കൊലകൊല്ലി പാറമകൾ വേണ്ടേവേണ്ട..! വീ​ടു​ക​ൾ​ക്ക് സ​മീ​പം തു​ട​ങ്ങു​ന്ന ക്ര​ഷ​ർ യൂ​ണി​റ്റി​നെ​തി​രെ മ​ല​യോ​ര​വാ​സി​ക​ൾ പ്ര​ക്ഷോ​ഭ​ത്തി​ലേ​ക്ക്

വ​ട​ക്ക​ഞ്ചേ​രി: മം​ഗ​ലം​ഡാം വി.​ആ​ർ.​ടി.​യി​ൽ വീ​ടു​ക​ൾ​ക്ക് സ​മീ​പം ആ​രം​ഭി​ക്കു​ന്ന ക്ര​ഷ​ർ യൂ​ണി​റ്റി​നെ​തി​രെ മ​ല​യോ​ര​വാ​സി​ക​ൾ പ്ര​ക്ഷോ​ഭ​ത്തി​നൊ​രു​ങ്ങു​ന്നു. ഇ​തി​നാ​യി അ​ടു​ത്ത ദി​വ​സം യോ​ഗം ചേ​ർ​ന്ന് പ്ര​ക്ഷോ​ഭ പ​രി​പാ​ടി​ക​ൾ​ക്ക് അ​ന്തി​മ രൂ​പം ന​ൽ​കും.​കാ​ർ​ഷി​ക മേ​ഖ​ല​യേ​യും പ്ര​ദേ​ശ​വാ​സി​ക​ളു​ടെ സ്വൈ​ര്യ ജീ​വി​ത​വും ഇ​ല്ലാ​താ​ക്കു​ന്ന ക്ര​ഷ​ർ യൂ​ണി​റ്റി​നെ​തി​രെ ജീ​വ​ൽ​മ​ര​ണ പോ​രാ​ട്ടം ത​ന്നെ ന​ട​ത്തു​മെ​ന്ന് ക​ർ​ഷ​ക​ർ പ​റ​ഞ്ഞു.

​ജ​ന​ങ്ങ​ളെ കു​രു​തി കൊ​ടു​ക്കു​ന്ന ക്ര​ഷ​ർ യൂ​ണി​റ്റി​ന് ബ​ന്ധ​പ്പെ​ട്ട വ​കു​പ്പു​ക​ൾ അ​നു​മ​തി ന​ൽ​കു​ക വ​ഴി വ​ലി​യ അ​ഴി​മ​തി​യും അ​നു​മ​തി​ക​ൾ​ക്ക് പി​ന്നി​ലു​ണ്ടെ​ന്നും നാ​ട്ടു​കാ​ർ ആ​രോ​പി​ച്ചു. വ​ള​രെ ഇ​ടു​ങ്ങി​യ റോ​ഡാ​ണ് വി.​ആ​ർ.​ടി.​യി​ലേ​ക്ക് നി​ല​വി​ലു​ള്ള​ത്. ക്ര​ഷ​റി​ൽ​നി​ന്നു​ള്ള ടി​പ്പ​റു​ക​ളും ടോ​റ​സു​ക​ളും പാ​യു​ന്ന​തോ​ടെ റോ​ഡ് ത​ക​രു​ന്ന​തി​നൊ​പ്പം വ​ഴി ന​ട​ക്കാ​നാ​വാ​ത്ത സ്ഥി​തി​യാ​കും.

ക്ര​ഷ​ർ യൂ​ണി​റ്റി​ൽ നി​ന്നു​ള്ള പൊ​ടി നി​റ​ഞ്ഞ് ഹ​രി​താ​ഭ​മാ​യ കാ​ർ​ഷി​ക പ്ര​ദേ​ശ​ങ്ങ​ളും ന​ശി​ക്കും.85 ഏ​ക്ക​റി​ൽ അ​യ​ൽ ജി​ല്ല​ക്കാ​ര​നാ​ണ് ക്ര​ഷ​ർ യൂ​ണി​റ്റ് തു​ട​ങ്ങു​ന്ന​ത്.​ഇ​തി​ന്‍റെ ഒ​രു ഭാ​ഗം വ​ന​പ്ര​ദ്ദേ​ശ​മാ​ണെ​ന്നി​രി​ക്കെ, ക്ര​ഷ​ർ വ​രു​ന്ന​ത് ത​ട​യാ​ൻ വ​നം വ​കു​പ്പും ന​ട​പ​ടി സ്വീ​ക​രി​ച്ചി​ല്ലെ​ന്നും പ​രാ​തി​യു​ണ്ടു്.

കി​ഴ​ക്ക​ഞ്ചേ​രി ര​ണ്ടു് വി​ല്ലേ​ജി​ൽ വ​രു​ന്ന പ്ര​ദേ​ശ​മാ​ണി​ത്. ഇ​വി​ടേ​ക്ക് ലൈ​ൻ വ​ലി​ച്ച് വൈ​ദ്യു​തി എ​ത്തി​ച്ചു ക​ഴി​ഞ്ഞു.​മ​റ്റു പ്ര​വ​ർ​ത്ത​ന​ങ്ങ​ളും ദ്രു​ത​ഗ​തി​യി​ലാ​ണ് ന​ട​ക്കു​ന്ന​ത്.