top ad

Set us Home Page

ടെലികോം മത്സരം മുറുകുന്നു! റിലയന്‍സ് ജിയോയെ വെല്ലാന്‍ ബിഎസ്എന്‍എല്‍; ദിവസം രണ്ട് ജിബിയും സൗജന്യ കോളും

BSNL_170317റിലയന്‍സ് ജിയോയെ വെല്ലാന്‍ കിടിലന്‍ ഡേറ്റ പ്ലാനുമായി ബിഎസ്എന്‍എല്‍. ദിവസം രണ്ടു ജിബി സൗജന്യ ഡേറ്റ നല്‍കുന്ന ഓഫറുമായാണ് ബിഎസ്എന്‍എല്‍ രംഗത്തെത്തിയിരിക്കുന്നത്. 28 ദിവസം ലഭിക്കുന്ന സേവനത്തിന് 339 രൂപയുടെ റീചാര്‍ജാണ് ചെയ്യേണ്ടത്.  ഈ ഓഫറില്‍ ഇന്ത്യയിലെവിടേയ്ക്കും ബിഎസ്എന്‍എല്‍ നെറ്റ് വര്‍ക്കിലേക്ക് സൗജന്യമായി വിളിക്കാം.

കൂടാതെ മറ്റ് നെറ്റ് വര്‍ക്കുകളിലേക്കു ദിവസവും 25 മിനിറ്റ് സൗജന്യ കോള്‍ ചെയ്യാം. ഇതിനുശേഷമുള്ള ഓരോ മിനിറ്റിനും 25 പൈസ വീതം നല്‍കേണ്ടി വരും. 18 മുതല്‍ പുതിയ ഓഫര്‍ നിലവില്‍ വരും. ഏപ്രിലില്‍ നിലവില്‍ വരുന്ന റിലയന്‍സ് ജിയോയുടെ 301 രൂപയ്ക്കു ദിവസവും 1 ജിബി ഓഫറിനെ വെട്ടാനാണ് ബിഎസ്എന്‍എല്‍ ഒരുങ്ങിയിറങ്ങിയിരിക്കുന്നത്.

എന്നാല്‍ 339 രൂപയുടെ റീചാര്‍ജില്‍ പരിധിയില്ലാതെ ഇന്ത്യയിലെ ഏതു നെറ്റ്‌വര്‍ക്കിലേക്കും സൗജന്യമായി വിളിക്കാനുള്ള സൗകര്യം ഇതോടെ ഇല്ലാതായി. നേരത്തെ ഏതു നെറ്റ് വര്‍ക്കിലേക്കും സൗജന്യ വിളിയും 1 ജിബി ഡേറ്റയുമായിരുന്നു ഓഫര്‍. പുതിയ പ്ലാനില്‍ സൗജന്യ വിളി ബിഎസ്എന്‍എലിലേക്കു മാത്രമായി ചുരുക്കിയിരിക്കുകയാണ്.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/
നിങ്ങളുടെ അഭിപ്രായങ്ങൾ മലയാളത്തിൽ രേഖപ്പെടുത്താൻ മംഗ്ലീഷിൽ ടൈപ് ചെയ്തു താഴെക്കാണുന്ന കമെന്റ് ബോക്സിൽ പേസ്റ്റ് ചെയ്യുക

LATEST NEWS

OTHER NEWS IN THIS SECTION

LEADING NEWS