ശമ്പളകുടിശിക; ആ​രോ​ഗ്യ വ​കു​പ്പി​ലെ ജീ​വ​ന​ക്കാ​ര​ൻ ജ​ഗ​ദീ​ശ​ൻ ജീ​വ​നൊ​ടു​ക്കി​യി​ട്ട് ഒ​രു വ​ർ​ഷം ; വാഗ്ദാനങ്ങൾ പാലിക്കാതെ സർക്കാർ

തൃ​ക്ക​രി​പ്പൂ​ർ: ശ​മ്പ​ള കു​ടി​ശി​ക വ​രു​ത്തി​യ​തി​ൽ മ​നം​നൊ​ന്ത് ജീ​വ​നൊ​ടു​ക്കി​യ തൃ​ക്ക​രി​പ്പൂ​ർ പേ​ക്ക​ട​ത്തെ ജ​ഗ​ദീ​ശ​ൻ ഓ​ർ​മ​യാ​യി​ട്ട് ഇ​ന്ന് ഒ​രു വ​ർ​ഷം. ആ​രോ​ഗ്യ വ​കു​പ്പി​ലെ താ​ൽ​ക്കാ​ലി​ക ജീ​വ​ന​ക്കാ​ര​നാ​യി​രു​ന്ന പേ​ക്ക​ട​ത്തെ കോ​ണ്‍​ഗ്ര​സ് സ​ജീ​വ പ്ര​വ​ർ​ത്ത​ക​ന്‍റെ കു​ടും​ബ​ത്തി​ന് ആ​രോ​ഗ്യ മ​ന്ത്രി ന​ൽ​കി​യ ഉ​റ​പ്പ് പാ​ഴ് വാ​ക്കാ​യി. കു​ടും​ബ​ത്തി​ലൊ​രാ​ൾ​ക്ക് ജോ​ലി​യും സ​ർ​ക്കാ​ർ സാ​ന്പ​ത്തി​ക സ​ഹാ​യ​വു​മെ​ന്ന പ്ര​തീ​ക്ഷ​യി​ൽ ജ​ഗ​ദീ​ശ​ന്‍റെ കു​ടും​ബം കാ​ത്തി​രി​ക്കാ​ൻ തു​ട​ങ്ങി​യി​ട്ട് മാ​സ​ങ്ങ​ൾ ക​ഴി​ഞ്ഞു.

പേ​ക്ക​ടം കു​റു​വാ​പ്പ​ള്ളി അ​റ​യു​ടെ വ​ട​ക്കു​ഭാ​ഗ​ത്തെ വീ​ട്ടി​ൽ മ​ക​ന്‍റെ ഓ​ർ​മ​ക​ളു​മാ​യി ക​ഴി​യു​ന്ന മാ​താ​വ് എ​ഴു​പ​ത്തി​യ​ഞ്ച് ക​ഴി​ഞ്ഞ ടി. ​കു​ഞ്ഞി​പാ​റു മ​ക​ന്‍റെ വേ​ർ​പാ​ടി​ന്‍റെ വേ​ദ​ന​യി​ൽ നി​ന്നും ഇ​നി​യും മു​ക്ത​യാ​യി​ട്ടി​ല്ല. കു​ടും​ബ​ത്തി​ന് വേ​ണ്ടി ജീ​വി​ച്ച മ​ക​നാ​യി​രു​ന്നു അ​വി​വാ​ഹി​ത​നാ​യി​രു​ന്ന ജ​ഗ​ദീ​ശ​ൻ. അ​ഞ്ച​ര വ​ർ​ഷം കാ​സ​ർ​ഗോ​ഡ് വെ​ക്ട​ർ ക​ണ്‍​ട്രോ​ൾ യൂ​ണി​റ്റി​ലെ താ​ൽ​ക്കാ​ലി​ക ജൂ​ണി​യ​ർ ഹെ​ൽ​ത്ത് ഇ​ൻ​സ്പെ​ക്ട​റാ​യി​രു​ന്ന ജ​ഗ​ദീ​ശ​ൻ.

2017 മാ​ർ​ച്ച് 22നാ​ണ് തി​രു​വ​ന​ന്ത​പു​രം ടൂ​റി​സ്റ്റ് ഹോ​മി​ൽ ജ​ഗ​ദീ​ശ​ൻ ജീ​വ​നൊ​ടു​ക്കി​യ​ത്. ജ​ഗ​ദീ​നു​ൾ​പ്പെ​ടെ കേ​ര​ള​ത്തി​ലെ അ​ഞ്ഞൂ​റോ​ളം വ​രു​ന്ന ആ​രോ​ഗ്യ വ​കു​പ്പി​ലെ ക​രാ​ർ ജീ​വ​ന​ക്കാ​രെ പ​തി​നൊ​ന്ന് മാ​സ​ത്തെ ശ​ന്പ​ള കു​ടി​ശി​ക ന​ൽ​കാ​തെ​യാ​ണ് എ​ൽ​ഡി​എ​ഫ് സ​ർ​ക്കാ​ർ പി​രി​ച്ചു​വി​ട്ടി​രു​ന്ന​ത്. ശ​ന്പ​ള കു​ടി​ശി​ക​യും പു​ന​ർ​നി​യ​മ​ന​ത്തി​നും വേ​ണ്ടി​യാ​യി​രു​ന്നു ജ​ഗ​ദീ​ശ​ൻ തി​രു​വ​ന​ന്ത​പു​ര​ത്ത് സെ​ക്ര​ട്ട​റി​യേ​റ്റി​ലേ​ക്ക് പോ​യ​ത്.

ശ​ന്പ​ള കു​ടി​ശി​ക ന​ൽ​കാ​തെ ജോ​ലി​യി​ൽ നി​ന്നും പി​രി​ച്ചു​വി​ട്ട​തി​ൽ മ​നം​നൊ​ന്താ​ണ് ജീ​വ​നൊ​ടു​ക്കു​ന്ന​തെ​ന്ന് ജ​ഗ​ദീ​ശ​ന്‍റെ ആ​ത്മ​ഹ​ത്യ കു​റി​പ്പി​ൽ പ​റ​ഞ്ഞി​രു​ന്നു. തൊ​ട്ട​ടു​ത്ത ദി​വ​സം ജ​ഗ​ദീ​ശ​ന്‍റെ മൃ​ത​ദേ​ഹ​വു​മാ​യി സ​ഹ​പ്ര​വ​ർ​ത്ത​ക​ർ മ​ന്ത്രി​മാ​രു​ടെ ഇ​ട​പെ​ട​ലി​നാ​യി സെ​ക്ര​ട്ട​റി​യേ​റ്റി​നു മു​ന്നി​ൽ പ്ര​തി​ഷേ​ധ സ​മ​രം പോ​ലും ന​ട​ത്തി​യി​രു​ന്നു.

യു​ഡി​എ​ഫ് സ​ർ​ക്കാ​റി​ന്‍റെ കാ​ല​ത്താ​ണ് ആ​രോ​ഗ്യ വ​കു​പ്പി​ൽ ഇ​വ​ർ​ക്ക് താ​ൽ​ക്കാ​ലി​ക നി​യ​മ​നം ല​ഭി​ച്ചി​രു​ന്ന​ത്. മൂ​ന്ന് മാ​സ​ത്തി​ലൊ​രി​ക്ക​ൽ നി​യ​മ​നോ​ത്ത​ര​വ് പു​തു​ക്കി ന​ൽ​കി​ക്കൊ​ണ്ടാ​യാ​യി​രു​ന്നു ഇ​വ​ർ ജോ​ലി തു​ട​ർ​ന്നി​രു​ന്ന​ത്. 2016 സ​പ്തം​ന്പ​റി​ലാ​ണ് ഇ​ട​തു സ​ർ​ക്കാ​ർ പൊ​ടു​ന്ന​നെ ക​രാ​ർ അ​വ​സാ​നി​പ്പി​ച്ച് ഇ​വ​രെ പി​രി​ച്ചു​വി​ട്ട​ത്.

ആ​രോ​ഗ്യ വ​കു​പ്പ് മ​ന്ത്രി കെ.​കെ. ശൈ​ല​ജ, മു​ൻ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി, തൃ​ക്ക​രി​പ്പൂ​ർ എം​എ​ൽ​എ എം. ​രാ​ജ​ഗോ​പാ​ല​ൻ തു​ട​ങ്ങി​യ​വ​ർ ജ​ഗ​ദീ​ശ​ന്‍റെ വീ​ട് സ​ന്ദ​ർ​ശി​ച്ചി​രു​ന്നു. വീ​ട്ടി​ലെ കാ​ര്യ​ങ്ങ​ൾ ചോ​ദി​ച്ചു മ​ന​സി​ലാ​ക്കി​യ ആ​രോ​ഗ്യ വ​കു​പ്പ് മ​ന്ത്രി കു​ടും​ബ​ത്തി​ലെ ഒ​രാ​ൾ​ക്ക് ജോ​ലി ല​ഭി​ക്കു​ന്ന​തി​നും കു​ടും​ബ​ത്തി​ന് സാ​ന്പ​ത്തി​ക സ​ഹാ​യം ല​ഭി​ക്കു​ന്ന​തി​നും സ​ർ​ക്കാ​രി​ൽ അ​പേ​ക്ഷ ന​ൽ​കാ​ൻ നി​ർ​ദ്ദേ​ശി​ച്ചു. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് മു​ഖ്യ​മ​ന്ത്രി​ക്ക് കു​ഞ്ഞി​പ്പാ​റു അ​പേ​ക്ഷ ന​ൽ​കി​യ​ത്. എ​ന്നാ​ൽ ഇ​തി​ന്‍റെ തു​ട​ർ ന​ട​പ​ടി​ക​ളൊ​ന്നു​മു​ണ്ടാ​യി​ട്ടി​ല്ല.

Related posts