top ad

Set us Home Page

കാ​ട​റി​യാ​ൻ കാ​ണാം ക​പ്രി​ക്കാ​ട് ..! പെ​രി​യാ​റി​ന്‍റെ തീ​ര​ത്തു പ്ര​കൃ​തി​ഭം​ഗി ആ​സ്വ​ദി​ക്കാ​നും വ​ന്യ​ജീ​വി​ക​ളെ​ അ​ടു​ത്ത​റി​യാ​നും സ​ഞ്ചാ​രി​ക​ളെ സ്വാ​ഗ​തം ചെ​യ്ത് അ​ഭ​യാ​ര​ണ്യം

സി​ജോ പൈ​നാ​ട​ത്ത്
kapprikkadകൊ​ച്ചി: പെ​രി​യാ​റി​ന്‍റെ തീ​ര​ത്തു പ്ര​കൃ​തി​ഭം​ഗി ആ​സ്വ​ദി​ക്കാ​നും വ​ന്യ​ജീ​വി​ക​ളെ​യും ശ​ല​ഭ​ങ്ങ​ളെ​യും അ​ടു​ത്ത​റി​യാ​നും ക​പ്രി​ക്കാ​ട് അ​ഭ​യാ​ര​ണ്യം സ​ഞ്ചാ​രി​ക​ളെ സ്വാ​ഗ​തം ചെ​യ്യു​ന്നു. പെ​രു​ന്പാ​വൂ​രി​ന​ടു​ത്തു കൂ​വ​പ്പ​ടി പ​ഞ്ചാ​യ​ത്തി​ലാ​ണ് അ​ഭ​യാ​ര​ണ്യം. വ​നം​വ​കു​പ്പി​ന്‍റെ നേ​ച്ച​ർ സ്റ്റ​ഡി സെ​ന്‍റ​റി​നു കീ​ഴി​ലാ​ണു 90 ഹെ​ക്ട​റോ​ളം വ​രു​ന്ന ഈ ​പ്ര​ദേ​ശം. ഇ​ല്ലി​ക്കാ​ടു​ക​ളും ഏ​റു​മാ​ട​ങ്ങ​ളും പു​ഴ​യോ​ര​ത്തെ സ​ഞ്ചാ​ര​പാ​ത​യും സൗ​ന്ദ​ര്യം കൂ​ട്ടു​ന്ന അ​ഭ​യാ​ര​ണ്യ​ത്തി​ൽ ആ​റ് ആ​ന​ക​ളു​ണ്ട്. നാ​ൽ​പ​തു വ​യ​സി​ൽ താ​ഴെ​യു​ള്ള ര​ണ്ടു കൊ​ന്പ​നാ​ന​ക​ളും നാ​ലു പി​ടി​യാ​ന​ക​ളും.

കോ​ട​നാ​ടു​ള്ള ആ​ന​പ​രി​ശീ​ല​ന കേ​ന്ദ്ര​ത്തി​ൽ വ​ള​ർ​ത്തി​യി​രു​ന്ന ആ​ന​ക​ളെ​യാ​ണ് അ​ഭ​യാ​ര​ണ്യ​ത്തി​ലേ​ക്കു മാ​റ്റി​യി​ട്ടു​ള്ള​ത്. നൂ​റോ​ളം മാ​നു​ക​ളാ​ണ് അ​ഭ​യാ​ര​ണ്യ​ത്തി​ലെ മ​റ്റൊ​രു ആ​ക​ർ​ഷ​ക​മാ​യ കാ​ഴ്ച. പു​ള്ളി​മാ​നു​ക​ളും മ്ലാ​വു​ക​ളും മാ​ൻ​പാ​ർ​ക്കി​ലു​ണ്ട്. കൂ​ടി​ന്‍റെ പ​രി​മി​തി​യി​ല്ലാ​തെ നി​ശ്ചി​ത മേ​ഖ​ല​യി​ൽ വി​ശാ​ല​മാ​യി മേ​ഞ്ഞു ന​ട​ക്കു​ക​യാ​ണു മാ​നു​ക​ൾ. ഇ​ട​യ്ക്കു നി​ശ്ചി​ത എ​ണ്ണം മാ​നു​ക​ളെ കാ​ട്ടി​ലേ​ക്കു വി​ടും.  ആ​ന​ക​ൾ​ക്കാ​യി ആ​ന​ക്കൂ​ടി​ന്‍റെ നി​ർ​മാ​ണം പു​രോ​ഗ​മി​ക്കു​ന്നു.

പെ​രി​യാ​ർ തീ​ര​ത്ത് ഒ​രു കി​ലോ​മീ​റ്റ​ർ സ​ഞ്ച​രി​ക്കാ​നും പ്ര​കൃ​തി​ഭം​ഗി ആ​സ്വ​ദി​ക്കാ​നും സാ​ധി​ക്കു​ന്ന ത​ര​ത്തി​ൽ സ​ഞ്ചാ​രി​ക​ൾ​ക്കാ​യി ന​ട​പ്പാ​ത​യും ഇ​രി​പ്പി​ട​ങ്ങ​ളും ഒ​രു​ക്കി​യി​ട്ടു​ണ്ട്. ഇ​ല്ലി​ച്ചെ​ടി​ക​ൾ വെ​ട്ടി​യൊ​രു​ക്കി​യാ​ണ് ഇ​രി​പ്പി​ട​ങ്ങ​ൾ തീ​ർ​ത്തി​രി​ക്കു​ന്ന​ത്. മ​ര​ങ്ങ​ൾ​ക്കു മു​ക​ളി​ൽ ര​ണ്ട് ഏ​റു​മാ​ട​ങ്ങ​ളും ഒ​രു​ക്കി​യി​രി​ക്കു​ന്നു. ചി​ത്ര​ശ​ല​ഭ​ങ്ങ​ളു​ടെ പാ​ർ​ക്ക്, ഫ്രൂ​ട്ട് ഗാ​ർ​ഡ​ൻ, ചി​ൽ​ഡ്ര​ൻ​സ് പാ​ർ​ക്ക് എ​ന്നി​വ​യും ഇ​വി​ടെ​യു​ണ്ട്.

2015 ലാ​ണ് അ​ഭ​യാ​ര​ണ്യം ആ​രം​ഭി​ച്ച​ത്. കോ​ട​നാ​ട് ആ​ന പ​രി​ശീ​ല​ന കേ​ന്ദ്ര​ത്തി​ൽ​നി​ന്ന് ആ​ന​ക​ളെ ഇ​ങ്ങോ​ട്ടു മാ​റ്റി​യ​ശേ​ഷം അ​ഭ​യാ​ര​ണ്യ​ത്തി​ൽ സ​ന്ദ​ർ​ശ​ക​രു​ടെ എ​ണ്ണം വ​ർ​ധി​ച്ചു. ആ​ഴ്ച​യി​ൽ ശ​രാ​ശ​രി അ​യ്യാ​യി​ര​ത്തോ​ളം സ​ന്ദ​ർ​ശ​ക​ർ ഇ​വി​ടെ​യെ​ത്തു​ന്നു. വി​നോ​ദ​സ​ഞ്ചാ​ര​ത്തി​നു പു​റ​മേ, പ്ര​കൃ​തി​പ​ഠ​ന​ത്തി​ന്‍റെ ഭാ​ഗ​മാ​യും ഇ​വി​ടെ ആ​ളു​ക​ൾ വ​രു​ന്നു​ണ്ട്.

പെ​രു​ന്പാ​വൂ​രി​ൽ​നി​ന്നു 14 കി​ലോ​മീ​റ്റ​റാ​ണു ക​പ്രി​ക്കാ​ടി​ലേ​ക്കു​ള്ള ദൂ​രം. ഇ​വി​ടു​ന്ന് എ​ട്ടു കി​ലോ​മീ​റ്റ​റ​പ്പു​റ​മാ​ണു പ്ര​സി​ദ്ധ ടൂ​റി​സ്റ്റ് കേ​ന്ദ്ര​മാ​യ പാ​ണി​യേ​ലി പോ​ര്. തി​ങ്ക​ൾ ഒ​ഴി​കെ​യു​ള്ള ദി​വ​സ​ങ്ങ​ളി​ൽ രാ​വി​ലെ എ​ട്ടു മു​ത​ൽ വൈ​കു​ന്നേ​രം അ​ഞ്ചു​വ​രെ​യാ​ണ് അ​ഭ​യാ​ര​ണ്യ​ത്തി​ൽ പ്ര​വേ​ശ​നം. പ്ര​വേ​ശ​ന​ഫീ​സ് 20 രൂ​പ. സ്കൂ​ൾ വി​ദ്യാ​ർ​ഥി​ക​ൾ​ക്കു ര​ണ്ടു രൂ​പ മ​തി​യാ​കും. വി​ദേ​ശി​ക​ൾ​ക്കു 100 രൂ​പ. ഫോ​ൺ:  0484 2649052.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/
നിങ്ങളുടെ അഭിപ്രായങ്ങൾ മലയാളത്തിൽ രേഖപ്പെടുത്താൻ മംഗ്ലീഷിൽ ടൈപ് ചെയ്തു താഴെക്കാണുന്ന കമെന്റ് ബോക്സിൽ പേസ്റ്റ് ചെയ്യുക

LATEST NEWS

OTHER NEWS IN THIS SECTION

LEADING NEWS