Set us Home Page

എല്ലാക്കാലത്തും നമ്മുടെ ചിന്താഗതി ഒരുപോലല്ലല്ലോ! ഇതിങ്ങനെ മുന്നോട്ട് പോവേണ്ട കാര്യമില്ലെന്ന് രണ്ടുപേര്‍ക്കും മനസിലായി; ദാമ്പത്യം സൗഹൃദത്തിലേയ്ക്ക് വഴിതിരിച്ചുവിട്ടതിനെക്കുറിച്ച് ലെന

lenaചുരുങ്ങിയ ചിത്രങ്ങളില്‍ വളരെ ചെറിയ റോളുകളില്‍ എത്തി മലയാളികളുടെ പ്രിയപ്പെട്ട താരമായി മാറിയ താരമാണ് ലെന. പ്രത്യേകം കഥാപാത്രങ്ങള്‍ക്കായി വാശിപിടിച്ചിരിക്കാതെ കിട്ടിയ വേഷങ്ങള്‍ ആത്മാര്‍ത്ഥയോടെ അവതരിപ്പിച്ചതിനാലാണ് ലെനയ്ക്ക് മലയാള സിനിമാലോകത്ത് പിടിച്ചുനില്‍ക്കാന്‍ സാധിച്ചത്. സിനിമയില്‍ അപ്രതീക്ഷിത വിജയം സ്വന്തമാക്കിയപ്പോഴും കുടുംബജീവിതത്തില്‍ പ്രതീക്ഷിച്ച വിജയം കൈവരിക്കാനാവാതെ വന്നയാളാണ് ലെന. അതേക്കുറിച്ച് ലെന പറയുന്നതിങ്ങനെ…

‘സിനിമയിലും സീരിയലിലും സജീവമായ കാലത്ത് എന്റെ ജീവിതത്തിലും ചില മാറ്റങ്ങള്‍ സംഭവിച്ചു. ഞാനും അഭിലാഷും വിവാഹമോചിതരായി. 2011 ലാണത്. ഇപ്പോഴും ഞാനും അഭിലാഷും നല്ല സുഹൃത്തുക്കളാണ്. ഞങ്ങളുടെ ബന്ധത്തില്‍ ചില വിള്ളലുകള്‍ ഉണ്ടാകുന്നു, ചില ഘട്ടങ്ങളില്‍ ദിശ മാറുന്നു എന്നൊക്കെ തോന്നിയപ്പോഴാണ് ഒരുമിച്ചങ്ങനൊരു തീരുമാനമെടുത്തത്.

ആറാം ക്ലാസിലേതു പോലല്ലല്ലോ നമ്മള്‍ ഇരുപതുകളിലും മുപ്പതുകളിലും ചിന്തിക്കുന്നത്. ജീവിതരീതികളും ജീവിതശൈലികളും മാറിയെന്ന് ഞങ്ങള്‍ക്ക് മനസ്സിലായി. അഡ്ജസ്റ്റ്മെന്റില്‍ ഒരു ജീവിതം വേണ്ടെന്നും, ഇതിങ്ങനെ മുന്നോട്ടു പോകേണ്ട ആവശ്യമില്ലെന്നും രണ്ടാള്‍ക്കും തോന്നി. സുന്ദരമായ ഒരു ജീവിതം ഞങ്ങള്‍ക്ക് രണ്ടാള്‍ക്കുമുണ്ട്. ഇനിയുമേറെ ജീവിക്കാനുമുണ്ട്. മാറ്റങ്ങള്‍ക്കനുസരിച്ച് ഇഷ്ടവഴിയിലൂടെ ജീവിക്കുന്നതാണ് നല്ലതെന്ന് രണ്ടാള്‍ക്കും തോന്നി.

അങ്ങനെ വഴക്കും കുറ്റംപറച്ചിലും ഒന്നുമില്ലാതെ പരസ്പര ബഹുമാനത്തോടെ പിരിയാന്‍ തീരുമാനിച്ചു. സൗഹൃദപരമായ തീരുമാനം. വിവാഹം കഴിച്ചപ്പോള്‍ ഒരേ രീതിയില്‍ പോകാമെന്നു ചിന്തിച്ചതു പോലെ പിരിഞ്ഞപ്പോഴും ഞങ്ങള്‍ ഒരുമിച്ചു നിന്നു. എന്റെ ജീവിതത്തെക്കുറിച്ചു തീരുമാനമെടുക്കാനുള്ള സ്വാതന്ത്ര്യം എന്റെ വീട്ടില്‍ തന്നിരുന്നു. നമ്മുടെ ജീവിതത്തില്‍ നമ്മള്‍ തന്നെ ഉത്തരവാദികളാകുമ്പോള്‍ അവരെ കുറ്റപ്പെടുത്തേണ്ട കാര്യമില്ല. അനുകൂലവും പ്രതികൂലവുമായ കാര്യങ്ങള്‍ അവര്‍ പറഞ്ഞു, അന്തിമ തീരുമാനം എനിക്കു വിട്ടു. അഭിലാഷിന്റെ വീട്ടില്‍ എങ്ങനെയാണെന്നറിയില്ല. അവിടെ അമ്മ മാത്രമാണുണ്ടായിരുന്നത്.

കഴിഞ്ഞ കാര്യങ്ങള്‍ ചിക്കിചികഞ്ഞ് എടുക്കേണ്ട കാര്യമില്ല. കാരണം ഒരിക്കലും പരസ്പരം കുറ്റപ്പെടുത്തുകയോ പഴിചാരുകയോ ചെയ്യാതെ തികച്ചും സൗഹൃദപരമായി ഞങ്ങളെടുത്ത തീരുമാനമാണത്. പരസ്പര ബഹുമാനത്തോടെ രണ്ടുപേരും അംഗീകരിച്ച തീരുമാനം. അതു വര്‍ഷങ്ങള്‍ക്കു ശേഷം എന്തിന് സംസാരവിഷയമാക്കണം. എനിക്കതിന് താത്പര്യമില്ല. 2011 ല്‍ അത് സംഭവിച്ചു. അത്രമാത്രം. ഒരുമിച്ചെടുത്ത വിവാഹമെന്ന രീതി വിട്ട് സൗഹൃദത്തിലെത്തി അത്രയേയുള്ളു’.

2006 മുതല്‍ 2011 വരെ സിനിമയും സീരിയലും മാറിമാറി ചെയ്ത ലെന സിനിമയുടെ തിരക്ക് കൂടിയപ്പോള്‍ സീരിയലിനോട് താത്കാലികമായി വിടപറഞ്ഞു. എന്നാല്‍ ടെലിവിഷനിലൂടെയാണ് ആളുകള്‍ തന്നെ അറിഞ്ഞതും സ്‌നേഹച്ചതും എന്ന കാരണത്താല്‍ സീരിയലിനെ ഇന്നും ഏറെ ഇഷ്ടപ്പെടുന്ന വ്യക്തിയാണ് ലെന.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/
നിങ്ങളുടെ അഭിപ്രായങ്ങൾ മലയാളത്തിൽ രേഖപ്പെടുത്താൻ മംഗ്ലീഷിൽ ടൈപ് ചെയ്തു താഴെക്കാണുന്ന കമെന്റ് ബോക്സിൽ പേസ്റ്റ് ചെയ്യുക

LATEST NEWS

LEADING NEWS