Set us Home Page

കരുതലോടെ, ചില ‘മധുര’ വർത്തമാനങ്ങൾ

ആ​രോ​ഗ്യ​ജീ​വി​ത​ത്തി​നു വെ​ല്ലു​വി​ളി​യു​യ​ർ​ത്തു​ന്ന വി​ല്ലന്‍റെ റോ​ളാ​ണ് പലപ്പോഴും മ​ധു​ര​ത്തി​നു​ള്ള​ത്. സൂ​ക്രോ​സാ​ണ് (പ​ഞ്ച​സാ​ര)​ശു​ദ്ധ​മാ​യ മ​ധു​രം. ക​രി​ന്പി​ൽ നി​ന്നാ​ണ് അ​തു​ണ്ടാ​ക്കു​ന്ന​ത്. അ​തേ​സ​മ​യം ക്യൂ​ബ​യി​ൽ മ​ധു​ര​ക്കി​ഴ​ങ്ങി​ൽ നി​ന്നും റ​ഷ്യ​യി​ൽ ബീ​റ്റ്റൂട്ടിൽ നി​ന്നു​മാ​ണ് പ​ഞ്ച​സാ​ര ഉ​ണ്ടാ​ക്കു​ന്ന​ത്. ശ​ർ​ക്ക​ര, ക​രു​പ്പട്ടി എ​ന്നി​വി​ൽ നി​ന്നു കിട്ടുന്ന​തും സൂ​ക്രോ​സ് ത​ന്നെ.

പ്രാ​യ​മേ​റി​യ​വ​ർ മ​ധു​രം കു​റ​യ്ക്കണം

മുതിർന്നവർക്കു ദി​വ​സം 20-30 ഗ്രാം ​പ​ഞ്ച​സാ​ര ഉ​പ​യോ​ഗി​ക്കാം. കുട്ടിക​ൾ​ക്ക് 40-50 ഗ്രാം ​വ​രെ ഉ​പ​യോ​ഗി​ക്കാം. മുതിർന്നവ​ർ ക​ഴി​വ​തും പ​ഞ്ച​സാ​ര കു​റ​യ്ക്ക​ണം. അവർക്ക് ഏറെ മ​ധു​രം ആ​വ​ശ്യ​മി​ല്ല.

പ​ഞ്ച​സാ​ര ശീ​ല​പ്പി​ക്കേണ്ട

ഒ​രു വ​യ​സു​ള്ള കു​ഞ്ഞു​ങ്ങ​ൾ​ക്കും മ​റ്റും പ​ഞ്ച​സാ​ര കൊ​ടു​ത്തു ശീ​ലി​പ്പി​ക്കാ​തി​രി​ക്കു​ന്ന​താ​ണു ന​ല്ല​ത്. പാ​ലി​ൽ പ​ഞ്ച​സാ​ര ഇ​ടാ​തെ കൊ​ടു​ത്തു ശീ​ലി​പ്പി​ക്ക​ണം. മൂ​ന്നു നാ​ലു വ​യ​സാ​കു​ന്പോ​ഴേ​ക്കും പാ​ലി​ൽ നി​ന്നു കിട്ടുന്ന​തി​ലു​മ​ധി​കം മ​ധു​രം മ​ധു​ര​പ​ല​ഹാ​ര​ങ്ങ​ളി​ലൂ​ടെ​യാ​ണു കിട്ടുന്നത്. മ​ധു​ര​പ​ല​ഹാ​ര​ങ്ങ​ളാ​ണ​ല്ലോ ആ ​പ്രാ​യ​ത്തി​ൽ കുട്ടിക​ൾ ഇ​ഷ്ട​പ്പെ​ടു​ന്ന​ത്. എ​ന്നാ​ലും 20 – 25 ഗ്രാം ​പ​ഞ്ച​സാ​ര വ​രെ ഈ ​പ്രാ​യ​ത്തി​ൽ അ​വ​ർ​ക്കു കൊ​ടു​ക്കാം.

പ​ഞ്ച​സാ​ര സൈ​ഡ് ഡി​ഷ് അ​ല്ല

കൊ​ച്ചു​കുട്ടിക​ൾ മ​ധു​ര​പ്രി​യ​രാ​ണ്. ചി​ല കുട്ടി​ക​ൾ പ​ഞ്ച​സാ​ര വെ​റു​തേ വാ​രി​ക്ക​ഴി​ക്കും. എ​ല്ലാ വി​ഭ​വ​ങ്ങ​ളി​ലും പ​ഞ്ച​സാ​ര ചേ​ർ​ത്തു ക​ഴി​ക്കാ​ൻ കു​ഞ്ഞു​പ്രാ​യ​ത്തി​ൽ​ത്ത​ന്നെ ര​ക്ഷി​താ​ക്ക​ൾ ശീ​ലി​പ്പി​ക്കാ​റു​ണ്ട്. അത് ആരോഗ്യകരമല്ല. അത്തരം ശീലങ്ങൾ ഒഴിവാക്കണം. ഉ​പ്പു​മാ​വി​നും പുട്ടി​നു​മൊ​പ്പം പ​ഞ്ച​സാ​ര ചേ​ർ​ത്തു കൊ​ടു​ക്കു​ന്ന​തി​നു പ​ക​രം ക​ട​ല​ക്ക​റി​യോ പ​യ​ർ പു​ഴു​ങ്ങി​യ​തോ കൊ​ടു​ക്കാം. പ​ഞ്ച​സാ​ര​യു​ടെ അ​ള​വു കു​റ​യ്ക്കാം, പ്ര​ഭാ​ത​ഭ​ക്ഷ​ണം പോ​ഷ​ക​സ​മൃ​ദ്ധ​മാ​ക്കാം. ദോ​ശ​യ്ക്കൊ​പ്പം പ​ഞ്ച​സാ​രയ്ക്കു പ​ക​രം ച​ട്ണി​യോ ക​ട​ല​ക്ക​റി​യോ ന​ല്കാം. പ​ഞ്ച​സാ​ര ഒ​രു സൈ​ഡ് ഡി​ഷാ​യി ശീലിക്കരുത്.

സോ​ഫ്റ്റ് ഡ്രിം​ഗ്സി​നു മ​ധു​രം കൂ​ടും

ഗാ​ഢ​ത കൂ​ടി​യ പ​ഞ്ച​സാ​ര​യാ​ണ് സോ​ഫ്റ്റ് ഡ്രിം​ഗ്സി​ലൂ​ടെ കിട്ടുന്ന​ത്. ഒരാ​ൾ​ക്ക് ഒ​രു ദി​വ​സം ആ​വ​ശ്യ​മാ​യ​തിന്‍റെ മൂ​ന്നി​രി പ​ഞ്ച​സാ​ര സോ​ഫ്റ്റ് ഡ്രിം​ഗ്സി​ൽ നി​ന്നു ല​ഭി​ക്കും. അ​തി​നാ​ൽ അ​ത് ശീ​ല​മാ​ക്കേ​ണ്ട.

ക​ൽക്കണ്ടം പ​ഞ്ച​സാ​ര തന്നെ

ശ​ർ​ക്ക​ര​യി​ൽ നി​ന്ന് ഇ​രു​ന്പ്, കോ​പ്പ​ർ തു​ട​ങ്ങി​യ ധാ​തു​ക്ക​ൾ കൂ​ടി കിട്ടുന്ന​തി​നാ​ൽ പ​ഞ്ച​സാ​ര​യേ​ക്കാ​ൾ ഭേ​ദം. തേ​ൻ, ക​രു​പ്പട്ടി എ​ന്നി​വ​യും മ​ധു​ര​മാ​യി ഉപയോഗിക്കാം. ക​ല്ക്ക​ണ്ടം വാ​സ്ത​വ​ത്തി​ൽ പ​ഞ്ച​സാ​ര ത​ന്നെ​യാ​ണ്. റി​ഫൈ​ൻ ചെ​യ്യാ​ത്ത പ​ഞ്ച​സാ​ര.

പ​ഞ്ച​സാ​ര​ ഏ​റി​യാ​ൽ അ​മി​ത​ഭാ​രം

അ​മി​ത​ഭാ​ര​മാ​ണ് പ​ഞ്ച​സാ​ര കൂ​ടു​ത​ൽ ക​ഴി​ച്ചാ​ലു​ണ്ടാ​കു​ന്ന മു​ഖ്യ ആ​രോ​ഗ്യ​പ്ര​ശ്നം. തൂ​ക്കം പെ​ട്ടെന്നു കൂ​ടും. നാം ​ക​ഴി​ക്കു​ന്ന ആ​ഹാ​ര​ത്തി​ൽ നി​ന്നു ശ​രീ​രം വി​റ്റാ​മി​നു​ക​ളും ധാ​തു​ക്ക​ളും ആ​ഗി​ര​ണം ചെ​യ്യു​ന്ന​തിന്‍റെ നി​ര​ക്കും പ​ഞ്ച​സാ​ര​യു​ടെ തോ​തു​മാ​യി നേ​രിട്ടു ബ​ന്ധ​മി​ല്ല.

പനം കൽക്കണ്ടം പഞ്ചസാരയെക്കോൾ ഗുണപ്രദം

മ​ധു​ര​മാ​ണ് ഭ​ക്ഷ​ണം സ്വാ​ദു​ള്ള​താ​ക്കു​ന്ന​ത്. അ​തി​നാ​ൽ പൂ​ർ​ണ​മാ​യി നി​ഷേ​ധി​ക്കാ​നു​മാ​വി​ല്ല. മി​ത​മാ​യി ക​ഴി​ക്കാം. എ​ന്നാ​ൽ പ​ഞ്ച​സാ​ര​യ്ക്കു പ​ക​രം ശ​ർ​ക്ക​ര​യോ ക​രു​പ്പട്ടിയോ ക​ഴി​ക്കു​ന്ന​താ​ണ് ആ​രോ​ഗ്യ​ക​രം. തേ​നി​ന്‍റെ സ്ഥാ​നം ഇ​വ ക​ഴി​ഞ്ഞു​മാ​ത്രം. പ​നം​ക​ൽ​ക്ക​ണ്ടം പ​ഞ്ച​സാ​ര​യെ​ക്കാ​ൾ ഗു​ണ​പ്ര​ദം. അ​തി​ലു​ള്ള​തു സ്വാ​ഭാ​വി​ക പ​ഞ്ച​സാ​ര​യാ​ണ്.

മധുരവും ട്രൈ ഗ്ലിസ​റൈ​ഡും

മ​ധു​രം ഏ​തു രീ​തി​യി​ൽ ക​ഴി​ച്ചാ​ലും കു​ട​ലി​ൽ വച്ച് അ​ത് ആ​ഗി​ര​ണം ചെ​യ്യ​പ്പെട്ട ശേ​ഷം ര​ക്ത​ത്തി​ൽ ഗ്ലൂ​ക്കോ​സ് പ​ഞ്ച​സാ​ര​യാ​യി മാ​റും. ആ​ഹാ​ര​ത്തി​ൽ നി​ന്നു ല​ഭി​ക്കു​ന്ന കാ​ർ​ബോ​ഹൈ​ഡ്രേ​റ്റും ഗ്ലൂ​ക്കോ​സാ​യാ​ണു മാ​റു​ന്ന​ത്. ഫ​ല​ത്തി​ൽ ര​ക്ത​ത്തി​ൽ ഗ്ലൂ​ക്കോ​സിന്‍റെ അ​ള​വു കൂ​ടും. അ​മി​ത​മാ​യി മ​ധു​ര​ത്തിന്‍റെ കാ​ല​റി കൂ​ടി​യി​ൽ ശ​രീ​ര​ത്തി​ൽ അ​തു അ​സി​റ്റേ​റ്റിന്‍റെ തോ​തു കൂ​ടും. ത​ത്ഫ​ല​മാ​യി ട്രൈ​ഗ്ലി​സ​റൈ​ഡിന്‍റെ തോ​തും കൂ​ടും.

(കൊ​ള​സ്ട്രോ​ൾ പോ​ലെ​യു​ള്ള മ​റ്റൊ​രു ഘ​ട​ക​മാ​ണ് ട്രൈ​ഗ്ലി​സ​റൈ​ഡു​ക​ൾ. എ​ത്ര​ത്തോ​ളം മ​ധു​രം ക​ഴി​ക്കു​ന്നു​വോ ട്രൈ​ഗ്ലി​സ​റൈ​ഡു​ക​ൾ ഉ​ണ്ടാ​കാ​നു​ള്ള സാ​ധ്യ​ത അ​ത്ര​ത്തോ​ളം കൂ​ടും. ഉ​യ​ർ​ന്ന തോ​തി​ൽ ട്രൈ ​ഗ്ലി​സ​റൈ​ഡ് ഉ​ണ്ടാ​കു​ന്ന​തു ഹാ​ർട്ട് അ​റ്റാ​ക്കി​നു വരെ കാ​ര​ണ​മാ​വാം. കൊ​ള​സ്ട്രോ​ളിന്‍റെ അ​ത്ര​യു​മി​ല്ലെ​ങ്കി​ലും ഹൃ​ദ​യാ​ഘാ​ത സാ​ധ്യ​ത വ​ർ​ധി​പ്പി​ക്കു​ന്ന(​റി​സ്ക് ഫാ​ക്ട​ർ) ഘ​ട​ക​ങ്ങ​ളി​ലൊ​ന്നാ​ണ് ട്രൈ​ഗ്ലി​സ​റൈ​ഡ്.) ബേ​ക്ക​റി വി​ഭ​വ​ങ്ങ​ൾ, ഐ​സ്്ക്രീം, ചോ​ക്ലേ​റ്റ് എ​ന്നി​വ​യി​ലു​മു​ള്ള ബ​ട്ടറും പ​ഞ്ച​സാ​ര​യും ട്രൈ​ഗ്ലി​സ​റൈഡിന്‍റെ തോ​തു വർധിപ്പിക്കും. ഹൃ​ദ​യ​സം​ബ​ന്ധ​മാ​യ രോ​ഗ​ങ്ങ​ളു​ള്ള​വ​ർ പ്രത്യേകം ശ്രദ്ധിക്കുക..പ​ഞ്ച​സാ​ര കൂ​ടു​ത​ൽ ഉ​പ​യോ​ഗി​ച്ചാ​ൽ ശ​രീ​ര​ഭാ​രം കൂ​ടും. കൂ​ടാ​തെ അ​തു ട്രൈ ​ഗ്ലി​സ​റൈഡിന്‍റെ തോ​തു കൂട്ടും.

മധുരവും പ്രമേഹവും

ഇ​ൻ​സു​ലി​ൻ ഉ​ത്പാ​ദി​പ്പി​ച്ചാ​ണ് ശ​രീ​രം ര​ക്ത​ത്തി​ലെ പ​ഞ്ച​സാ​ര​യു​ടെ തോ​തു നി​യ​ന്ത്രി​ക്കു​ന്ന​ത്. ഇ​ൻ​സു​ലി​നു കു​റ​വു​ണ്ടാ​വു​ക​യോ പു​റ​പ്പെ​ടു​വി​ക്ക​പ്പെടുന്ന ഇ​ൻ​സു​ലിന്‍റെ ഗു​ണ​നി​ല​വാ​രം കു​റ​യു​ക​യോ ചെ​യ്താ​ൽ പ​ഞ്ച​സാ​ര ഫാ​റ്റാ​യി മാ​റാ​തെ മൂ​ത്ര​ത്തി​ലൂ​ടെ പു​റ​ന്ത​ള്ള​പ്പെ​ടും. അ​താ​ണ് പ്ര​മേ​ഹം.

പ്രമേഹബാധിതർ മധുരം കഴിച്ചാൽ

ആ​രോ​ഗ്യ​മു​ള്ള ഒ​രു വ്യ​ക്തി പ​ഞ്ച​സാ​ര അ​ധി​ക​മാ​യി ക​ഴി​ച്ചാ​ൽ അ​തു ശ​രീ​ര​ത്തി​ൽ കൊ​ഴു​പ്പാ​യി ശേ​ഖ​രി​ച്ചു വ​യ്ക്കും. എ​ന്നാ​ൽ പ്ര​മേ​ഹ​ബാ​ധി​ത​രി​ൽ അ​ധി​ക​മു​ള്ള പ​ഞ്ച​സാ​ര കൊ​ഴു​പ്പാ​കാ​തെ അ​തു മൂ​ത്ര​ത്തി​ലൂ​ടെ പു​റ​ത്തു​പോ​കും. അ​തു​കൊ​ണ്ടാ​ണു പ്ര​മേ​ഹ​ബാ​ധി​ത​ർ പ​ല​പ്പോ​ഴും മെ​ലി​യു​ന്ന​ത്. പ​ഞ്ച​സാ​ര​യും അ​വ​രു​ടെ ഫാ​റ്റ് മെ​റ്റ​ബോ​ളി​സ​വു​മാ​യി ബ​ന്ധ​മു​ണ്ട്.

പ​ഞ്ച​സാ​ര​യി​ലു​ള്ള​ത് എം​റ്റി ക​ലോ​റി

പ​ഞ്ച​സാ​ര​യു​ടെ അ​മി​തോ​പ​യോ​ഗ​മാ​ണ് അ​മി​ത​ഭാ​ര​ത്തിന്‍റെ പ്ര​ധാ​ന കാ​ര​ണം. എ​ന​ർ​ജി കിട്ടുമെ​ന്ന ന്യാ​യം പ​റ​ഞ്ഞ് പ​ഞ്ച​സാ​ര കൂ​ടു​ത​ലാ​യി ക​ഴി​ക്ക​രു​ത്. പ​ഞ്ച​സാ​ര​യി​ലു​ള്ള​ത് എം​റ്റി(​ശൂ​ന്യം) ക​ലോ​റി​യാ​ണ്. അ​തി​ൽ പോ​ഷ​ക​ങ്ങ​ളി​ല്ല. വെ​റും ക​ലോ​റി മാ​ത്രം. അ​ധി​ക​മാ​യു​ള്ള ക​ലോ​റി ശ​രീ​ര​ത്തി​ലെ​ത്തി​യാ​ൽ അ​തു കൊ​ഴു​പ്പാ​യി മാ​റും. പ​ഞ്ച​സാ​ര ക​ഴി​ച്ചാ​ൽ ഇ​ൻ​സ്റ്റ​ൻ​റ് ആ​യി എ​ന​ർ​ജി കിട്ടുമെ​ങ്കി​ലും അ​തി​ൽ പോ​ഷ​ക​ങ്ങ​ളി​ല്ലാ​ത്ത​തി​നാ​ൽ ഗു​ണ​ത്തേ​ക്കാ​ൾ ദോ​ഷ​മാ​ണു കൂ​ടു​ത​ൽ.

അടയിൽ ശർക്കര മതി

അ​ട, കൊ​ഴു​ക്കട്ട തു​ട​ങ്ങി​യ പ​ല​ഹാ​ര​ങ്ങ​ൾ ത​യാ​റാ​ക്കു​ന്പോ​ൾ തേ​ങ്ങ​യ്ക്കൊ​പ്പം പ​ല​രും പ​ഞ്ച​സാ​ര ചേ​ർ​ക്കാ​റു​ണ്ട്. അ​വി​ടെ പ​ഞ്ച​സാ​ര​യേ​ക്കാ​ൾ ഗുണപ്രദം ശ​ർ​ക്ക​ര ത​ന്നെ​യാ​ണ്. അ​തി​ൽ നി​ന്ന് ഇ​രു​ന്പും മ​റ്റു​ചി​ല പോ​ഷ​ക​ങ്ങ​ളും ശ​രീ​ര​ത്തി​നു കിട്ടുന്നു.

അ​മി​ത​ഭാ​ര​വും കാ​ൻ​സ​ർ സാ​ധ്യ​ത​യും

പ​ഞ്ച​സാ​ര​യും കാ​ൻ​സ​റും തമ്മി​ൽ നേ​രിട്ടു ബ​ന്ധ​മി​ല്ല. പ​ഞ്ച​സാ​ര കൂ​ടു​ത​ൽ ക​ഴി​ച്ചാ​ൽ അ​മി​ത​ഭാ​രം ഫലം! അ​മി​ത​ഭാ​രം കാ​ൻ​സ​ർ​സാ​ധ്യ​ത വ​ർ​ധി​പ്പി​ക്കു​മെ​ന്നു പ​ഠ​ന​ങ്ങ​ളു​ണ്ട്.

ജാം, സോ​ഫ്റ്റ് ഡ്രിം​ഗ്സ്… മി​ത​മാ​യി

ജാം, ​സോ​ഫ്റ്റ് ഡ്രിം​ഗ്സ് എ​ന്നി​വ​യി​ലൊ​ക്കെ പ​ഞ്ച​സാ​ര ഉ​യ​ർ​ന്ന തോ​തി​ലാ​ണു​ള്ള​ത്. കൂ​ടാ​തെ ക​ള​റു​ക​ളും പ്രി​സ​ർ​വേ​റ്റീ​വു​ക​ളും ചേ​ർ​ക്കാ​റു​മു​ണ്ട്. ചി​ല സീ​സ​ണി​ൽ മാ​ത്ര​മു​ണ്ടാ​കു​ന്ന പ​ഴ​ങ്ങ​ൾ അ​ടു​ത്ത സീ​സ​ണ്‍ വ​രെ ഉ​പ​യോ​ഗി​ക്കാ​ൻ പ്രി​സ​ർ​വേ​റ്റീ​വു​ക​ളും മ​റ്റും ചേ​ർ​ത്തു നി​ർ​മി​ക്കു​ന്ന​താ​ണ് ജാ​മും സ്ക്വാ​ഷും മ​റ്റും. അ​വ​യി​ൽ പോ​ഷ​ക​മൂ​ല്യ​ത്തി​നൊ​ന്നും കാര്യമായ സ്ഥാ​ന​​മി​ല്ല. എന്നാൽ, പ​ഴു​ത്ത വ​രി​ക്ക​ച്ച​ക്ക​യി​ൽ ശ​ർ​ക്ക​ര ചേ​ർ​ത്തു വ​രട്ടിയ​തു ക​ഴി​ക്കു​ന്ന​തു കൊ​ണ്ടു ദോ​ഷ​മി​ല്ല.

സാ​ക്കറി​നും കോ​ൺ സി​റ​പ്പും

ചി​ല ബേ​ക്ക​റി വി​ഭ​വ​ങ്ങ​ളി​ൽ പ​ഞ്ച​സാ​ര​യ്ക്കു പ​ക​രം കോ​ണ്‍ സി​റ​പ്പും( ചോ​ള​ത്തി​ൽ നി​ന്നു ത​യാ​റാ​ക്കു​ന്ന​ത്) സാ​ക്ക​റി​നു​മൊ​ക്കെ ചേ​ർ​ക്കാ​റു​ണ്ട്. സാ​ക്ക​റി​നു വി​ല കു​റ​വാ​ണ്. പ​ക്ഷേ, അ​മി​ത​മാ​യി ഉ​പ​യോ​ഗി​ക്ക​രു​ത്. കോണ്‍ സി​റ​പ്പ് ഫ്ര​ക്ടോ​സാ​ണ്, അ​തും അ​മി​ത​മാ​യി ക​ഴി​ക്ക​രു​ത്. ശ​രീ​ര​ത്തി​ൽ അ​ധി​ക​മാ​യി വ​രു​ന്ന പ​ഞ്ച​സാ​ര​യെ അ​സി​റ്റേ​റ്റാ​ക്കി മാ​റ്റി അ​തു ട്രൈ ​ഗ്ലി​സ​റൈ​ഡിന്‍റെ തോ​തു കൂട്ടുന്നതിനിടയാക്കും.

​ഹൃ​ദ​യാ​ഘാ​തം വ​ന്നവർ, സ​ർജ​റി ക​ഴി​ഞ്ഞവർ.

ഹൃ​ദ​യാ​ഘാ​തം വ​ന്ന​വ​ർ, സ​ർ​ജ​റി ക​ഴി​ഞ്ഞ​വ​ർ എ​ന്നി​വ​ർ​ക്ക് പ്ര​മേ​ഹ​മി​ല്ലെ​ങ്കി​ൽ ചാ​യ​യ്ക്ക് മി​ത​മാ​യ തോ​തി​ൽ പ​ഞ്ച​സാ​ര ചേ​ർ​ത്തു ക​ഴി​ക്കാം. വ​ല്ല​പ്പോ​ഴും മ​ധു​ര​പ​ല​ഹാ​ര​ങ്ങ​ൾ മി​ത​മാ​യി ക​ഴി​ക്കാം. എ​ന്നാ​ൽ അ​തു ശീ​ല​മാ​ക്ക​രു​ത്. എ​ന്നാ​ൽ എ​ത്ര​ത്തോ​ളം പ​ഞ്ച​സാ​ര ക​ഴി​ക്കാം എ​ന്ന​തു തീ​രു​മാ​നി​ക്കു​ന്ന​ത് വ​ണ്ണ​മു​ള്ള ആ​ളോ​ണോ മെ​ലി​ഞ്ഞ ആ​ളാ​ണോ എ​ന്നി​ങ്ങ​നെ​യു​ള്ള കാ​ര്യ​ങ്ങ​ൾ കൂ​ടി പ​രി​ഗ​ണി​ച്ചാ​ണ്. വ​ണ്ണ​മു​ള്ള ആ​ളു​ക​ളോ​ടു പ​ഞ്ച​സാ​ര ക​ഴി​ക്കാ​ൻ നി​ർ​ദേ​ശി​ക്കാ​റി​ല്ല. എ​ന്നാ​ൽ വ​ണ്ണം കു​റ​ഞ്ഞ​വ​രോ​ട് മ​റ്റു രോ​ഗ​ങ്ങ​ൾ ഒ​ന്നും ഇ​ല്ലെ​ങ്കി​ൽ വ​ല്ല​പ്പോ​ഴും ക​ഴി​ക്കാം എ​ന്നു പ​റ​യാ​റു​ണ്ട്. അ​താ​യ​തു വ്യ​ക്തി​യു​മാ​യി ബ​ന്ധ​പ്പെട്ട ചി​ല ഘ​ട​ക​ങ്ങ​ൾ പ​രി​ഗ​ണി​ച്ചാ​ണ് എ​ത്ര​ത്തോ​ളം പ​ഞ്ച​സാ​ര ക​ഴി​ക്കാം എ​ന്നു നി​ർ​ദേ​ശി​ക്കു​ന്ന​ത്. ഒ​രു നു​ട്രീ​ഷ​നി​സ്റ്റിന്‍റെ സ​ഹാ​യ​ത്തോ​ടെ എ​ത്ര​ത്തോ​ളം മ​ധു​രം ക​ഴി​ക്കാം എ​ന്നു തീ​രു​മാ​നി​ക്കാം.

കൗ​മാ​രം ക​രു​ത​ലോ​ടെ…

കൗ​മാ​ര​പ്രാ​യ​ത്തി​ലു​ള്ള​വ​ർ​ക്കു ദി​വ​സം 50 ഗ്രാം ​വ​രെ (10 ടീ ​സ്പൂ​ണ്‍ )പ​ഞ്ച​സാ​ര ക​ഴി​ക്കാം. പ​ക്ഷേ, ഇ​പ്പോ​ൾ അ​ത്ര​യും ക​ഴി​ക്ക​ണം എ​ന്നു നി​ർ​ദേ​ശി​ക്കാ​റി​ല്ല. കാരണം, ഇ​പ്പോ​ൾ കൗ​മാ​ര​പ്രാ​യ​ത്തി​ലു​ള്ള​വ​രു​ടെ ശാ​രീ​രി​ക അ​ദ്ധ്വാ​നം തീ​രെ കു​റ​വാ​ണ്. കൗ​മാ​ര​ക്കാ​ർ ക​ഴി​ക്കു​ന്ന ചാ​യ, സോ​ഫ്റ്റ് ഡ്രിം​ഗ്സ്, ചോ​ക്ലേ​റ്റ്, മ​റ്റു മ​ധു​ര​പ​ല​ഹാ​ര​ങ്ങ​ൾ എ​ന്നി​വ​യി​ലൂ​ടെ അ​ത്ര​യും പ​ഞ്ച​സാ​ര ശ​രീ​ര​ത്തി​ലെ​ത്തു​ന്നു​ണ്ട്. ഷാ​ർ​ജ​ഷേക്കിലും മ​റ്റും പ​ഞ്ച​സാ​ര​യു​ടെ തോ​ത് കൂ​ടു​ത​ലാ​ണ്. ഇ​തെ​ല്ലാം അ​മി​ത​ഭാ​ര​ത്തി​നും പൊണ്ണത്തടിക്കും കാരണമാകുന്നു.

വിവരങ്ങൾ: ഡോ. ​അ​നി​ത​മോ​ഹ​ൻ ക്ലി​നി​ക്ക​ൽ
ന്യു​ട്രീ​ഷ​നി​സ്റ്റ് & ഡ​യ​റ്റ് ക​ണ്‍​സ​ൾട്ടന്‍റ്

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS