ഭീകരപ്രവര്‍ത്തകര്‍ ശത്രുക്കളെ കൊലപ്പെടുത്താനായി മിക്കപ്പോഴും കൊച്ചുകുട്ടികളെ ഉപയോഗിക്കുന്നു എന്നത് ഇടിയിക്കിടെ വാര്‍ത്തകളില്‍ വരാറുള്ള കാര്യമാണ്. ഭീകരപ്രവര്‍ത്തനങ്ങൡ തങ്ങളുടെ സഹായികളായും ചാവേറുകളായുമൊക്കെ കുട്ടികളെ ഇവര്‍ ഉപയോഗിച്ചുവരുന്നു. കൊച്ചുകുട്ടികളിലേയ്ക്ക് പെട്ടെന്നൊന്നും പോലീസിന്റെയും പട്ടാളത്തിന്റെയും ശ്രദ്ധ തിരിയില്ല എന്നതാണ് ഇതിന് കാരണം. ഇരകളുടെ തലയറുക്കാനായി ഇസ്ലാമിക് സ്റ്റേറ്റ് (ഐ.എസ്) ഭീകരന്‍മാരെ സഹായിക്കുന്ന ആറുവയസുകാരന്റെ വീഡിയോയാണ് ഇപ്പോള്‍ ഇന്റര്‍നെറ്റ് ലോകത്ത് വൈറലായിരിക്കുന്നത്.
ഇതിന്റെ വീഡിയോയടക്കമുള്ള വാര്‍ത്തകളാണ് പുറത്തു വന്നിരിക്കുന്നത്. തലയറുക്കാനുള്ള കത്തികള്‍ ഭീകരര്‍ക്ക് കൊടുക്കുന്നത് ഈ കുട്ടിയാണെന്ന് വീഡിയോയില്‍ വ്യക്തമായി കാണാം. വിശ്വാസ വഞ്ചകരും, അവരുടെ കൊലയാളികളും ഒരിക്കലും നരകത്തില്‍ കണ്ടുമുട്ടില്ലെന്ന് വീഡിയോയില്‍ കുട്ടി പറയുന്നുണ്ട്. ഭീകരസംഘടനായ ഐഎസ് തന്നെയാണ് വീഡിയോ പുറത്തു വിട്ടിരിക്കുന്നത്. രണ്ട് ഭീകരരാണ് കുട്ടിയുടെ കയ്യില്‍ നിന്ന് കത്തി എടുത്ത് ഇരകളുടെ സമീപത്തേക്ക് തലയറുക്കാനായി പോകുന്നത്. ആരെയൊക്കെയാണ് വധശിക്ഷയ്ക്ക് വിധേയരാക്കിയതെന്ന് വ്യക്തമല്ല. ഒഴുക്കു വെള്ളത്തിന് സമീപത്ത് നിന്നാണ് ഭീകരര്‍ വധശിക്ഷ നടപ്പിലാക്കുന്നത്. തലയറുത്തതിന് ശേഷം മൃതദേഹങ്ങള്‍ വെള്ളത്തില്‍ ഉപേക്ഷിക്കുകയാണ് ചെയ്തത്. രക്തം വെള്ളത്തില്‍ കലര്‍ന്ന് ഒഴുകുന്നതും ദൃശ്യങ്ങളില്‍ കാണാം.
https://youtu.be/gMzgts9CwC4
