പഞ്ചായത്ത് വൈസ് പ്രസിഡന്റിന് പഞ്ചായത്ത് ഓഫീസില്‍ ദാരുണാന്ത്യം. ബൈക്കില്‍ മുഖം മറച്ചെത്തിയ ആക്രമിസംഘത്തിന്റെ ആക്രമണത്തില്‍ കേരള അതിര്‍ത്തിയിലെ മഞ്ചേശ്വരം, ബായാറിനടുത്തെ കറുവപ്പാടി ഗ്രാമഞ്ചായത്ത് വൈസ് പ്രസിഡണ്ട് അബ്ദുല്‍ ജലീല്‍ കറുവപ്പാടി (33)യ്ക്കാണ് ജീവന്‍ നഷ്ടമായത്. ഇന്ന് രാവിലെ 11.30നായിരുന്നു സംഭവം.
രണ്ട് ബൈക്കുകളിലായെത്തിയ മുഖം മൂടി ധരിച്ച നാലംഗ സംഘം പഞ്ചായത്ത് ഓഫീസിലേക്ക് അതിക്രമിച്ച് കയറി ജലീലിനെ വെട്ടുകയായിരുന്നു. വെട്ടേറ്റ് ഓഫീസ് മുറിക്കുള്ളില്‍ വീണ ജലീലിനെ ഓഫീസിലെ മറ്റു ജീവനക്കാര്‍ ദേര്‍ലക്കട്ട ആശുപത്രിയിലെത്തിച്ചങ്കിലും രക്ഷിക്കാനായില്ല. കറുവപ്പാടിയിലെ മുതിര്‍ന്ന കോണ്‍ഗ്രസ് നേതാവായ ഉസ്മാന്‍ ഹാജിയുടെ മകനും കോണ്‍ഗ്രസുകാരനുമായ അബ്ദുല്‍ ജലീല്‍ മലയാളി കൂടിയാണ്. വിട്ടല്‍ പോലീസ് അന്വേഷണം ആരംഭിച്ചു.
