ചൈനീസ് നിര്‍മിത ഹൈടെക് ഡ്രോണുകള്‍ ബംഗളൂരു വിമാനത്താവളത്തില്‍ നിന്നു പിടിച്ചു. അത്യാധുനീക സംവിധാനങ്ങളുള്ള പത്ത് ചൈനീസ് ഡ്രോണുകളാണ് കെംപഗൗഡ വിമാനത്താവളത്തില്‍ ഒരു യാത്രക്കാരനില്‍ നിന്ന് പിടിച്ചത്. ഉയര്‍ന്ന റസല്യൂഷനുള്ള ചിത്രങ്ങളും വീഡിയോയും പകര്‍ത്താന്‍ പര്യാപ്തമായവയാണ് പിടിച്ചെടുത്ത ഈ ഡ്രോണുകള്‍.
അരക്കിലോ ഭാരം വഹിച്ച് ആറായിരം അടി ഉയരത്തില്‍ പറക്കാന്‍ കഴിയുന്ന ഡിജെഐ ഫാന്റം 4 ഡ്രോണുകളാണ് പിടിച്ചത്. വലിയ സുരക്ഷാഭീഷണി ഉയര്‍ത്താന്‍ കഴിവുള്ളവയാണിവ. സഞ്ചാരപാതയ്ക്കു തടസം വന്നാല്‍ സ്വയം വേറെ പാത കണ്ടെത്തി പറക്കാന്‍ കഴിവുളള ഇതില്‍ ജിപിഎസും റഷ്യന്‍ നാവിഗേഷന്‍ സംവിധാനവുമുണ്ട്.
