ഫെയെനൂര്‍ദ് എന്ന ഡച്ച് ഫീനിക്‌സ് പക്ഷി

duch

അ​ജി​ത് ജി. ​നാ​യ​ര്‍

ന​ന്ദി ഡി​ര്‍ക് കു​യ്റ്റ്… നി​ങ്ങ​ള്‍ നേ​ടി​ത്ത​ന്ന​ത് ഒ​രു ത​ല​മു​റ​യു​ടെ കി​രീ​ട​മാ​ണ്. ഫെ​യെ​നൂ​ര്‍ദി​ന്‍റെ ആ​രാ​ധ​ക​ര്‍ ഈ ഡ​ച്ച് സ്‌​ട്രൈ​ക്ക​റോ​ട് ഇ​ങ്ങ​നെ പ​റ​യു​ന്നു​ണ്ടാ​വും. ഹെ​രാ​ക്ലെ​സ് അ​ല്‍മെ​ലോ​യ്ക്കെ​തി​രേ ന​ട​ന്ന അ​വ​സാ​ന മ​ത്സ​ര​ത്തി​ല്‍ ക്യാ​പ്റ്റ​ന്‍ കു​യ്്റ്റ് നേ​ടി​യ ഹാ​ട്രി​ക് ഫെ​യെ​നൂ​ര്‍ദി​ന് നേ​ടി​ക്കൊ​ടു​ത്ത​ത് 21-ാം നൂ​റ്റാ​ണ്ടി​ലെ ആ​ദ്യ ഇ​റെ​ഡി​വി​സി(​ഡ​ച്ച് ലീ​ഗ്്)​കി​രീ​ട​മാ​ണ്. ഒ​രു​പ​ക്ഷേ അ​ന്താ​രാഷ്‌ട്ര ഫു​ട്‌​ബോ​ളി​ല്‍ നി​ന്നും വി​ര​മി​ച്ചി​ട്ടും കു​യ്റ്റ് ക്ല​ബ് ഫു​ട്‌​ബോ​ളി​ല്‍ തു​ട​ര്‍ന്ന​തും ഒ​രു ദ​ശാ​ബ്ദം വി​ദേ​ശ​ ക്ല​ബ്ബുക​ളി​ല്‍ ക​ളി​ച്ചി​ട്ട് ഒ​ടു​വി​ല്‍ നാ​ട്ടി​ല്‍ തി​രി​ച്ചെ​ത്തി​യ​തും ക​രു​തി​വ​ച്ച ഈ ​നി​യോ​ഗ​ത്തി​ന്‍റെ സാ​ക്ഷാ​ത്കാ​ര​ത്തി​നാ​യി​രി​ക്ക​ണം. നീ​ണ്ട 18 വ​ര്‍ഷ​ത്തി​നു ശേ​ഷം ഫെ​യെ​നൂ​ര്‍ദ് ഉ​യി​ര്‍ത്തെ​ഴു​ന്നേ​ല്‍ക്കു​ക​യാ​ണ് ഒ​രു ഫീ​നി​ക്‌​സ് പ​ക്ഷി​യെപ്പോലെ.

ഒ​രു കാ​ല​ത്ത് ഡ​ച്ച് ഫു​ട്‌​ബോ​ളി​ന്‍റെ എ​ല്ലാ​മെ​ല്ലാ​മാ​യി​രു​ന്നു ഫെ​യെ​നൂ​ര്‍ദ്. 1923-24 കാ​ല​ഘ​ട്ട​ത്തി​ലാ​ണ് ഈ ​റോ​ട്ട​ര്‍ഡാം ക്ല​ബ് ത​ങ്ങ​ളു​ടെ ആ​ദ്യ ഡ​ച്ച് ലീ​ഗ് കി​രീ​ടം നേ​ടു​ന്ന​ത്. അ​വ​സാ​ന​ം നേ​ടിയ​താ​വ​ട്ടെ 1998-99 കാ​ല​ഘ​ട്ട​ത്തി​ലും. ചു​രു​ക്കി​പ്പ​റ​ഞ്ഞാ​ല്‍ ക​ഴി​ഞ്ഞ നൂ​റ്റാ​ണ്ട് അ​വ​സാ​ന​ത്തെ ചാ​മ്പ്യ​ന്മാ​ര്‍. ടോ​ട്ട​ല്‍ ഫു​ട്‌​ബോ​ള്‍ പൂ​ത്തു​ല​ഞ്ഞ എ​ഴു​പ​തു​ക​ളി​ലാണ് ഫെ​യെ​നൂ​ര്‍ദ് യൂ​റോ​പ്പി​ന്‍റെ നെ​റു​ക​യി​ലെ​ത്തു​ന്ന​ത്. 1969-70 കാ​ല​ഘ​ട്ട​ത്തി​ല്‍ യൂ​റോ​പ്യ​ന്‍ ക​പ്പ്( ഇ​ന്ന​ത്തെ ചാ​മ്പ്യ​ന്‍സ് ലീ​ഗ്) നേ​ടി​യ ഫെ​യെ​നൂ​ര്‍ദ് ആ ​നേ​ട്ടം ക​ര​സ്ഥ​മാ​ക്കു​ന്ന ആ​ദ്യ ഡ​ച്ച് ക്ല​ബ് എ​ന്ന ബ​ഹു​മ​തി​യും സ്വ​ന്ത​മാ​ക്കി.​ പി​ന്നീ​ട് ഇ​ന്‍റ​ര്‍ കോ​ണ്ടി​നെ​ന്‍റ​ല്‍ ക​പ്പ്, യു​വേ​ഫ ക​പ്പ്(​യൂ​റോ​പ്പാ ലീ​ഗ്)​എ​ന്നീ കി​രീ​ട​ങ്ങ​ളും ക്ല​ബി​ന്‍റെ ഷെ​ല്‍ഫി​ലെ​ത്തി. ഇ​ത്ത​വ​ണ ഹെ​രാ​ക്ലി​സി​നെ 3-0 ത​ക​ര്‍ത്ത് ഫെ​യെ​നൂ​ര്‍ദ് മു​ത്ത​മി​ട്ട​ത് ത​ങ്ങ​ളു​ടെ 15-ാം ഡ​ച്ച് ലീ​ഗ് കി​രീ​ട​ത്തി​ലാ​ണ്. അ​തും അ​വ​സാ​ന ലീ​ഗ് മ​ത്സ​ര​ത്തി​ല്‍. മ​ത്സ​ര​ത്തി​ല്‍ ജ​യ​ത്തി​ല്‍ കു​റ​ഞ്ഞ​തൊ​ന്നും മ​തി​യാ​കി​ല്ലാ​യി​രു​ന്നു ഫെ​യെ​നൂ​ര്‍ദി​ന്. കേ​വ​ലം ഒ​രു പോ​യി​ന്‍റി​ന്‍റെ അ​ക​ല​ത്തി​ലാ​ണ് കു​യ്റ്റും കൂ​ട്ട​രും അ​യാ​ക്‌​സി​നെ ര​ണ്ടാം സ്ഥാ​ന​ത്തേ​ക്കു പി​ന്ത​ള്ളി​യ​ത്. നി​ല​വി​ലെ ചാ​മ്പ്യ​ന്മാ​രാ​യ പി​എ​സ്‌വി​ക്കാ​ക​ട്ടെ മൂ​ന്നാ​മ​തെ​ത്താ​നേ ക​ഴി​ഞ്ഞു​ള്ളൂ. ക​ഴി​ഞ്ഞ പ​തി​നെ​ട്ടു വ​ര്‍ഷം അ​യാ​ക്‌​സും, പി​എ​സ് വി ​ഐ​ന്തോ​വ​നും മാ​റി​മാ​റി സ്വ​ന്ത​മാ​ക്കി വ​ച്ച ഡ​ച്ച് ലീ​ഗ് കി​രീ​ടം നേ​ടി​യെ​ടു​ത്ത​തി​ന് ടീം ​ആ​ദ്യം ന​ന്ദി പ​റ​യു​ക അ​വ​രു​ടെ പ​രി​ശീ​ല​ക​ന്‍ ജി​യോ​വാ​ന്നി വാ​ന്‍ ബ്രോ​ങ്കോ​സ്റ്റി​നോ​ടാ​യി​രി​ക്കും.​ പി​ന്നെ ന​ന്ദി പ​റ​യാ​നു​ള്ള​ത് ക്യാ​പ്റ്റ​ന്‍ ഡി​ര്‍ക് കു​യ്റ്റി​നോ​ടും.

3ഫെ​യെ​നൂ​ര്‍ദി​ന് ഒ​രി​ക്ക​ലും മ​റ​ക്കാ​നാ​വാ​ത്ത ഒ​രു സം​ഭ​വം സ​മ്മാ​നി​ച്ചു കൊ​ണ്ടാ​യി​രു​ന്നു 2010-11 സീ​സ​ണ്‍ ക​ട​ന്നു പോ​യ​ത്. ക്ല​ബ്ബിന്‍റെ ച​രി​ത്ര​ത്തി​ലെ ഏ​റ്റ​വും വ​ലി​യ തോ​ല്‍വി​യാ​യി​രു​ന്നു ആ ​സം​ഭ​വം. അ​ന്ന് ബ​ദ്ധ​വൈ​രി​ക​ളാ​യ പി​എ​സ്‌വി ​10-0 നാ​ണ് ഫെ​യെ​നൂ​ര്‍ദി​നെ തോ​ല്‍വി​യു​ടെ നി​ല​യി​ല്ലാ​ക്ക​യ​ത്തി​ലേ​ക്ക് ത​ള്ളി​യി​ട്ട​ത്. സീ​സ​ണി​ല്‍ പ​ത്താ​മ​താ​യാ​യാ​ണ് ക്ല​ബ് ഫി​നി​ഷ് ചെ​യ്ത​ത്. തു​ട​ര്‍ന്നാ​ണ് ബ്രോ​ങ്കോ​സ്റ്റ് ടീ​മി​ന്‍റെ സ​ഹ​പ​രി​ശീ​ല​ക​നാ​യി സ്ഥാ​ന​മേ​ല്‍ക്കു​ന്ന​ത്. ഹോ​ള​ണ്ടി​നെ 2010 ലോ​ക​ക​പ്പി​ന്‍റെ ഫൈ​ന​ലി​ലെ​ത്തി​ച്ച ക്യാ​പ്റ്റ​നാ​യ ബ്രോ​ങ്കോ​സ്റ്റ് ഫൈ​ന​ല്‍ പ​രാ​ജ​യ​ത്തി​നു ശേ​ഷം ഫു​ട്‌​ബോ​ളി​ല്‍ നി​ന്ന് വി​ര​മി​ക്കു​ക​യാ​യി​രു​ന്നു. തു​ട​ര്‍ന്ന് ഡ​ച്ച് അ​ണ്ട​ര്‍-21 ടീ​മി​ന്‍റെ സ​ഹ​പ​രി​ശീ​ല​ക​നാ​യി ചു​മ​ത​ല നി​ര്‍വ​ഹി​ച്ച​തി​നു ശേ​ഷ​മാ​ണ് പ​ഴ​യ​ക്ല​ബി​ലേ​ക്കെ​ത്തു​ന്ന​ത്. ആ ​സീ​സ​ണി​ല്‍ ടീ​മി​നെ മൂ​ന്നാം സ്ഥാ​ന​ത്തെ​ത്തി​ക്കു​ന്ന​തി​ല്‍ ബ്രോ​ങ്കോ​സ്റ്റി​ന്‍റെ ത​ന്ത്ര​ങ്ങ​ളും നി​ര്‍ണാ​യ​ക​മാ​യി. തു​ട​ര്‍ന്നു​ള്ള സീ​സ​ണു​ക​ളി​ലും ടീം ​ആ​ദ്യ നാ​ലി​ല്‍ ഉ​ള്‍പ്പെ​ട്ടെ​ങ്കി​ലും അ​പ്പോ​ഴും ഇ​റെ​ഡി​വി​സി കി​രീ​ടം മാ​ത്രം അ​ക​ന്നു നി​ന്നു. 2015ലാ​ണ് ടീം ​മാ​നേ​ജ്‌​മെ​ന്‍റ് ബ്രോ​ങ്കോ​സ്റ്റി​നെ മു​ഖ്യ പ​രി​ശീ​ല​ക​നാ​യി ഉ​യ​ര്‍ത്തു​ന്ന​ത്. ടീ​മി​ന്‍റെ പ്ര​ക​ട​ന​ത്തി​ലും അ​തു പ്ര​തി​ഫ​ലി​ച്ചു. എ​ട്ടു വ​ര്‍ഷ​ത്തി​നു ശേ​ഷം റോ​യ​ല്‍ ഡ​ച്ച് ഫു​ട്‌​ബോ​ള്‍ അ​സോ​സി​യേ​ഷ​ന്‍ ടൂ​ര്‍ണ​മെ​ന്‍റി​ല്‍ ടീം ​കി​രീ​ടം ചൂ​ടി. അ​വി​ടു​ന്ന് ഇ​പ്പോ​ള്‍ ഡ​ച്ച് ലീ​ഗ് കി​രീ​ട​മെ​ന്ന 18 വ​ര്‍ഷ​ത്തെ സ്വ​പ്്‌​ന​വും പൂ​വ​ണി​യി​ക്കാ​ന്‍ ബ്രോ​ങ്കോ​സ്റ്റ് എ​ന്ന മാ​ന്ത്രി​ക​നാ​യി.

ഇ​നി പ​റ​യാ​നു​ള്ളത് ഡി​ര്‍ക് കു​യ്റ്റ് എ​ന്ന പ​ഴ​യ പ​ട​ക്കു​തി​ര​യു​ടെ ക​ഥ​യാ​ണ്. ഡ​ച്ച് ക്ല​ബാ​യ ഉ​ട്രെ​കി​ലൂ​ടെ 1998ലാ​ണ് കു​യ്റ്റ് പ്രൊ​ഫ​ഷ​ണ​ല്‍ ഫു​ട്‌​ബോ​ളി​ലേ​ക്കു ചു​വ​ടു വ​യ്ക്കു​ന്ന​ത്. 2003ല്‍ ​കു​യ്റ്റ് ആ​ദ്യ​മാ​യി ഫെ​യെ​നൂ​ര്‍ദി​ലെ​ത്തി. ക്ല​ബ്ബി​ല്‍ മി​ന്നു​ന്ന ഫോ​മി​ല്‍ ക​ളി​ച്ച കു​യ്റ്റ് ക്ല​ബ്ബി​നാ​യി 71 ഗോ​ളു​ക​ളാ​ണ് അ​ടി​ച്ചു കൂ​ട്ടി​യ​ത്. അ​തും വെ​റും 101 മ​ത്സ​ര​ങ്ങ​ളി​ല്‍ നി​ന്ന്്. ഈ ​പ്ര​ക​ട​ന​മാ​ണ് കു​യ്റ്റി​നെ 2006ല്‍ ​ലി​വ​ര്‍പൂ​ള്‍ റാ​ഞ്ചാ​ന്‍ കാ​ര​ണ​വും.​പി​ന്നീ​ട് ആ​റു​ വ​ര്‍ഷം ലി​വ​ര്‍പൂ​ളി​നു വേ​ണ്ടി ക​ളി​ച്ച കു​യ്റ്റ് 2012-15 സീ​സ​ണി​ല്‍ ട​ര്‍ക്കി​ഷ് ക്ല​ബ് ഫെ​ന​ര്‍ബാ​ഷെ​യ്ക്കു വേ​ണ്ടി ബൂ​ട്ട​ണി​ഞ്ഞു. തു​ട​ര്‍ന്ന് 2015ല്‍ ​ഒ​രു ദ​ശാ​ബ്ദ​ത്തി​നു ശേ​ഷം ത​ന്‍റെ പ​ഴ​യ ക്ല​ബ്ബി​ലേ​ക്ക് മ​ട​ങ്ങി​യെ​ത്തി. ഒ​രു ത​ര​ത്തി​ല്‍ പ​റ​ഞ്ഞാ​ല്‍ ഒ​രു പ്ര​വാ​സി ജീ​വി​ത​ത്തി​നു ശേ​ഷ​മു​ള്ള മ​ട​ക്കം. അ​തൊ​രു നി​യോ​ഗ​മാ​യി​രു​ന്നു. ഈ ​സീ​സ​ണി​ല്‍ 12 ഗോ​ളു​ക​ളാ​ണ് കു​യ്റ്റ് ടീ​മി​നാ​യി നേ​ടി​യ​ത്. അ​തി​ല്‍ മൂ​ന്നും അ​വ​സാ​ന മ​ത്സ​ര​ത്തി​ലെ ഹാ​ട്രി​ക്കി​ലൂ​ടെ പി​റ​ന്ന​താ​യി​രു​ന്നു. ഒ​രു സ​മ​നി​ല പോ​ലും ഫെ​യെ​നൂ​ര്‍ദി​ന്‍റെ കി​രീ​ട​മോ​ഹ​ങ്ങ​ള്‍ ത​ട്ടി​യ​ക​റ്റു​മാ​യി​രു​ന്നു. എ​ന്നാ​ല്‍ ര​ക്ഷ​ക​നാ​യി അ​വ​ത​രി​ച്ച ഈ ​മു​പ്പ​ത്തി​യാ​റു​കാ​ര​ന്‍റെ ബൂ​ട്ടി​ല്‍ നി​ന്നു​യ​ര്‍ന്ന ആ ​വെ​ടി​യു​ണ്ട​ക​ള്‍ കി​രീ​ട​ത്തി​നു മു​മ്പി​ലു​ള്ള പ്ര​തി​ബ​ന്ധ​ങ്ങ​ളെ ത​ക​ര്‍ത്തു ത​രി​പ്പ​ണ​മാ​ക്കു​ക​യാ​യി​രു​ന്നു.

2പ​തി​നെ​ട്ടു വ​ര്‍ഷം നീ​ണ്ട ഉ​റ​ക്ക​ത്തി​ല്‍ നി​ന്നു​ണ​ര്‍ന്ന പ്ര​തീ​തി​യാ​യി​രി​ക്കും ക്ല​ബ്ബി​ന്. ക​ണ്ണു തു​റ​ന്നു നോ‍ക്കു​മ്പോ​ള്‍ മു​മ്പി​ല്‍ വെ​ട്ടി​പ്പി​ടി​ക്കാ​നുള്ള​ത് പു​തി​യൊ​രു ലോ​ക​മാ​ണ്. ചാ​മ്പ്യ​ന്മാ​രാ​യ​തോ​ടെ ക്ല​ബ്ബി​ന് ചാ​മ്പ്യ​ന്‍സ് ലീ​ഗി​ലും നേ​രി​ട്ട് പ്ര​വേ​ശ​നം ല​ഭി​ച്ചു. യൂ​റോ​പ്പി​ലെ വ​മ്പ​ന്മാ​ര്‍ ഏ​റ്റു​മു​ട്ടു​ന്ന ക​ളി​ത്ത​ട്ടി​ല്‍ ഓ​റ​ഞ്ച് വ​സ​ന്തം വി​രി​യി​ക്കാ​ന്‍ ഫ​യെ​നൂ​ര്‍ദി​നാ​വു​മോ​യെ​ന്ന കാ​ത്തി​രി​പ്പി​ലാ​ണ് ലോ​കം. ഇ​തി​ഹാ​സ താ​രം യോ​ഹാ​ന്‍ ക്രൈ​ഫ് ക​ളി​ക്കാ​ര​നാ​യു​ള്ള ത​ന്‍റെ ഫു​ട്‌​ബോ​ള്‍ ജീ​വി​തം അ​വ​സാ​നി​പ്പി​ച്ച​ത് ഫെ​യെ​നൂ​ര്‍ദി​നാ​യി ക​ളി​ച്ചു കൊ​ണ്ടാ​യി​രു​ന്നു. യൂ​റോ​പ്പി​ന്‍റെ ക​ളി​മൈ​താ​ന​ങ്ങ​ളി​ല്‍ ടോ​ട്ട​ല്‍ ഫു​ട്‌​ബോ​ളി​ലൂ​ടെ ഓ​റ​ഞ്ചു വി​പ്ല​വം സൃ​ഷ്ടി്ക്കാ​ന്‍ ഫെ​യെ​നൂ​ര്‍ദി​നു ക​ഴി​യ​ട്ടേ എ​ന്ന പ്ര​ത്യാ​ശ പ​ങ്കു​വ​യ്ക്കു​ക​യാ​ണ് ഓ​രോ ക​ളി​യാ​രാ​ധ​ക​നും.

Related posts