ക​ട​പ്പാ​റ​യി​ലെ ഉ​രു​ൾ​പൊ​ട്ട​ലി​ന് നാളെ പ​തി​നൊ​ന്നു​വ​ർ​ഷം; 2007 ആ​വ​ർ​ത്തി​ക്കു​മോ എ​ന്ന ആ​ശ​ങ്ക​യിൽ നാട്ടുകാർ

ഫ്രാൻസിസ് തയ്യൂർ

മം​ഗ​ലം​ഡാം: വി​ദ്യാ​ർ​ഥി​നി മ​രി​ച്ച ക​ട​പ്പാ​റ​യി​ലെ ഉ​രു​ൾ​പൊ​ട്ട​ലി​ന് നാ​ളെ പ​തി​നൊ​ന്ന് വ​ർ​ഷം. അ​തി​വ​ർ​ഷ​മു​ണ്ടാ​യ 2007 ജൂ​ലൈ 17ന് ​പു​ല​ർ​ച്ചെ​യാ​ണ് മ​ല​യോ​ര കു​ടി​യേ​റ്റ പ്ര​ദ്ദേ​ശ​മാ​യ ക​ട​പ്പാ​റ സെ​ന്‍റ​റി​ൽ ശ​ക്ത​മാ​യ ഉ​രു​ൾ​പൊ​ട്ട​ലു​ണ്ടാ​യി 14 വ​യ​സു​കാ​രി കോ​ഴി​ക്കു​ന്നേ​ൽ ആ​ന്‍റ​ണി​യു​ടെ മ​ക​ൾ അ​നു ആ​ന്‍റ​ണി മ​രി​ച്ച​ത്. മ​ക​ളു​ടെ ഓ​ർ​മ്മ​ക്കു മു​ന്നി​ൽ നാ​ളെ ക​ട​പ്പാ​റ സെ​ന്‍റ് മേ​രീ​സ് പ​ള്ളി​യി​ൽ വി​കാ​രി ഫാ.​ജോ​ബി ത​ര​ണി​യി​ലി​ന്‍റെ കാ​ർ​മ്മി​ക​ത്വ​ത്തി​ൽ ദി​വ്യ​ബ​ലി​യും പ്ര​ത്യേ​ക പ്രാ​ർ​ത്ഥ​ന​ക​ളും ന​ട​ത്തു​മെ​ന്ന് പി​താ​വ് ആ​ന്‍റ​ണി പ​റ​ഞ്ഞു.

ഓ​രോ​വ​ർ​ഷ​വും ജൂ​ലൈ 17 ക​ട​ന്നു വ​രു​ന്പോ​ൾ അ​ന്ന​ത്തെ ശ​ക്ത​മാ​യ ഉ​രു​ൾ​പൊ​ട്ട​ലും ക​ട​പ്പാ​റ സെ​ന്‍റ​ർ ചെ​ളി​യും മ​ണ്ണും നി​റ​ഞ്ഞു് ദു​ര​ന്ത​ങ്ങ​ൾ​ക്കെ​ല്ലാം സാ​ക്ഷി​യാ​യ​തും മ​ല​യോ​ര​വാ​സി​ക​ളു​ടെ ഓ​ർ​മ്മ​ക​ളി​ൽ ഓ​ടി​യെ​ത്തും. ആ​ന്‍റ​ണി​യു​ടെ വീ​ടി​നു പു​റ​കി​ൽ മു​ക​ളി​ലു​ള്ള മ​ല​യി​ലാ​യി​രു​ന്നു ഉ​രു​ൾ​പൊ​ട്ട​ലു​ണ്ടാ​യ​ത്.​ശ​ബ്ദം കേ​ട്ട് ഉ​റ​ക്ക​ത്തി​ൽ നി​ന്നും ഞെ​ട്ടി​യു​ണ​ർ​ന്ന ആ​ന്‍റ​ണി, അ​പ​ക​ടാ​വ​സ്ഥ ക​ണ്ട് ഉ​റ​ങ്ങി കി​ട​ന്നി​രു​ന്ന മ​ക​ളെ വി​ളി​ച്ചു​ണ​ർ​ത്തി പു​റ​ത്തേ​ക്ക് ഓ​ടി.​

ഇ​രു​ട്ടും പു​ക നി​റ​ഞ്ഞ അ​ന്ത​രീ​ക്ഷ​വു​മാ​യി​രു​ന്നു പു​റ​ത്ത്. ഒ​ന്നും കാ​ണാ​നാ​കാ​ത്ത സ്ഥി​തി. വീ​ടി​നു ചു​റ്റും ക​ഴു​ത്തോ​ളം മു​ങ്ങു​ന്ന ചെ​ളി.​ഇ​തി​ലൂ​ടെ മ​ക​ളു​ടെ കൈ ​പി​ടി​ച്ച് നീ​ങ്ങു​ന്ന​തി​നി​ടെ ആ​ന്‍റ​ണി​യു​ടെ കാ​ലു​ക​ൾ വ​ലി​യ പാ​റ​ക​ൾ​ക്കി​ട​യി​ൽ കു​ടു​ങ്ങി. കാ​ലു​ക​ൾ വ​ലി​ച്ചെ​ടു​ക്കാ​ൻ ശ്ര​മി​ക്കു​ന്ന​തി​നി​ടെ പി​ടി​വി​ട്ട് മ​ക​ൾ മ​ല​വെ​ള്ള​പാ​ച്ചി​ലി​ൽ ഒ​ഴു​കി പോ​യി.

പ​പ്പാ എ​ന്ന് വി​ളി​ച്ച് മ​ക​ൾ വെ​ള്ള​ത്തി​ലൂ​ടെ ഒ​ഴു​കി നീ​ങ്ങി​യ കാ​ഴ്ച ഇ​ന്നും ആ​ന്‍റ​ണി​ക്ക് ഹൃ​ദ​യം പി​ള​ർ​ക്കു​ന്ന രം​ഗ​ങ്ങ​ളാ​ണ്. നേ​രം വെ​ളു​ത്ത് ആ​ളു​ക​ൾ ഓ​ടി കൂ​ടു​ന്പോ​ഴെ​ക്കും അ​നു നി​ത്യ​ത​യി​ലേ​ക്ക് യാ​ത്ര​യാ​യി​രു​ന്നു.

അ​ന്ന് വീ​ട് ന​ഷ്ട​പ്പെ​ട്ട​വ​ർ​ക്ക് ക​ട​പ്പാ​റ പ​ള്ളി നി​ർ​മി​ച്ചു ന​ൽ​കി​യ വീ​ടു​ക​ളി​ലൊ​ന്നി​ലാ​ണ് ഇ​പ്പോ​ൾ ആ​ന്‍റ​ണി​യും കു​ടും​ബ​വും. തോ​രാ​ത്ത മ​ഴ​യും കാ​റ്റും ഇ​ന്നും ക​ട​പ്പാ​റ​യ്ക്കാ​ർ​ക്ക് ഭീ​തി​പ്പെ​ടു​ത്തു​ന്ന​താ​ണ്.

പ്ര​കൃ​തി​യി​ലെ മാ​റ്റ​ങ്ങ​ളെ​ല്ലാം ഈ ​മ​ല​യോ​ര​വാ​സി​ക​ളി​ൽ ആ​ധി​യേ​റും. ഏ​താ​നും വ​ർ​ഷം മു​ന്പ് ക​ട​പ്പാ​റ​ക്ക​ടു​ത്ത് ക​വി​ളു​പ്പാ​റ തോ​ട്ടി​ലെ മ​ല​വെ​ള്ള​പാ​ച്ചി​ലി​ൽ​പ്പെ​ട്ട് വീ​ട്ട​മ്മ മ​രി​ച്ചി​രു​ന്നു. പേ​മാ​രി തു​ട​രു​ന്ന​ത് 2007 ആ​വ​ർ​ത്തി​ക്കു​മോ എ​ന്ന ആ​ശ​ങ്ക​യും ഇ​വി​ടു​ത്തെ ക​ർ​ഷ​ക​ർ​ക്കു​ണ്ട്.

Related posts