കാ​ട്ടാ​ന​കൾ വന്നവഴി തിരികേ..! കുളിച്ച് തിമിർത്ത് ഒരാഴ്ചയായി നാടിനെ വിറപ്പിച്ച കാട്ടാനകൾ തിരികെ നടന്നു തുടങ്ങി; രാ​വി​ലെ മ​ങ്ക​ര​യി​ൽ; തമിഴ്നാട്ടിൽ നിന്നും കുങ്കിയാനയെ കൊണ്ടുവരും

പാ​ല​ക്കാ​ട്: ഒ​രാ​ഴ്ച്ച​യാ​യി നാ​ട്ടി​ൽ വി​ല​സു​ന്ന മൂ​ന്നം​ഗ കാ​ട്ടാ​ന​ക്കൂ​ട്ടം കാ​ട്ടി​ലേ​ക്കു തി​രി​ച്ചു പ്ര​യാ​ണം തു​ട​ങ്ങി. തൃ​ശൂ​രി​ലെ കു​ത്താ​ന്പു​ള്ളി​യി​ലെ ഭാ​ര​ത​പ്പു​ഴ​യോ​ര​ത്തു ര​ണ്ടു ദി​വ​സ​മാ​യി ക​ളി​ച്ചു തി​മി​ർ​ത്ത ശേ​ഷ​മാ​ണ് ആ​ന​കളുടെ മ​ട​ക്കം. ഇ​ന്നു രാ​വി​ലെ മ​ങ്ക​ര റെ​യി​ൽ​വേ സ്റ്റേ​ഷ​നു സ​മീ​പം പു​ഴ​യോ​ടു ചേ​ർ​ന്ന പ്ര​ദേ​ശ​ത്താ​ണ് ആ​ന​കൾ നി​ല്ക്കു​ന്ന​ത്.

കു​റ​ച്ചു ദി​വ​സ​ങ്ങ​ളാ​യി മു​ണ്ടൂ​ർ ഭാ​ഗ​ത്ത് വി​ല​സു​ന്ന കാ​ട്ടാ​ന​ക​ൾ വെ​ള്ളി​യാ​ഴ്ച ദേ​ശീ​യ​പാ​ത​യോ​രം വ​രെ​യെ​ത്തി​യി​രു​ന്നു. മാ​ങ്കു​റു​ശ്ശി​യി​ൽ സ്വ​കാ​ര്യ വ്യ​ക്തി​യു​ടെ പ​റ​ന്പി​ൽ എ​ത്തി​യ ര​ണ്ട് കാ​ട്ടാ​ന​ക​ൾ ചൊ​വ്വാ​ഴ്ച്ച രാ​വി​ലെ പെ​രി​ങ്ങോ​ട്ടു​കു​റു​ശി, കോ​ട്ടാ​യി ഭാ​ഗ​ത്തെ​ത്തി. ബ​മ്മ​ണ്ണൂ​ർ സ്കൂ​ളി​ന്‍റെ പി​ന്നി​ലും ജ​ന​ങ്ങ​ൾ തി​ങ്ങി​പ്പാ​ർ​ക്കു​ന്ന പ്ര​ദേ​ശ​ത്തും ഇ​വ​യെ​ത്തി. വീ​ടു​ക​ളു​ടെ ഗേ​റ്റ് ത​ള്ളി​ത്തു​റ​ന്നു മു​റ്റ​ത്തു​കൂ​ടെ ന​ട​ന്ന ആ​ന​ക​ൾ പ​ക്ഷെ ആ​രെ​യും ഉ​പ​ദ്ര​വി​ച്ചി​ല്ല. കാ​ര്യ​മാ​യ കൃ​ഷി​നാ​ശ​വും വ​രു​ത്തി​യി​ല്ല.

നൂ​റ്റി​യി​രു​പ​തോ​ളം വ​ന​പാ​ല​ക​രും വ​ൻ പോ​ലീ​സ് സ​ന്നാ​ഹ​വും ഇ​വ​യെ തു​ര​ത്താ​ൻ പ​ണി​പ്പെ​ട്ടെ​ങ്കി​ലും ന​ട​ന്നി​ല്ല. ഞാ​യ​റാ​ഴ്ച്ച തേ​നൂ​ർ ഭാ​ഗ​ത്തു ക​ണ്ടെ​ത്തി​യ ആ​ന​ക​ൾ രാ​ത്രി ത​ന്നെ പ​രു​ത്തി​പ്പു​ള്ളി​യി​ലെ​ത്തി​യ​തും പ​ല​രെ​യും അ​ത്ഭു​ത​പ്പെ​ടു​ത്തി. ര​ണ്ടു തീ​വ​ണ്ടി​പ്പാ​ള​ങ്ങ​ൾ ക​ട​ന്നു​വേ​ണം തേ​നൂ​രി​ലെ​ത്താ​ൻ.

പു​ഴ മു​റി​ച്ചു ക​ട​ന്നു ര​ണ്ടു കി​ലോ​മീ​റ്റ​റോ​ളം ക​ട​ന്നാ​ലേ പ​രു​ത്തി​പ്പു​ള്ളി​യി​ലെ​ത്താ​നാ​കൂ. പെ​രി​ങ്ങോ​ട്ടു​കു​റു​ശി ഭാ​ഗ​ത്തെ​ത്തി​യ ആ​ന​ക​ൾ പി​ന്നീ​ട് കു​ത്താ​ന്പു​ള്ളി, പാ​ന്പാ​ടി, തി​രു​വി​ല്വാ​മ​ല ഭാ​ഗ​ത്തെ​ത്തി. ര​ണ്ടു ദി​വ​സ​മാ​യി ഇ​വി​ടെ വി​ല​സി​യ കാ​ട്ടാ​ന​ക​ൾ ഇ​ന്ന​ലെ രാ​ത്രി​യോ​ടെ പോ​യ വ​ഴി​യേ മ​ട​ങ്ങി ഇ​ന്നു രാ​വി​ലെ മ​ങ്ക​ര​യി​ൽ എ​ത്തു​ക​യാ​യി​രു​ന്നു.

കാ​ട്ടാ​ന​ക്കൂ​ട്ട​ത്തെ തി​രി​കെ കാ​ട്ടി​ലേ​ക്ക​യ​യ്ക്കാ​ൻ തീ​വ്ര​ശ്ര​മം ന​ട​ത്തു​ന്നു​ണ്ടെ​ന്നു വ​നം​മ​ന്ത്രി കെ. ​രാ​ജു അ​റി​യി​ച്ചു. മൂ​ന്ന് ആ​ന​ക​ളു​ള്ള​തി​നാ​ൽ മ​യ​ക്കു​വെ​ടി ഉ​പ​യോ​ഗി​ച്ചു പി​ടി​ക്കു​ന്ന​തു അ​പ​ക​ട​ക​ര​മാ​ണെ​ന്ന വി​ല​യി​രു​ത്ത​ലി​ലാ​ണ് വ​നം​വ​കു​പ്പ്. ത​മി​ഴ്നാ​ട്ടി​ൽ നി​ന്നും കു​ങ്കി​യാ​ന​ക​ളെ എ​ത്തി​ക്കാ​നും ന​ട​പ​ടി സ്വീ​ക​രി​ച്ചി​ട്ടു​ണ്ട്. വ​യ​നാ​ട്ടി​ൽ നി​ന്നെ​ത്തി​യ ഇ​ക്കോ ഡ​വ​ല​പ്മെ​ന്‍റ് ക​മ്മി​റ്റി​യു​ടെ നേ​തൃ​ത്വ​ത്തി​ൽ പ്ര​വ​ർ​ത്ത​നം തു​ട​ങ്ങി​യി​ട്ടു​ണ്ട്.

Related posts