ന​ക്ഷ​ത്ര ഹോ​ട്ട​ലി​ൽ മോ​ഷ​ണം! വധുവിന്‍റെ 25 ലക്ഷം രൂപയുടെ സ്വ​ർ​ണാ​ഭ​ര​ണങ്ങൾ കവർന്നു; മോ​ഷ്ടാ​വി​ന്‍റെ ചി​ത്രം സി​സി​ടി​വി കാ​മ​റ​യി​ൽ

മ​ര​ട്: പ്ര​മു​ഖ ന​ക്ഷ​ത്ര ഹോ​ട്ട​ലി​ൽ വി​വാ​ഹം ന​ട​ത്താ​നെ​ത്തി​യ​വ​ർ​ക്കൊ​പ്പം കൂ​ടി​യ വി​രു​ത​ൻ വ​ധു​വി​ന്‍റെ 25 ല​ക്ഷം വി​ല​മ​തി​ക്കു​ന്ന സ്വ​ർ​ണാ​ഭ​ര​ണ​ങ്ങ​ളു​മാ​യി ക​ട​ന്നു. ഇ​ക്ക​ഴി​ഞ്ഞ ദി​വ​സ​മാ​യി​രു​ന്നു സം​ഭ​വം. ബാ​ഗ്ലൂ​രി​ൽ താ​മ​സ​മാ​ക്കി​യ  മ​ല​യാ​ളി​ക​ളാ​യ വ​ധു​വി​ന്‍റെ കു​ടും​ബ​ത്തി​ന്‍റെ സ്വ​ർ​ണാ​ണ് ന​ഷ്ട​പ്പെ​ട്ട​ത്. ക​ഴി​ഞ്ഞ് തി​ങ്ക​ളാ​ഴ്ച​യാ​യി​രു​ന്നു മോ​ഷ​ണം ന​ട​ന്ന​ത്. വ​ധു​വി​ന്‍റെ സം​ഘ​ത്തി​ൽ​പ്പെ​ട്ട ആ​ളെ​ന്ന വ്യാ​ജേ​ന ഹോ​ട്ട​ലി​ൽ ക​യ​റി​പ്പ​റ്റി​യാ​യി​രു​ന്നു മോ​ഷ​ണം ന​ട​ത്തി​യ​ത്.

വ​ര​ൻ വി​ദേ​ശി ആ​യി​രു​ന്നു. വ​ധു​വും സം​ഘ​വും മു​റി​പൂ​ട്ടി പു​റ​ത്തു​പോ​യ ത​ക്ക​ത്തി​ന് സം​ശ​യം തോ​ന്നാ​ത്ത വി​ധം ഹോ​ട്ട​ൽ റി​സ​പ്ഷ​നി​ൽ ചെ​ന്നു താ​ക്കോ​ൽ വാ​ങ്ങി മു​റി​ക്ക​ക​ത്തു ക​ട​ന്നാ​ണ് ആ​ഭ​ര​ണ​ങ്ങ​ളു​മാ​യി ക​ട​ന്നു​ക​ള​ഞ്ഞ​ത്. ക്ലീ​ൻ​ഷേ​വും ക​ണ്ണ​ട​യും മാ​ന്യ​മാ​യ​രീ​തി​യി​ൽ വ​സ്ത്ര​വും ധ​രി​ച്ച ഒ​രാ​ളാ​ണ് മോ​ഷ്ടാ​വെ​ന്നാ​ണ് ഹോ​ട്ട​ൽ ജീ​വ​ന​ക്കാ​ർ ന​ൽ​കി​യ സൂ​ച​ന.​ ഇ​യാ​ളു​ടെ ചി​ത്രം ഹോ​ട്ട​ലി​ലെ സു​ര​ക്ഷാ കാ​മ​റ​യി​ൽ പ​തി​ഞ്ഞി​ട്ടു​ണ്ടെ​ന്നാ​ണ് ല​ഭ്യ​മാ​യ വി​വ​രം. ഇ​യാ​ൾ മു​റി​യു​ടെ താ​ക്കോ​ൽ ആ​വ​ശ്യ​പ്പെ​ട്ട​പ്പോ​ൾ സം​ശ​യി​ക്ക​ത്ത​ക്ക​ത​താ​യി തോ​ന്നി​യി​ല്ലെ​ന്നാ​ണ് ജീ​വ​ന​ക്കാ​ർ പ​റ​യു​ന്ന​ത്. വി​വാ​ഹ പാ​ർ​ട്ടി​യും, ഹോ​ട്ട​ൽ ജീ​വ​ന​ക്കാ​രും ന​ൽ​കി​യ പ​രാ​തി​യി​ൽ പോ​ലീ​സ് കേ​സെ​ടു​ത്തു.