Set us Home Page

ഗു​രു ചേ​മ​ഞ്ചേ​രി 103ന്‍റെ ​നി​റ​വി​ൽ; ക​ലാ സാം​സ്കാ​രി​ക രം​ഗ​ത്തെ പ്ര​തി​ഭ​ക​ളു​ടെ സം​ഗ​മ​വേ​ദി​യാ​യി നാ​ളെ ചേ​ലി​യ ഗ്രാ​മം; ഗു​രു​വി​ന്‍റെ പി​റ​ന്നാ​ൾ ആഘോഷത്തിരക്കിൽ നാട്ടുകാർ

കൊ​യി​ലാ​ണ്ടി: ആ​ട്ട​വി​ള​ക്കി​ന് മു​മ്പി​ൽ ആ​ടി​ത്ത​ള​രാ​ത്ത ന​ട​ന കൗ​തു​ക​ത്തി​ന്‍റെ ആ​ൾ​രൂ​പ​മാ​യി ക​ലാ​കേ​ര​ളം നെ​ഞ്ചേ​റ്റി​യ നാ​ട്യ​ഗു​രു​വി​ന് നാ​ളെ നൂ​റ്റി​മൂ​ന്നാം പി​റ​ന്നാ​ൾ. ജ​ന്മ​നാ​ടാ​യ ചേ​ലി​യ ഗ്രാ​മം ഗ​രു​വി​ന്‍റെ പി​റ​ന്നാ​ൾ ആ​ഘോ​ഷ​ത്തി​ന്‍റെ ഒ​രു​ക്ക​ത്തി​ലാ​ണി​പ്പോ​ൾ. ക​ലാ സാം​സ്കാ​രി​ക രം​ഗ​ത്തെ പ്ര​തി​ഭ​ക​ളു​ടെ സം​ഗ​മ​വേ​ദി​യാ​യി നാ​ളെ ചേ​ലി​യ ഗ്രാ​മ​ത്തി​ലെ രാ​ഷ്ട്രീ​യ​സാം​സ്കാ​രി​ക കേ​ന്ദ്ര​ങ്ങ​ൾ മാ​റും.

എ​ട്ട​ര​പ്പ​തി​റ്റാ​ണ്ട് കാ​ല​ത്തെ ന​ട​ന​സ​പ​ര്യ​യി​ലൂ​ടെ ക​ഥ​ക​ളി​യെ​ന്ന ക​ലാ​രൂ​പ​ത്തെ ജ​ന​കീ​യ​വ​ൽ​ക്ക​രി​ച്ച ഗു​രു ചേ​മ​ഞ്ചേ​രി കു​ഞ്ഞി​രാ​മ​ൻ നാ​യ​ർ 15-ാം വ​യ​സ്സി​ലാ​ണ് ക​ഥ​ക​ളി രം​ഗ​ത്ത് അ​ര​ങ്ങേ​റ്റം കു​റി​ച്ച​ത്. ഗു​രു​വാ​യി​രു​ന്ന ക​രു​ണാ​ക​ര​മേ​നോ​​ന്‍റെ ശി​ക്ഷ​ണ​ത്തി​ൽ ദു​ര്യോ​ദ​ന​വ​ധം ആ​ട്ട​ക്ക​ഥ​യി​ലെ പാ​ഞ്ചാ​ലി​യു​ടെ വേ​ഷ​ത്തി​ലാ​യി​രു​ന്നു രം​ഗപ്ര​വേ​ശം.

95-ാം പി​റ​ന്നാ​ൾ ദി​ന​ത്തി​ൽ ആ​ട്ട​വിള​ക്കി​നുമു​ന്നി​ൽ ഇ​ഷ്ട​വേ​ഷ​മാ​യ കൃ​ഷ്ണ​നാ​യി അ​ര​ങ്ങി​ലെ​ത്തി​യ ഗു​രു​വി​ന്‍റെ നൂറാം പി​റ​ന്നാ​ൾ ചേ​ലി​യ ഗ്രാ​മം ആ​ഘോ​ഷി​ച്ച​ത് ധ​ന്യം എ​ന്ന പേ​രി​ൽ ഒ​രു വ​ർ​ഷം നീ​ണ്ടു നി​ൽ​ക്കു​ന്ന വി​വി​ധ പ​രി​പാ​ടി​ക​ളോ​ടെ​യാ​യി​രു​ന്നു. 101-ാം പി​റ​ന്നാ​ൾ ആ​ഘോ​ഷ​ത്തോ​ടെ ചേ​ലി​യ ഗ്രാ​മം സ​മ്പൂ​ർ​ണ ക​ഥ​ക​ളി സാ​ക്ഷ​ര​താ ഗ്രാ​മ​മാ​യി പ്ര​ഖ്യാ​പി​ക്ക​പ്പെ​ട്ടു.

വ​ട​ക്ക​ൻ ചി​ട്ട​യി​ൽ ക​ഥ​ക​ളി​യും നൃ​ത്ത​വും അ​ഭ്യ​സി​പ്പി​ച്ചു കൊ​ണ്ടു​ള്ള ഗു​രു​വി​ന്‍റെ പ്ര​യാ​ണ​ത്തി​നി​ടെ​യാ​ണ് 1945ൽ ​ത​ല​ശ്ശേ​രി​യി​ൽ ഭാ​ര​തീ​യ​ നാ​ട്യ​ക​ലാ​ല​യം, 1977ൽ ​പു​ക്കാ​ട് ക​ലാ​ല​യം, തു​ട​ങ്ങി​യ നാ​ട്യ ക​ലാ സ്ഥാ​പ​ന​ങ്ങ​ൾ​ക്ക് തു​ട​ക്കം ക​റി​ച്ച​ത്.1983​ൽ ചേ​ലി​യ ക​ഥ​ക​ളി വി​ദ്യാ​ല​യം സ്ഥാ​പി​ക്ക​പ്പെ​ട്ടു.

1979ബ​ൽ കേ​ര​ള സം​ഗീ​ത നാ​ട​ക അ​ക്കാ​ദ​മി അ​വാ​ർ​ഡ് ,1999 ൽ ​അ​ക്കാ​ദ​മി ഫെ​ലോ​ഷി​പ്പ്, 2001ൽ ​ക​ലാ​മ​ണ്ഡ​ലം നാ​ട്യ ര​ത്നം അ​വാ​ർ​ഡ്, 2002ൽ ​കേ​ര​ള ക​ലാ ദ​ർ​പ്പ​ണം അ​വാ​ർ​ഡ് ,പാ​ഞ്ച​ജ​ന്യം അ​വാ​ർ​ഡ്, മ​യി​ൽ​പ്പീ​ലി അ​വാ​ർ​ഡ് ,തി​രു​വ​ന​ന്ത​രം ശ്രേ​ഷ്ഠ ക​ലാ പു​ര​സ്കാ​രം, മ​ല​ബാ​ർ സു​ക​മാ​ര​ൻ ഭാ​ഗ​വ​ത​ർ അ​വാ​ർ​ഡ്, കേ​ര​ള ക​ലാ​മ​ണ്ഡ​ലം ക​ലാ​ര​ത്നം അ​വാ​ർ​ഡ്, 2012​ൽ ടാ​ഗോ​ർ പു​ര​സ്കാ​രം, 2013ൽ ​ആ​ലു​വ ബാ​ല​സാം​സ്കാ​രി​ക കേ​ന്ദ്രം ജ​ന്മാ​ഷ്ട​മി പു​ര​സ്കാ​രം തു​ട​ങ്ങി​യ നി​ര​വ​ധി ബ​ഹു​മ​തി​ക​ൾ ഗു​രു​വി​നെ തേ​ടി​യെ​ത്തി.2017​ലാ​ണ് ഗു​രു​വി​ന് പ​ത്മ​ശ്രീ പു​ര​സ്കാ​രം ല​ഭി​ച്ച​ത്.

ഗു​രു​കു​ല വി​ദ്യാ​ഭ്യാ​സം മാ​ത്ര​മു​ള്ള ഗു​രു ചേ​മ​ഞ്ചേ​രി 1916 ജൂ​ൺ 26ന് ​മ​ട​യ​ൻ ക​ണ്ടി ചാ​ത്തു​ക്കു​ട്ടി നാ​യ​രു​ടേ​യും കി​ണ​റ്റി​ൻ​ക​ര കു​ഞ്ഞു​മ്മ​ക്കു​ട്ടി അ​മ്മ​യു​ടേ​യും മ​ക​നാ​യാ​ണ് ജ​നി​ച്ച​ത്. മ​ക​ൻ: ബാ​ബു എ​ന്ന പ​വി​ത്ര​ൻ. പി​റ​ന്നാ​ൾ ആ​ഘോ​ഷ​ത്തി​ന്‍റെ ഭാ​ഗ​മാ​യി 9ന് ​വൈ​കു​ന്നേ​രം മൂ​ന്നി​ന് ആ​ദ​ര സ​മ്മേ​ള​നം കെ. ​ദാ​സ​ൻ എം​എ​ൽ​എ ഉ​ദ്ഘാ​ട​നം ചെ​യ്യും.

ക​ലാ​മ​ണ്ഡ​ലം മോ​ഹ​ന​ൻ, ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് കൂ​മു​ള്ളി ക​രു​ണാ​ക​ര​ൻ തു​ട​ങ്ങി​യ​വ​ർ സം​ബ​ന്ധി​ക്കും. തു​ട​ർ​ന്ന് ക​ലാ​മ​ണ്ഡ​ലം ബാ​ല​സു​ബ്ര​ഹ്മ​ണ്യ​ൻ, ആ​ർ.​എ​ൽ.​വി. രാ​ധാ​കൃ​ഷ്ണ​ൻ എ​ന്നി​വ​രോ​ടൊ​പ്പം ക​ലാ​ല​യം അ​ധ്യാ​പ​ക​രും, വി​ദ്യാ​ർ​ഥി​ക​ളും അ​വ​ത​രി​പ്പി​ക്കു​ന്ന ന​ള​ച​രി​തം നാ​ലാം ദി​വ​സം ക​ഥ​ക​ളി അ​ര​ങ്ങേ​റും.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS