Set us Home Page

നയൻസ് വീണ്ടുമെത്തുന്പോൾ…

ത​മി​ഴ​ക​ത്തി​ന്‍റെ താ​ര​റാ​ണി​യെ​ങ്കി​ലും ന​യ​ൻ​താ​ര മ​ല​യാ​ളി​ക​ൾ​ക്കെ​ന്നും പ്രി​യ നാ​യി​ക​യാ​ണ്. മ​ന​സി​ന​ക്ക​രെ​യി​ലെ ഗൗ​രി, ബോ​ഡി​ഗാ​ർ​ഡി​ലെ അ​മ്മു, ഭാ​സ്ക​ർ ദി ​റാ​സ്ക​ലി​ലെ ഹി​മ, പു​തി​യ നി​യ​മ​ത്തി​ലെ വാ​സു​കി അ​യ്യ​ർ എ​ന്നീ ശ​ക്ത​മാ​യ സ്ത്രീ​ക​ഥാ​പാ​ത്ര​ങ്ങ​ളാ​യി മ​ല​യാ​ള​ത്തി​ന്‍റെ വെ​ള്ളി​ത്തി​ര​യി​ൽ ന​യ​ൻ​സി​നെ ന​മ്മ​ൾ ക​ണ്ട​താ​ണ്.

ഇ​പ്പോ​ൾ ഇ​ട​വേ​ള​യ്ക്കു ശേ​ഷം മ​ല​യാ​ള​ത്തി​ലേ​ക്ക് ന​യ​ൻ​താ​ര വീ​ണ്ടു​മെ​ത്തു​ക​യാ​ണ്. നി​വി​ൻ പോ​ളി​യു​ടെ നാ​യി​ക​യാ​യി ധ്യാ​ൻ ശ്രീ​നി​വാ​സ​ൻ ആ​ദ്യ​മാ​യി സം​വി​ധാ​നം ചെ​യ്യു​ന്ന ലൗ​വ് ആ​ക്ഷ​ൻ ഡ്രാ​മ എ​ന്ന ചി​ത്ര​ത്തി​ലൂ​ടെ…

മ​ല​യാ​ള​ത്തി​ൽ ന​യ​ൻ​താ​ര​യ്ക്കാ​യി ര​ണ്ടു ചി​ത്ര​ങ്ങ​ളാ​ണ് ഇ​പ്പോ​ൾ കാ​ത്തി​രി​ക്കു​ന്ന​ത്. ധ്യാ​ൻ സം​വി​ധാ​നം ചെ​യ്യു​ന്ന ലൗ​വ് ആ​ക്ഷ​ൻ ഡ്രാ​മ​യി​ൽ ഒ​ക്ടോ​ബ​റോ​ടെ ന​യ​ൻ എ​ത്തും. ഒ​രു കം​പ്ലീ​റ്റ് എ​ന്‍റ​ർ​ടെ​യ്ൻ​മെ​ന്‍റാ​യി ഒ​രു​ക്കു​ന്ന ഈ ​ചി​ത്ര​ത്തി​നു പി​ന്നാ​ലെ ന​യ​ൻ​താ​ര​യെ മു​ൻ​നി​ർ​ത്തി സ്ത്രീ ​കേ​ന്ദ്രീ​കൃ​ത​മാ​യ ക​ഥ പ​റ​യാ​നൊ​രു​ങ്ങു​ക​യാ​ണ് തി​ര​ക്ക​ഥാ​കൃ​ത്ത് ഉ​ണ്ണി ആ​റും സം​വി​ധാ​യ​ക​ൻ മ​ഹേ​ഷ് വെ​ട്ടി​യാ​റും. കോ​ട്ട​യം കു​ർ​ബാ​ന എ​ന്നു പേ​രി​ട്ടി​രി​ക്കു​ന്ന ചി​ത്രം കോ​ട്ട​യ​ത്തി​ന്‍റെ പ​ശ്ചാ​ത്ത​ല​ത്തി​ൽ ക​രു​ത്തു​റ്റൊ​രു സ്ത്രീ ​ക​ഥാ​പാ​ത്ര​ത്തേ​യാ​ണ് അ​വ​ത​രി​പ്പി​ക്കു​ന്ന​ത്.

സൗ​ത്ത് ഇ​ന്ത്യ​ൻ സി​നി​മ​യി​ലെ ലേ​ഡി സൂ​പ്പ​ർ​സ്റ്റാ​ർ എ​ന്ന പ​ട്ട​മാ​ണ് സി​നി​മാ ലോ​കം ന​യ​ൻ​സി​നു ന​ൽ​കി​യി​രി​ക്കു​ന്ന​ത്. ഒ​രു കാ​ല​ത്തു ഗ്ലാ​മ​​റിസത്തിൽ മാ​ത്രം ക​റ​ങ്ങി​ത്തി​രി​ഞ്ഞ ന​യ​ൻ​താ​ര എ​ന്ന ന​ടിക്ക് ഇ​ന്നു ത​മി​ഴി​ലേ​യും തെ​ലു​ങ്കി​ലേ​യും മി​ക​ച്ച സ്ത്രീ​ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ക്കാ​നാ​യി സം​വി​ധാ​യ​ക​ർ പ്ര​ഥ​മ പ​രി​ഗ​ണ​ന​യാ​ണു നൽകുന്നത്.

മാ​യ, ഡോ​റ, അ​രം തു​ട​ങ്ങി​യ സ​മീ​പ​കാ​ല വി​ജ​യ​ങ്ങ​ളൊ​ക്കെ ന​യ​ൻ​താ​ര എ​ന്ന അ​ഭി​നേ​ത്രി​യു​ടെ മി​ക​വു​കൊ​ണ്ടു ശ്ര​ദ്ധേ​യ​മാ​യ ചി​ത്ര​ങ്ങ​ളാ​ണ്. പാ​ട്ടും ഡാ​ൻ​സും മേ​നി പ്ര​ദ​ർ​ശ​ന​വു​മാ​യി നാ​യ​ക​ന്‍റെ നി​ഴ​ലാ​യി നി​ന്നി​ട​ത്തു നി​ന്നും ഇ​ന്നു ക​രു​ത്തും കാ​ന്പു​മു​ള്ള ക​ഥാ​പാ​ത്ര​ങ്ങ​ളെ പ​കന്നാ​ടു​ക​യാ​ണ് ഈ ​നാ​യി​ക. പ്ര​തി​ഫ​ല​ത്തി​ന്‍റെ കാ​ര്യ​ത്തി​ൽ പോ​ലും നാ​യ​കന്മാ​ർ​ക്കൊ​പ്പ​മു​ള്ള സ്ഥാ​ന​മാ​ണ് ഈ ​നാ​യി​ക നേ​ടി​യെ​ടു​ത്തി​രി​ക്കു​ന്ന​ത്.

കു​ടും​ബ ചി​ത്ര​മാ​യാ​ലും പ്ര​ണ​യ​മാ​യാ​ലും ആ​ക്ഷ​ൻ ത്രി​ല്ല​റാ​യാ​ലും ഹൊ​റ​ർ ക​ഥ​യാ​യാ​ലും ന​യ​ൻ​താ​ര​യി​ലേ​ക്കെ​ത്തു​ന്പോ​ൾ അ​തു സു​ര​ക്ഷി​ത​മാ​കു​ന്ന കാ​ഴ്ച​യാ​ണ് ഇ​പ്പോ​ൾ. സൂ​പ്പ​ർ​താ​ര​ങ്ങ​ൾ​ക്കൊ​പ്പ​വും സ്ത്രീ​പ​ക്ഷ സി​നി​മ ആ​യാ​ലും ന​യ​ൻ​സി​ന്‍റെ സാ​ന്നി​ധ്യം ചി​ത്ര​ത്തി​നു വി​ജ​യ ഘ​ട​ക​മാ​യി മാ​റു​ന്നു.

ഇ​നി ഒ​രു​പി​ടി ത്രി​ല്ല​ർ ക​ഥ​ക​ളു​മാ​യാ​ണു ന​യ​ൻ​സ് എ​ത്തു​ന്ന​ത്. സി.​ബി.​ഐ ഓ​ഫീ​സ​ർ അ​ഞ്ജ​ലി വി​ക്ര​മാ​ദി​ത്യ​നാ​യി എ​ത്തു​ന്ന ഇ​മൈ​ക്ക നൊ​ടി​ക​ൾ, കോ​കി​ല​യാ​യി എ​ത്തു​ന്ന കൊ​ല​മാ​വ് കോ​കി​ല എ​ന്നീ ചി​ത്ര​ങ്ങ​ളി​ൽ പ​ക്കാ ത്രി​ല്ല​ർ സ്വ​ഭാ​വ​ത്തി​ലാ​ണ് ന​യ​ൻ​സ് പ്രാ​ധാ​ന ക​ഥാ​പാ​ത്ര​മാ​യി എ​ത്തു​ന്ന​ത്. ശി​വ ഒ​രു​ക്കു​ന്ന അ​ജി​ത്ത് ചി​ത്രം വി​ശ്വാ​സ​വും ഹെ​വി ആ​ക്ഷ​ൻ മൂ​ഡി​ലു​ള്ള ചി​ത്ര​മാ​ണ്.

മി​സ്ട്രി ത്രി​ല്ല​റാ​യി ഒ​രു​ങ്ങു​ന്ന കൊ​ല​യു​തി​ർ കാ​ല​മാ​ണ് ന​യ​ൻ​സി​ന്‍റെ മേ​ൽ​വി​ലാ​സ​ത്തി​ലെ​ത്തു​ന്ന മ​റ്റൊ​രു ചി​ത്രം. ഇ​തി​നു പു​റ​മെ സ​ർ​ജു​ൻ കെ.​എം സം​വി​ധാ​നം ചെ​യ്യു​ന്ന ഹൊ​റ​ർ ചി​ത്ര​വും തെ​ലു​ങ്ക് ബ്ര​ഹ്മാ​ണ്ഡ ചി​ത്രം സെ​യ് റാ ​ന​ര​സിം​ഹ റെ​ഡ്ഡി​യും ന​യ​ൻ​സ് അ​ഭി​ന​യി​ക്കു​ന്ന മ​റ്റു പ്രോ​ജ​ക്ടു​ക​ളാ​ണ്. തെ​ലു​ങ്കു ചി​ത്രം സെ​യ് റാ​മി​ൽ അ​മി​താ​ഭ് ബ​ച്ച​ൻ, ചി​ര​ഞ്ജി​വി, വി​ജ​യ് സേ​തു​പ​തി തു​ട​ങ്ങി​യ വ​ലി​യ താ​ര​നി​ര​ക്കൊ​പ്പ​മാ​ണ് ന​യ​ൻ​താ​ര നാ​യി​ക​യാ​കു​ന്ന​ത്.

ഒ​രു സി​നി​മാ​ക്ക​ഥ​പോ​ലെ ത​ന്നെ​യാ​ണ് ന​യ​ൻ​സി​ന്‍റെ സി​നി​മാ ജീ​വി​ത​വും. വി​വാ​ദ​ങ്ങ​ളും വാ​ർ​ത്ത​ക​ളും എ​ന്നു അ​വ​ർ​ക്കൊ​പ്പ​മു​ണ്ടാ​യി​രു​ന്നു. എ​ന്നാ​ൽ പ​രീ​ക്ഷ​ണ​ങ്ങ​ളെ​യെ​ല്ലാം അ​തി​ജീ​വി​ച്ച് മു​ന്നേ​റി ഇ​ന്നു നാ​യി​കാ കേ​ന്ദ്രീ​കൃ​ത​മാ​യ ചി​ത്ര​ത്തി​നു ത​മി​ഴി​ൽ വ​ലി​യ വി​ജ​യം നേ​ടാ​നാ​കു​മെ​ന്നു കാ​ട്ടി​ത്ത​രു​ക​യാ​ണ് ന​യ​ൻ​താ​ര.

അ​തു​കൊ​ണ്ടു​ത​ന്നെ ത​മി​ഴ​ക​ത്തി​ന്‍റെ ത​ലൈ​വി പ​ട്ട​മാ​ണ് ആ​രാ​ധ​ക​ർ ന​യ​ൻ​താ​ര​യ​്ക്കു ന​ൽ​കി​യി​രി​ക്കു​ന്ന​ത്. കു​റ​ച്ചു നാ​ളു​ക​ൾ​ക്കു മു​ന്പ് അ​രം എ​ന്ന ചി​ത്ര​ത്തി​ന്‍റെ പ്ര​ച​ാര​ണാ​ർ​ത്ഥം ചെ​ന്നൈ​യി​ലെ​ത്തി​യ ന​യ​ൻ​താ​ര​യ്ക്ക് “എ​ങ്ക​ൾ ത​ലൈ​വി ന​യ​ൻ​താ​ര’ എ​ന്ന ജ​ന​ക്കൂ​ട്ട​ത്തി​ന്‍റെ ആ​ർ​പ്പു​വി​ളി​ക​ളോ​ടെ​യാ​യി​രു​ന്നു സ്വീ​ക​ര​ണം.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS