ഹൈദരാബാദ്: റിയോ ഒളിന്പിക്സിലെ ഇന്ത്യയുടെ അഭിമാന താരം പി.വി സിന്ധു ബാഡ്മിന്‍റൺ കോർട്ടിൽനിന്ന് ഇനി നേരെ സബ് കളക്ടറുടെ ഓഫീസിലേക്കായിരിക്കും പോവുക. ആന്ധ്രാപ്രദേശ് സർക്കാർ വാഗ്ദാനം ചെയ്ത ജോലി സിന്ധു സ്വീകരിച്ചു. ഡപ്യൂട്ടി കളക്ടർ തസ്തികയിലുള്ള ജോലിയാണ് സിന്ധുവിന് നൽകുന്നത്. ഇക്കാര്യം സിന്ധുവിന്‍റെ അമ്മ സ്ഥിരീകരിച്ചു.
ഒളിമ്പിക്‌സില്‍ വെള്ളി മെഡൽ നേടുന്ന ആദ്യ ഇന്ത്യൻ അത് ലറ്റാണ് സിന്ധു. നിലവിൽ ബിപിസിഎലിലാണ് സിന്ധു ജോലി ചെയ്യുന്നത്. ഹൈദരാബാദ് ഓഫീസിൽ അസിസ്റ്റന്‍റ് മാനേജരാണ് സിന്ധു.
