ക​ള്ള​നോ​ട്ടു​ക​ൾ ചെ​ല​വാ​ക്കാ​ൻ അ​ന്യ​സം​സ്ഥാ​ന​ങ്ങ​ളി​ൽ ഏ​ജ​ന്‍റു​മാ​ർ? രാ​ജീ​വ് ഇ​ട​യ്ക്കി​ടെ പോ​യി​രു​ന്നത് ബംഗളുരുവിലേക്ക്; ബിജെപി നേതാക്കളുടെ സാമ്പത്തിക സ്രോതസ്‌ അന്വേഷിക്കണമെന്ന് രാഷ്ട്രീയ പാർട്ടികൾ

കൈ​പ്പ​മം​ഗ​ലം: ക​ള്ള​നോ​ട്ട് കേ​സി​ൽ ഒ​ളി​വി​ൽ ക​ഴി​യു​ന്ന ബി​ജെ​പി നേ​താ​വ് രാ​ജീ​വ് ഇ​ട​യ്ക്കി​ടെ ബംഗളുരുവിലേ​ക്ക് പോ​യി​രു​ന്ന​ത് സം​ശ​യ​മു​ണ​ർ​ത്തു​ന്ന​താ​യി പോ​ലീ​സ് പ​റ​ഞ്ഞു. വീ​ട്ടി​ല​ടി​ച്ചി​രു​ന്ന ക​ള്ള​നോ​ട്ടു​ക​ൾ അ​ന്യ​സം​സ്ഥാ​ന​ങ്ങ​ളി​ലാ​ണ് ചെ​ല​വ​ഴി​ച്ചി​രു​ന്ന​തെ​ന്നാ​ണ് സൂ​ച​ന. നാ​ട്ടി​ൽ ത​ന്നെ ചെ​ല​വ​ഴി​ച്ചാ​ൽ പി​ടി​ക്ക​പ്പെ​ടു​മെ​ന്നു​ള്ള​തി​നാ​ൽ വ​ൻ തു​ക​ക​ൾ അ​ന്യ​സം​സ്ഥാ​ന​ങ്ങ​ളി​ൽ ചെ​ല​വ​ഴി​ച്ചി​ട്ടു​ണ്ടാ​കു​മെ​ന്നാ​ണ് സം​ശ​യി​ക്കു​ന്ന​ത്. ഇ​തി​നാ​യി ബംഗളുരു അ​ട​ക്ക​മു​ള്ള സ്ഥ​ല​ങ്ങ​ളി​ൽ ഏ​ജ​ന്‍റു​മാ​രു​ണ്ടോ​യെ​ന്നും പോ​ലീ​സ് ര​ഹ​സ്യ​മാ​യി അ​ന്വേ​ഷ​ണം ആ​രം​ഭി​ച്ചു.

രാ​ജീ​വ് ഇ​ട​യ്ക്കി​ടെ ബാം​ഗ​ളൂ​രി​ലേ​ക്കെ​ന്നു പ​റ​ഞ്ഞ് പോ​കാ​റു​ണ്ടെ​ന്ന് നാ​ട്ടു​കാ​രി​ൽ നി​ന്നാ​ണ് പോ​ലീ​സി​ന് വി​വ​രം ല​ഭി​ച്ച​ത്. കൂ​ടാ​തെ അ​റ​സ്റ്റി​ലാ​യ യു​വ​മോ​ർ​ച്ച പ്ര​വ​ർ​ത്ത​ക​ൻ എ​രാ​ശേ​രി രാ​ഗേ​ഷി​ന് ഡ​ൽ​ഹി, മും​ബൈ എ​ന്നി​വി​ട​ങ്ങ​ളി​ലും പ​രി​ച​യ​മു​ണ്ട്. ഇ​യാ​ൾ ഗ​ൾ​ഫി​ൽ നി​ന്ന് മ​ട​ങ്ങി​യ ശേ​ഷം ഡ​ൽ​ഹി, മും​ബൈ എ​ന്നി​വി​ട​ങ്ങ​ളി​ലാ​ണ് താ​മ​സി​ച്ചി​രു​ന്ന​ത്. ഈ ​ബ​ന്ധ​ങ്ങ​ളൊ​ക്കെ ഉ​പ​യോ​ഗി​ച്ച് അ​ന്യ​സം​സ്ഥാ​ന​ങ്ങ​ളി​ൽ  ക​ള്ള​നോ​ട്ടു​ക​ൾ ചെ​ല​വ​ഴി​ച്ചി​ട്ടു​ണ്ടോ​യെ​ന്നും പോ​ലീ​സ് അ​ന്വേ​ഷി​ക്കു​ന്നു​ണ്ട്.

രാ​ഗേ​ഷി​ന്‍റെ പ്ര​വ​ർ​ത്ത​ന​ങ്ങ​ൾ​ക്ക് പി​ന്തു​ണ ന​ൽ​കി​യി​രു​ന്ന​ത് രാ​ജീ​വാ​ണെ​ന്ന് പ​റ​യു​ന്നു. രാ​ഗേ​ഷി​ന്‍റെ ചി​ല സു​ഹൃ​ത്തു​ക്ക​ൾ​ക്കും ക​ള്ള​നോ​ട്ട​ടി സം​ബ​ന്ധി​ച്ച വി​വ​ര​മു​ണ്ടാ​യി​രു​ന്നു​വെ​ന്നാ​ണ് സൂ​ച​ന. നാ​ട്ടി​ൽ പെ​ട്രോ​ൾ പ​ന്പി​ൽ ര​ണ്ടാ​യി​രം രൂ​പ​യു​ടെ ക​ള്ള​നോ​ട്ട് കൊ​ടു​ത്ത​പ്പോ​ൾ പി​ടി​ച്ച​തോ​ടെ പി​ന്നെ ഈ ​ഭാ​ഗ​ങ്ങ​ളി​ൽ ഇ​തു​പ​യോ​ഗി​ക്കാ​തെ അ​ന്യ​സം​സ്ഥാ​ന​ങ്ങ​ളി​ൽ ഏ​ജ​ന്‍റു​മാ​രെ ക​ണ്ടെ​ത്തി അ​വ​ർ വ​ഴി​യാ​ണ് ക​ള്ള​നോ​ട്ടു​ക​ൾ ചെ​ല​വാ​ക്കി​യ​തെ​ന്നും സൂ​ച​ന​യു​ണ്ട്.

ഓ​പ്പ​റേ​ഷ​ൻ കു​ബേ​ര​യു​ടെ ഭാ​ഗ​മാ​യി മ​തി​ല​കം പോ​ലീ​സ് ന​ട​ത്തി​യ പ​രി​ശോ​ധ​ന​യി​ലാ​ണ് ക​ള്ള​നോ​ട്ട​ടി​ക്കു​ന്ന സാ​മ​ഗ്രി​ക​ളും 1.37 ല​ക്ഷം രൂ​പ​യു​ടെ ക​ള്ള​നോ​ട്ടു​ക​ളും പി​ടി​ച്ചെ​ടു​ത്ത​ത്. കൊ​ടു​ങ്ങ​ല്ലൂ​ർ സി​ഐ പി.​സി.​ബി​ജു​കു​മാ​റാ​ണ് അ​ന്വേ​ഷ​ണ​ത്തി​ന് നേ​തൃ​ത്വം ന​ൽ​കു​ന്ന​ത്. റി​മാ​ൻ​ഡി​ലാ​യ രാ​ഗേ​ഷി​നെ ക​സ്റ്റ​ഡി​യി​ൽ വി​ട്ടു കി​ട്ടാ​ൻ പോ​ലീ​സ് ഇ​ന്ന് കോ​ട​തി​യി​ൽ അ​പേ​ക്ഷ ന​ൽ​കി​യി​ട്ടു​ണ്ട്.

ഇ​തി​നി​ടെ കൈ​പ്പ​മം​ഗ​ലം, കൊ​ടു​ങ്ങ​ല്ലൂ​ർ മേ​ഖ​ല​യി​ലെ ബി​ജെ​പി നേ​താ​ക്ക​ളു​ടെ സാ​ന്പ​ത്തി​ക സ്രോ​ത​സും അ​ന്വേ​ഷി​ക്ക​ണ​മെ​ന്നാ​വ​ശ്യ​പ്പെ​ട്ട് കോ​ണ്‍​ഗ്ര​സ്, സി​പി​എം, സി​പി​ഐ പാ​ർ​ട്ടി നേ​താ​ക്ക​ൾ രം​ഗ​ത്തെ​ത്തി. സാ​ന്പ​ത്തി​ക സ്രോ​ത​സ് അ​ന്വേ​ഷി​ക്ക​ണ​മെ​ന്നാ​വ​ശ്യ​പ്പെ​ട്ട് എ​ഐ​വൈ​എ​ഫ് ഇ​ന്നു വൈ​കീ​ട്ട് പ്ര​തി​ഷേ​ധ പ്ര​ക​ട​ന​വും ന​ട​ത്തു​ന്നു​ണ്ട്.

കള്ള​നോ​ട്ടു​കളും അനുബന്ധ സാ​മ​ഗ്രി​ക​ളും പി​ടി​ച്ചെ​ടു​ത്ത​തു നി​സാ​ര​വ​ൽ​ക്ക​രി​ക്കാ​ൻ ബി​ജെ​പി നേ​താ​ക്ക​ൾ ശ്ര​മം ന​ട​ത്തു​ക​യാ​ണെ​ന്നും ആ​രോ​പ​ണം ഉ​യ​രു​ന്നു​ണ്ട്. പെ​ട്രോ​ൾ പ​ന്പി​ൽ കൊ​ടു​ത്ത പ​ണം ക​ള്ള​നോ​ട്ടാ​ണെ​ന്നു പ​റ​ഞ്ഞ​പ്പോ​ൾ തി​രി​ച്ചു വാ​ങ്ങി പോ​ന്ന​തു മാ​ത്ര​മാ​ണ് രാ​ഗേ​ഷും കൂ​ട്ട​രും ചെ​യ്ത​തെ​ന്നാ​ണ് ബി​ജെ​പി സം​സ്ഥാ​ന നേ​താ​ക്ക​ൾ ത​ന്നെ പ്ര​തി​ക​രി​ച്ച​ത്. ഇത്  സം​സ്ഥാ​ന നേ​താ​ക്ക​ളു​മാ​യി രാ​ഗേ​ഷി​നും രാ​ജീ​വി​നും വ​ൻ സ്വാ​ധീ​ന​മു​ണ്ടാ​യി​രു​ന്നു​വെ​ന്ന​തി​ന് തെ​ളി​വാ​ണെ​ന്നും മ​റ്റു രാ​ഷ്ട്രീ​യ പാ​ർ​ട്ടി​ക​ളു​ടെ ആ​രോ​പ​ണം.