ഗ്ലാമർ കണ്ടാൽ പ്രായം പിന്നോട്ടാണെന്ന് തോന്നുമെന്ന് നമ്മുടെ മമ്മൂക്കയെക്കുറിച്ച് പറയാറുണ്ട്. ഇതുപോലൊരു കക്ഷി തായ്‌വാനിലുമുണ്ട്. ഫാഷൻ ഡിസൈനറായ ലുറെ സു എന്ന സുന്ദരി. പക്ഷെ ഇവരെ ആരു കണ്ടാലും ഒരു മോഡലാണെന്നേ പറയു. ഇപ്പോൾ സോഷ്യൽ മീഡിയായിൽ ചർച്ചാ വിഷയമായിരിക്കുന്നത് ഇവരുടെ പ്രായം എത്രെയാണെന്നുള്ളതാണ്. 17 മുതൽ 22 വരെ പ്രായമാണ് ഇവരുടെ ആരാധകർ പറയുന്നത്. എന്നാൽ ചർച്ചകൾക്ക് വിരാമമിട്ടുകൊണ്ട് ലുറെ തന്നെ തന്‍റെ പ്രായം വെളിപ്പെടുത്തി, 42. ആദ്യം ആരും വിശ്വസിച്ചില്ലെങ്കിലും പ്രായം 42 എന്നുള്ളതാണെന്ന് സത്യമെന്ന് പ്രഖ്യാപിച്ച് ഇവർ തന്നെ വീണ്ടും രംഗത്തെത്തുകയും ചെയ്തു.
വെജിറ്റേറിയൻ ഡയറ്റാണ് തന്‍റെ സൗന്ദര്യത്തിന്‍റെ രഹസ്യമെന്നാണ് ലുറെ അവകാശപ്പെടുന്നത്. ദിവസവും ധാരാളം പച്ചക്കറികളും പഴവർഗങ്ങളും കഴിക്കുകയും ഇഷ്ടംപോലെ വെള്ളം കുടിക്കുകയും ചെയ്യാറുണ്ട്. മാത്രമല്ല, മുടക്കം വരാതെ ചെയ്യുന്ന വ്യായാമവും ഇവരുടെ സൗന്ദര്യം നിലനിർത്താൻ സഹായകമാകുന്നുണ്ട്. ഫേസ്ബുക്കിൽ 3,41,000 പേരും ഇൻസ്റ്റഗ്രാമിൽ 2,30,000 ആളുകളും ലുറെയേ ഫോളോ ചെയ്യുന്നുണ്ട്. ഫാഷൻ ഡിസൈനിംഗ് കൂടാതെ ലുറെ ടിവി ഷോ അവതാരകയുമാണ്.
