു മു​ന്പ് ബ്രി​ട്ടീ​ഷ് ആ​ധി​പ​ത്യ​കാ​ല​ത്ത് മ​ല​യോ​ര മേ​ഖ​ല​യാ​യ പൊന്മുടി, ബോ​ണ​ക്കാ​ട് കു​ന്നു​ക​ളി​ൽ തേ​യി​ല, ഏ​ലം, കു​രു​മു​ള​ക് തു​ട​ങ്ങി​യ സു​ഗ​ന്ധ​വ്യ​ഞ്ജ​ന കൃ​ഷി​ക്കു​വേ​ണ്ടി​യാ​ണ് തൊ​ഴി​ലാ​ളി​ക​ൾ ഇ​വി​ടെ​യെ​ത്തി​യ​ത്. ബോ​ണ​ക്കാ​ട്, പൊന്മു​ടി തു​ട​ങ്ങി​യ പ്ര​ദേ​ശ​ങ്ങ​ളി​ൽ പ​ര​ന്നു​കി​ട​ക്കു​ന്ന എ​സ്റ്റേ​റ്റു​ക​ളി​ൽ കൃ​ഷി​ന​ട​ത്തി വി​ള​വെ​ടു​ത്തി​രു​ന്ന​ത് ബ്രി​ട്ടീ​ഷു​കാ​രാ​യി​രു​ന്നു. ഇ​തി​നു​ശേ​ഷം ബോ​ണ​ക്കാ​ട് എ​സ്റ്റേ​റ്റ് മും​ബൈ ആ​സ്ഥാ​ന​മാ​യു​ള​ള ബ​ൻ​സാ​ലി ഗ്രൂ​പ്പി​ന്‍റെ കൈ​യി​ലെ​ത്തു​ക​യാ​യി​രു​ന്നു.

അ​ത്യാ​ധു​നി​ക സം​വി​ധാ​ന​ത്തോ​ടെ​യു​ള​ള ബോ​ണ​ക്കാ​ട് എ​സ്റ്റേ​റ്റി​ൽ തൊ​ഴി​ലെ​ടു​ക്കാ​നെ​ത്തി​യ​ത് ത​മി​ഴ്നാ​ട്ടി​ൽ നി​ന്നു​ള​ള ആയിരത്തിൽപ​രം തൊ​ഴി​ലാ​ളി കു​ടും​ബ​ങ്ങ​ളാ​യി​രു​ന്നു. പി​ന്നീ​ട് ഇ​വ​ർ റേ​ഷ​ൻ​കാ​ർ​ഡും തി​രി​ച്ച​റി​യ​ൽ കാ​ർ​ഡു​മൊ​ക്കെ​യാ​യി ബോ​ണ​ക്കാ​ട്ടു​കാ​രാ​യി മാ​റി. തേ​യി​ല, റ​ബ​ർ, ഏ​ലം, കു​രു​മു​ള​ക് തു​ട​ങ്ങി​യ കൃ​ഷി​ക​ളി​ൽ നി​ന്നാ​യി പ്ര​തി​വ​ർ​ഷം കോ​ടി​ക​ളു​ടെ ലാ​ഭ​മാ​ണ് ബ​ൻ​സാ​ലി ഗ്രൂ​പ്പ് എ​സ്റ്റേ​റ്റി​ൽ നി​ന്നും കൊ​യ്ത​ത്. അ​ന്ന് തൊ​ഴി​ലാ​ളി​ക​ൾ​ക്കാ​യി സ​ർ​ക്കാ​ർ ബോ​ണ​ക്കാ​ട്ടി​ൽ പോ​സ്റ്റ് ഓ​ഫീ​സ്, ആ​ശു​പ​ത്രി, സ്കൂ​ൾ എ​ന്നി​വ ആ​രം​ഭി​ച്ചു. താ​മ​സി​ക്കാ​നാ​യി ഓ​ല​മേ​ഞ്ഞ നൂ​റു​ക​ണ​ക്കി​ന് ല​യ​ങ്ങ​ളും തൊ​ഴി​ലാ​ളി​ക​ൾ ഇ​വി​ടെ നി​ർ​മി​ച്ചു.

വ​ർ​ഷ​ങ്ങ​ളോ​ളം പ്ര​ശ്ന​ങ്ങ​ളൊ​ന്നു​മി​ല്ലാ​തെ പ്ര​വ​ർ​ത്തി​ച്ച എ​സ്റ്റേ​റ്റി​ൽ 1997 കാ​ല​ഘ​ട്ട​ത്തി​ൽ ശ​ന്പ​ള പ്ര​ശ്നം ഉ​ട​ലെ​ടു​ത്തു. തൊ​ഴി​ലാ​ളി​ക​ൾ​ക്കു ശ​ന്പ​ള​വും പ്രൊ​വി​ഡ​ന്‍റ് ഫ​ണ്ടും മു​ട​ക്കം വ​രു​ത്തി​യ അ​ധി​കൃ​ത​ർ​ക്കെ​തി​രേ ജീ​വ​ന​ക്കാ​ർ രം​ഗ​ത്തു വ​ന്ന​തോ​ടെ എ​സ്റ്റേ​റ്റി​ന്‍റെ ന​ല്ല​കാ​ലം അ​സ്ത​മി​ച്ചു. തൊ​ഴി​ൽ പ്ര​ശ്ന​ങ്ങ​ളും സ​മ​ര​ങ്ങ​ളും ഉ​ണ്ടാ​യ​തോ​ടെ ക​ന്പ​നി ത​ക​ർ​ന്നു. മാ​റി​മാ​റി വ​ന്ന സ​ർ​ക്കാ​രു​ക​ൾ ഇ​ട​പെ​ട്ടെ​ങ്കി​ലും ഇ​തു​വ​രെ​യും പ്ര​ശ്നം പ​രി​ഹ​രി​ക്കാ​ൻ ക​ഴി​ഞ്ഞി​ട്ടി​ല്ല. പി​ന്നീ​ട് എ​സ്റ്റേ​റ്റ് പൂ​ട്ടി. ക​ന്പ​നി കൈ​വി​ട്ട തൊ​ഴി​ലാ​ളി​ക​ൾ ഭൂ​രി​ഭാ​ഗ​വും മ​റ്റി​ട​ങ്ങ​ളി​ലേ​ക്ക് പോ​യി. എ​ന്നാ​ൽ മ​ട​ങ്ങി​പ്പോ​കാ​ൻ ഇ​ട​മി​ല്ലാ​ത്ത ഇരുന്നൂറിൽ​പരം തൊ​ഴി​ലാ​ളി കു​ടും​ബ​ങ്ങ​ൾ ജീ​വി​ക്കാ​ൻ മാ​ർ​ഗ​മി​ല്ലാ​തെ പ​ട്ടി​ണി​യും പ​രി​വ​ട്ട​വു​മാ​യി ത​ക​ർ​ന്ന ല​യ​ങ്ങ​ളി​ൽ ഇ​ന്നും ജീ​വി​തം ത​ള​ളി​നീ​ക്കു​ക​യാ​ണ്. ക്ഷേ​മ​പെ​ൻ​ഷ​നു​ക​ളും തൊ​ഴി​ലു​റ​പ്പു പ​ണി​ക​ളു​മാ​ണ് ഇ​വ​രു​ടെ ഏ​ക​വ​രു​മാ​ന​മാ​ർ​ഗം. ക്ഷേ​മ​പെ​ൻ​ഷ​നു​ക​ൾ യ​ഥാ​സ​മ​യം ല​ഭ്യ​മാ​കു​ന്നി​ല്ലെന്ന് വാ​ർ​ഡ് മെ​ന്പ​ർ സ​തീ​ഷ്കു​മാ​ർ പ​റ​യു​ന്നു.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/
നിങ്ങളുടെ അഭിപ്രായങ്ങൾ മലയാളത്തിൽ രേഖപ്പെടുത്താൻ മംഗ്ലീഷിൽ ടൈപ് ചെയ്തു താഴെക്കാണുന്ന കമെന്റ് ബോക്സിൽ പേസ്റ്റ് ചെയ്യുക

LATEST NEWS