Set us Home Page

റാഗിയുണ്ട കൊടുത്തപ്പോള്‍ വേറൊന്നുമില്ലേയെന്ന് ശശികല, പട്ടിണി കിടക്കുന്നതില്‍ നിന്ന് തടഞ്ഞത് ഇളവരശി, പാരപ്പന ജയിലില്‍ ശശികലയ്ക്ക് ഉറക്കമില്ലാ രാത്രി

sasikalaഅനധികൃത സ്വത്തു സമ്പാദനക്കേസില്‍ ബംഗളൂരു പാരപ്പന അഗ്രഹാര ജയിലില്‍ തടവിലുള്ള എഐഡിഎംകെ നേതാവ് ശശികല നടരാജന് ഉറക്കമില്ല രാത്രികള്‍. സാധാരണ തടവുകാര്‍ക്കുള്ള സൗകര്യങ്ങള്‍ മാത്രമാണ് ശശികലയ്ക്കു നല്കുന്നത്. രാത്രിഭക്ഷണത്തിനു റാഗിയുണ്ട കഴിക്കാന്‍ വിസമ്മതിച്ചപ്പോള്‍ സഹോദരഭാര്യ ഇളവരശി ഇടപെടുകയും പ്രമേഹത്തെ തുടര്‍ന്നുള്ള മോശം ആരോഗ്യസ്ഥിതി മറക്കരുതെന്നു പറഞ്ഞ് അനുനയിപ്പിക്കുകയുമായിരുന്നു. ജയിലിലെ സൗകര്യങ്ങളെക്കുറിച്ച് പരാതി പുറത്തു പറഞ്ഞില്ലെങ്കിലും അവര്‍ സന്തുഷ്ടയല്ലെന്നാണ് പാര്‍ട്ടിയുടെ മുതിര്‍ന്ന നേതാക്കള്‍ പറയുന്നത്. രാവിലെ പ്രഭാതസവാരിക്കൊപ്പം യോഗ ചെയ്യാനും അധികൃതര്‍ അനുവദിച്ചു.

രാവിലെ ശശികലയ്ക്കും ഇളവരശിക്കും കഴിക്കാന്‍ നല്കുന്നത് കന്നഡ ഭക്ഷണമായ പുളിയും നിലക്കടലയും ചേര്‍ത്ത ചോറാണ്. കര്‍ണാടകക്കാരുടെ ഇഷ്ടഭക്ഷണമാണിത്. കാര്യമായി ഭക്ഷണം കഴിക്കാന്‍ ശശികല തയാറായതുമില്ല. അതേസമയം, ശശികലയ്ക്കു പ്രത്യേക സൗകര്യങ്ങളൊന്നും നല്‍കിയിട്ടില്ലെന്നു ജയില്‍ ഡിജിപി എച്ച്.എന്‍. സത്യനാരായണ അറിയിച്ചു. എന്നാല്‍ കട്ടില്‍ ഉള്‍പ്പെടെയുള്ള സൗകര്യങ്ങള്‍ ഒരുക്കിയിട്ടുണ്ടെന്നാണ് സൂചന.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/
നിങ്ങളുടെ അഭിപ്രായങ്ങൾ മലയാളത്തിൽ രേഖപ്പെടുത്താൻ മംഗ്ലീഷിൽ ടൈപ് ചെയ്തു താഴെക്കാണുന്ന കമെന്റ് ബോക്സിൽ പേസ്റ്റ് ചെയ്യുക

LATEST NEWS