ചി​റ്റൂ​ർമേ​ഖ​ല​യി​ൽ സി​പി​എം-​ജ​ന​താ​ദ​ൾ എ​സ് ബ​ന്ധം വീ​ണ്ടും വ​ഷ​ളാ​കു​ന്നു;  സി​പി​എം പ്ര​വ​ർ​ത്ത​ക​ന് വെ​ട്ടേ​റ്റു ; ആറുപേർക്കെതിരെ കേസെടുത്തു

ചി​റ്റൂ​ർ: മേ​ഖ​ല​യി​ൽ സി​പി​എം-​ജ​ന​താ​ദ​ൾ എ​സ് ബ​ന്ധം വീ​ണ്ടും വ​ഷ​ളാ​കു​ന്നു. ശ​നി​യാ​ഴ്ച രാ​ത്രി സി​പി​എം പ്ര​വ​ർ​ത്ത​ക​നാ​യ ന​ന്ദി​യോ​ട് തെ​ക്കേ ക​വ​റ​ത്തോ​ട് മോ​ഹ​ൻ​ദാ​സ് (36)നെ ​ബൈ​ക്കി​ലെ​ത്തി​യ ആ​റം​ഗ​സം​ഘം വെ​ട്ടി​പ്പ​രി​ക്കേ​ൽ​പ്പി​ച്ചു. ഇ​യാ​ൾ താ​ലൂ​ക്ക് ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. മു​ത​ല​മ​ട ഞാ​വ​ളം​തോ​ട്ടി​ൽ​വ​ച്ചാ​ണ് സം​ഭ​വം.

ഇ​തു​മാ​യി ബ​ന്ധ​പ്പെ​ട്ട് ന​ന്ദി​യോ​ട് സ്വ​ദേ​ശി ആ​ദി​ത്യ​നും ക​ണ്ടാ​ല​റി​യാ​വു​ന്ന ആ​റു​പേ​ർ​ക്കെ​തി​രെ​യും പോ​ലീ​സ് കേ​സെ​ടു​ത്തു.ഇ​വ​ർ ജ​ന​താ​ദ​ൾ എ​സ് പ്ര​വ​ർ​ത്ത​ക​രാ​ണെ​ന്ന് പോ​ലീ​സ് പ​റ​ഞ്ഞു. പ്ര​ദേ​ശ​ത്ത് പോ​ലീ​സ് പ​ട്രോ​ളിം​ഗ് ശ​ക്ത​മാ​ക്കി​യി​ട്ടു​ണ്ട്. ഇ​ക്ക​ഴി​ഞ്ഞ​ദി​വ​സം പാ​റ​ക്കാ​ട്ടു​ച​ള്ള​യി​ൽ സി​പി​എം പ്ര​വ​ർ​ത്ത​ക​ർ​ക്കു​നേ​രെ ആ​ക്ര​മ​ണം ന​ട​ന്നി​രു​ന്നു.

ഇ​തി​ൽ ഒ​രു സ്ത്രീ​ക്ക് പ​രി​ക്ക് പ​റ്റി​യി​രു​ന്നു. ജ​ന​താ​ദ​ളി​ൽ നി​ന്നും രാ​ജി​വ​ച്ച് സി​പി​എ​മ്മി​ൽ പോ​യ​തി​ലു​ള്ള വി​രോ​ധം​കൊ​ണ്ടാ​ണ് തു​ട​ർ ആ​ക്ര​മ​ണ​സം​ഭ​വ​ങ്ങ​ളെ​ന്നാ​ണ് പോ​ലീ​സി​ന്‍റെ വെ​ളി​പ്പെ​ടു​ത്ത​ൽ.

Related posts