കാ​ണാ​ക്കാ​ഴ്ച​ക​ളു​ടെ വി​രു​ന്നൊ​രു​ക്കി കാ​റ്റാ​ടി​ക്ക​ട​വ് കാ​ത്തി​രി​ക്കു​ന്നു

വ​ണ്ണ​പ്പു​റം: കാ​റ്റി​നോ​ട് കി​ന്നാ​രം ചൊ​ല്ലി കാ​ണാ​ക്കാ​ഴ്ച​ക​ളു​ടെ വി​രു​ന്നൊ​രു​ക്കി കാ​റ്റാ​ടി​ക്ക​ട​വ് സ​ഞ്ചാ​രി​ക​ൾ​ക്കാ​യി കാ​ത്തി​രി​ക്കു​ന്നു. സ​മു​ദ്ര​നി​ര​പ്പി​ൽ നി​ന്നും 3000 അ​ടി ഉ​യ​ര​ത്തി​ൽ സ്ഥി​തി ചെ​യ്യു​ന്ന കാ​റ്റാ​ടി​ക്ക​ട​വ.് ഉ​ദ​യാ​സ്ത​മ​ന​ങ്ങ​ളു​ടെ മ​ഴ​വി​ൽ ദൃ​ശ്യ​വി​സ്മ​യ​മൊ​രു​ക്കി​യാ​ണ് സ​ന്ദ​ർ​ശ​ക​രെ വ​ര​വേ​ൽ​ക്കു​ന്ന​ത്. മേ​ഘ​ങ്ങ​ളെ നെ​ഞ്ചോ​ട് ചേ​ർ​ത്ത് പു​ൽ​കാ​ൻ, മ​ഞ്ഞു പെ​യ്യു​ന്ന ഈ ​താ​ഴ്വ​ര​യി​ലേ​ക്ക് എ​ത്തു​ന്ന സ​ഞ്ചാ​രി​ക​ളു​ടെ എ​ണ്ണം ഏ​റി വ​രി​ക​യാ​ണ്.

വി​ട​രും മു​ന്പേ കൊ​ഴി​ഞ്ഞു പോ​യ ഒ​രു പ്ര​ണ​യ​ത്തി​ന്‍റെ നൊ​ന്പ​ര​ക​ഥ ഇ​വി​ടെ അ​ലി​ഞ്ഞു കി​ട​പ്പു​ണ്ട്. മ​ഹാ​ബ​ലി​യു​ടെ കാ​ല​ത്ത് മാ​യ​ൻ രാ​ജാ​വി​ന്‍റെ സേ​നാ​പ​തി​യാ​യ മാ​ണി​ക്യ​ൻ അ​ദ്ദേ​ഹ​ത്തി​ന്‍റെ മ​ക​ൾ മ​ര​ത​ക​ത്തെ പ്ര​ണ​യി​ച്ചി​രു​ന്നു.

ഇ​ത​റി​ഞ്ഞ മാ​യ​ൻ രാ​ജാ​വ് മാ​ണി​ക്യ​നെ വ​ധി​ക്കു​ക​യും ഇ​തി​ന്‍റെ നൊ​ന്പ​രം പേ​റി മ​ര​ത​കം സ്വ​യം ജീ​വ​ൻ വെ​ടി​യു​ക​യും ചെ​യ്തു. തു​ട​ർ​ന്ന് മ​ര​ത​കം ഈ ​മ​ല​യി​ൽ പു​ന​ർ​ജ​നി​ച്ച് ശാ​പ​മോ​ക്ഷം തേ​ടി​യെ​ന്നാ​ണ് ഐ​തി​ഹ്യം. സ​ർ സി​പി യു​ടെ കാ​ല​ത്ത് 1946ൽ ​ഇ​വി​ടെ ആ​ളു​ക​ളെ ഗ്രോ​മോ​ർ ഭ​ക്ഷ്യ പ​ദ്ധ​തി​യു​ടെ ഭാ​ഗ​മാ​യി കു​ടി​യി​രു​ത്തു​ക​യാ​യി​രു​ന്നു. കാ​റ്റാ​ടി​ക്ക​ട​വി​ന്‍റെ പ​ടി​ഞ്ഞാ​റാ​യി മേ​ഘ​ങ്ങ​ളെ തൊ​ട്ടൊ​രു​മ്മി നി​ൽ​ക്കു​ന്ന വ​ലി​യ പ​ടി​ക​ട​വ് ചേ​തോ​ഹ​ര​മാ​യ ദൃ​ശ്യ​മാ​ണ്.

കാ​റ്റാ​ടി​ക്ക​ട​വി​ൽ കാ​ണു​ന്ന മാ​മു​നി​യ​റ സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന മ​റ്റൊ​രു ഇ​ട​മാ​ണ്. മാ​മു​നി​യ​റ​യ്ക്ക് ഉ​ള​ളി​ൽ ക​യ​റി​യാ​ൽ ക​ട്ടി​ലും ക​സേ​ര​യും പോ​ലെ രൂ​പാ​ന്ത​ര​പ്പെ​ട്ട പാ​റ​ക​ൾ കാ​ണാം. മു​ണ്ട​ൻ​മു​ടി​യ്ക്ക് അ​ഴ​കാ​യി ഒ​ഴു​കു​ന്ന നെ​യ്കു​ത്ത​നാ​റി​ന്‍റെ ഉ​ത്ഭ​വ​കേ​ന്ദ്രം കാ​റ്റാ​ടി​ക്ക​ട​വി​ന്‍റെ തെ​ക്കു​ഭാ​ഗ​മാ​ണ്. പ​ല വ​ർ​ണ പൂ​ക്ക​ൾ ചൂ​ടി നി​ൽ​ക്കു​ന്ന മ​ണി​മ​രു​തു​ക​ളും ചേ​തോ​ഹ​ര​മാ​യ നി​ത്യ​ഹ​രി​ത മ​ല​നി​ര​ക​ളും പാ​റ​ക്കെ​ട്ടു​ക​ളും ആ​രെ​യും ആ​ക​ർ​ഷി​ക്കും.

ഇ​വി​ടെ നി​ന്ന് നോ​ക്കി​യാ​ൽ കൊ​ച്ചി​ൻ റി​ഫൈ​ന​റി​യു​ടെ വി​ദൂ​ര ദൃ​ശ്യം കാ​ണാം. പാ​ൽ​ക്കു​ളം​മേ​ട് ,മു​ള​കു​വ​ള്ളി, അ​ടു​ക്കം തു​ട​ങ്ങി​യ മേ​ടു​ക​ൾ സ​ഞ്ചാ​രി​ക​ളെ ഇ​വി​ടേ​ക്ക് മാ​ടി വി​ളി​ക്കു​ന്നു. മീ​നു​ളി​യാ​ൻ​പാ​റ, തൊ​മ്മ​ൻ​കു​ത്ത്, മൂ​ല​മ​റ്റം, അ​ടി​മാ​ലി, നീ​ണ്ട​പാ​റ, നേ​ര്യ​മം​ഗ​ലം, ഇ​ഞ്ച​പ്പാ​റ എ​ന്നീ പ്ര​ദേ​ശ​ങ്ങ​ളും കാ​റ്റാ​ടി​ക്ക​ട​വി​ൽ നി​ന്നാ​ൽ കാ​ണാം. വാ​ന​നി​രീ​ക്ഷ​ണ​ത്തി​നും, സ​ർ​വേ​യ്ക്കു​മാ​യി പ​തി​റ്റാ​ണ്ടു​ക​ൾ​ക്ക് മു​ൻ​പ് ഇ​വി​ടെ​യെ​ത്തി​യ ഒ​രു കൂ​ട്ടം ഉ​ദ്യോ​ഗ​സ്ഥ​ർ ദി​വ​സ​ങ്ങ​ളോ​ളം താ​മ​സി​ച്ച​താ​യി പ​റ​യ​പ്പെ​ടു​ന്നു. ഇ​വ​രു​ടെ കൂ​ടെ​യു​ണ്ടാ​യി​രു​ന്ന ഒ​രു പ​ഞ്ചാ​ബി വെ​ള്ളം എ​ടു​ക്കാ​ൻ മ​ല​യു​ടെ മു​ക​ളി​ൽ നി​ന്ന് ഇ​റ​ങ്ങി വ​ന്ന​പ്പോ​ൾ ഈ​റ്റ​ക്കൂ​ട്ട​ത്തി​ന്‍റെ മ​റ​വി​ൽ നി​ന്ന ആ​ന​ക്കൂ​ട്ട​ത്തി​ന്‍റെ മു​ന്പി​ൽ അ​ക​പ്പെ​ടു​ക​യും ആ​ന​യെ ക​ണ്ട് ഭ​യ​ന്ന പ​ഞ്ചാ​ബി ഓ​ടി മ​ര​ത്തി​ൽ ക​യ​റി​യെ​ങ്കി​ലും ആ​ന​യു​ടെ ച​വി​ട്ടേ​റ്റ് മ​രി​ച്ചെ​ന്നാ​ണ് പ​ഴ​മ​ക്കാ​ർ പ​റ​യു​ന്ന​ത്. പ​ഞ്ചാ​ബി​യു​ടെ കൂ​ടെ വ​ന്ന​വ​ർ അ​ദ്ദേ​ഹ​ത്തെ ക​ല്ല​റ​യു​ണ്ടാ​ക്കി അ​തി​ൽ അ​ട​ക്കം ചെ​യ്ത​താ​യും പ​റ​യു​ന്നു. സൂ​ര്യാ​സ്ത​മ​യ​ത്തി​ന്‍റെ വ​ർ​ണ ദൃ​ശ്യ​ങ്ങ​ൾ ഇ​വി​ടെ​യെ​ത്തു​ന്ന സ​ഞ്ചാ​രി​ക​ളു​ടെ മ​നം കു​ളി​ർ​പ്പി​ക്കു​ന്നു.

ടൂ​റി​സം വി​ക​സ​ന​ത്തി​നു അ​ന​ന്ത സാ​ധ്യ​ത​ക​ൾ തു​റ​ന്നു കി​ട​ക്കു​ന്പോ​ഴും ഇ​വി​ടെ​യെ​ത്തു​ന്ന സ​ന്ദ​ർ​ശ​ക​ർ​ക്കാ​യി അ​ടി​സ്ഥാ​ന സൗ​ക​ര്യ​ങ്ങ​ൾ ഒ​ന്നും ത​ന്നെ​യി​ല്ലെ​ന്നു​ള്ള​താ​ണ് പോ​രാ​യ്മ. ഗ​താ​ഗ​ത സൗ​ക​ര്യം പോ​ലും പ​രി​മി​ത​മാ​ണ്. ടൂ​റി​സം വി​ക​സ​ന​ത്തി​നാ​യി പ്ര​ദേ​ശി​ക ഭ​ര​ണ​കൂ​ട​വും ദീ​ർ​ഘ ദൃ​ഷ്ടി​യോ​ടു കൂ​ടി​യ പ​ദ്ധ​തി​ക​ൾ ആ​വി​ഷ്ക്ക​രി​ക്കാ​ൻ ത​യാ​റാ​കു​ന്നി​ല്ല. വ​ണ്ണ​പ്പു​റം-​മു​ണ്ട​ൻ​മു​ടി റൂ​ട്ടി​ൽ ക​ള്ളി​പ്പാ​റ വ​ഴി സ​ഞ്ച​രി​ച്ചാ​ൽ കാ​റ്റാ​ടി​ക്ക​ട​വി​ലെ​ത്താം.