Set us Home Page

മലയാളികൾ ഇത്രയ്ക്ക് മണ്ടൻമാരോ? നി​ക്ഷേ​പ​ത്തു​ക​യു​ടെ ഇ​ര​ട്ടി വാ​ഗ്ദാ​നം; ലക്ഷങ്ങൾ നിക്ഷേപിച്ച് വീട്ടമ്മമാർ; ഒടുവിൽ കോടിക ളുമായി ഫി​നോ​മി​ന​ൽ കമ്പനി എംഡി മുങ്ങി

thattippu-phinominaചാ​ല​ക്കു​ടി: നി​ക്ഷേ​പ​ത്തു​ക​യു​ടെ ഇ​ര​ട്ടി വാ​ഗ്ദാ​നം ചെ​യ്ത് നി​ക്ഷേ​പ​ക​രെ ക​ബ​ളി​പ്പി​ച്ച ഫി​നോ​മി​ന​ൽ ഹെ​ൽ​ത്ത് കെ​യ​ർ ക​ന്പ​നി​യു​ടെ എം​ഡി​യും ഡ​യ​റ​ക്ട​ർ​മാ​രും മു​ങ്ങി. ര​ണ്ടു​ദി​വ​സ​മാ​യി സൗ​ത്ത് ജം​ഗ്ഷ​നി​ലു​ള്ള ക​ന്പ​നി​യു​ടെ ഓ​ഫീ​സ് അ​ട​ഞ്ഞുകി​ട​ക്കു​ക​യാ​ണ്. കാ​ലാ​വ​ധി ക​ഴി​ഞ്ഞി​ട്ടും പ​ണം ല​ഭി​ക്കാ​ത്ത​തി​നാ​ൽ മാ​സ​ങ്ങ​ളാ​യി ഓ​ഫീ​സ് ക​യ​റി​യി​റ​ങ്ങി​ക്കൊ​ണ്ടി​രി​ക്കു​ന്ന നി​ക്ഷേ​പ​ക​ർ ഇ​ന്ന​ലെ അ​ട​ഞ്ഞുകി​ട​ക്കു​ന്ന ഓ​ഫീ​സി​നു മു​ന്പി​ൽ ത​ടി​ച്ചു​കൂ​ടി​യി​രു​ന്നു. ഭൂ​രി​ഭാ​ഗം പേ​ർ​ക്കും ന​ൽ​കി​യി​രി​ക്കു​ന്ന ചെ​ക്കു​ക​ൾ പ​ണ​മി​ല്ലാ​തെ പ​ല​ത​വ​ണ മു​ട​ങ്ങി​യ​താ​ണ്. ഓ​ഫീ​സി​നു മു​ന്പി​ൽ​നി​ന്നു നി​ക്ഷേ​പ​ക​രെ പോ​ലീ​സ് എ​ത്തി​യാ​ണു പി​രി​ച്ചു​വി​ട്ട​ത്. ഇ​ന്ന​ലെ ഓ​ഫീ​സി​നു മു​ന്പി​ൽ ഉ​ണ്ടാ​യി​രു​ന്ന​വ​രി​ൽ​നി​ന്നു പോ​ലീ​സ് പ​രാ​തി​യും എ​ഴു​തി​വാ​ങ്ങി.

നി​ക്ഷേ​പി​ച്ച് എ​ട്ടു​വ​ർ​ഷം ക​ഴി​യു​ന്പോ​ൾ ഇ​ര​ട്ടി തു​ക വാ​ഗ്ദാ​നം ചെ​യ്താ​ണു നി​ക്ഷേ​പ​ങ്ങ​ൾ സ്വീ​ക​രി​ച്ചി​രു​ന്ന​ത്. വീ​ട്ട​മ്മ​മാ​രാ​യ സ്ത്രീ​ക​ളെ ഏ​ജ​ന്‍റു​മാ​രാ​യി ഉ​പ​യോ​ഗി​ച്ചാ​ണു നി​ക്ഷേ​പ​ക​രെ വ​ല​യി​ൽ വീ​ഴ്ത്തി​യ​ത്. വ​ഞ്ചി​ത​രാ​യ​വ​രി​ൽ ഭൂ​രി​ഭാ​ഗം പേ​രും സ്ത്രീ​ക​ളാ​ണ്. സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ഓ​ഫീ​സു​ക​ളും പ്ര​വ​ർ​ത്തി​ച്ചി​രു​ന്നു. ഇ​വി​ടെ​യെ​ല്ലാം ഓ​ഫീ​സു​ക​ൾ അ​ട​ച്ച​തി​നാ​ൽ നി​ക്ഷേ​പ​ക​ർ ചാ​ല​ക്കു​ടി ഓ​ഫീ​സി​ലേ​ക്കാ​ണ് എ​ത്തി​ക്കൊ​ണ്ടി​രു​ന്ന​ത്. പ​ല അ​വ​ധി​ക​ൾ പ​റ​ഞ്ഞി​ട്ടും പ​ണം കൊ​ടു​ക്കാ​തെ ഒ​ടു​വി​ൽ പി​ടി​ച്ചു​നി​ൽ​ക്കാൻ ക​ഴി​യാ​തെ വ​ന്ന​പ്പോ​ഴാ​ണ് എം​ഡി​യും ഡ​യ​റ​ക്ട​ർ​മാ​രും മു​ങ്ങി​യി​രി​ക്കു​ന്ന​ത്.

മും​ബൈ ആ​സ്ഥാ​ന​മാ​യു​ള്ള കമ്പനി​യി​ൽ​നി​ന്നും പ​ണം വ​രു​മെ​ന്നു പ​റ​ഞ്ഞാ​ണു നി​ക്ഷേ​പ​ക​രെ ആ​ശ്വ​സി​പ്പി​ച്ചി​രു​ന്ന​ത്. സം​സ്ഥാ​ന​ത്തി​ന്‍റെ വി​വി​ഭ ഭാ​ഗ​ങ്ങ​ളി​ൽ​നി​ന്നും കോ​ടി​ക്ക​ണ​ക്കി​നു രൂ​പ നി​ക്ഷേ​പ​മാ​യി സ്വീ​ക​രി​ച്ചി​രു​ന്നു. പ​ണം മു​ഴു​വ​ൻ മും​ബൈ​യി​ലേ​ക്കു ക​ട​ത്തി​ക്കൊ​ണ്ടു പോ​യി​രി​ക്കു​ക​യാ​ണ്. ഏ​ജ​ന്‍റു​മാ​രെ ഗോ​വ​യി​ലേ​ക്കും ബം​ഗ​ളൂരു​വി​ലേ​ക്കും മ​റ്റും കൊ​ണ്ടു​പോ​യി ഇ​ട​യ്ക്കി​ടെ കോ​ണ്‍​ഫ​റ​ൻ​സും മ​റ്റും ന​ട​ത്തി സ്വാ​ധീ​നി​ച്ചി​രി​ക്കു​ക​യാ​യി​രു​ന്നു. പ​ണം വി​നി​മ​യം ചെ​യ്യു​ന്ന​തി​നു​ള്ള ര​ജി​സ്ട്രേ​ഷ​നി​ല്ലാ​ത്ത​തി​നാ​ൽ ക്രൈം​ബ്രാ​ഞ്ച് ന​ട​ത്തി​യ അ​ന്വേ​ഷ​ണ​ത്തെതു​ട​ർ​ന്ന് പോ​ലീ​സ് ഒ​രു കേ​സെ​ടു​ത്തി​രു​ന്നു.

എം​ഡി​യും ഡ​യ​റ​ക്ട​ർ​മാ​രും മു​ങ്ങി​യെ​ങ്കി​ലും സ​ർ​ക്കാ​രി​ന്‍റെ ഉ​ന്ന​ത​ങ്ങ​ളി​ൽ സ്വാ​ധീ​ന​മു​ള്ള ഒ​രു സ്ത്രീ​യാ​ണ് ഇ​പ്പോ​ൾ കാ​ര്യ​ങ്ങ​ൾ നി​യ​ന്ത്രി​ക്കു​ന്ന​ത്. പ​ണം ചോ​ദി​ച്ച് ഓ​ഫീ​സി​ൽ വ​രു​ന്ന​വ​രെ പോ​ലീ​സി​നെ​ക്കൊ​ണ്ട് തി​രി​ച്ചു​വി​ടു​ക​യാ​ണ്.
പ​ണം ന​ഷ്ട​പ്പെ​ട്ട നി​ക്ഷേ​പ​ക​ർ പോ​ലീ​സ് പ​റ​യു​ന്ന​തു​കേ​ട്ടു തി രിച്ചുപോകുകയാണ്. ഇ​തേ​സ​മ​യം, സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ മ​റ്റൊ​രു പേ​രി​ൽ ഓ​ഫീ​സ് തു​റ​ന്നു നി​ക്ഷേ​പ​ങ്ങ​ൾ സം​ഭ​രി​ച്ചുകൊ​ണ്ടി​രി​ക്കു​ക​യാ​ണെ​ന്നും അ​റി​യു​ന്നു. കൊ​ര​ട്ടി ക​ട്ട​പ്പു​റം സ്വ​ദേ​ശി​യാ​യ എം​ഡി ക​ഴി​ഞ്ഞ ഞാ​യ​റാ​ഴ്ച​ത​ന്നെ മും​ബൈ​യി​ലേ​ക്കു പോ​യി. ചാ​ല​ക്കു​ടി​യി​ൽ​ത​ന്നെ ഇ​വ​രു​ടെ മ​റ്റൊ​രു ഓ​ഫീ​സ്, കമ്പനി​യു​ടെ പേ​രി​ലു​ള്ള മാ​ളി​ന്‍റെ മു​ക​ൾ​നി​ല​യി​ൽ ര​ഹ​സ്യ​മാ​യി പ്ര​വ​ർ​ത്തി​ക്കു​ന്നു​ണ്ട്. ഇ​ന്ന​ലെ നി​ക്ഷേ​പ​ക​രെ പോ​ലീ​സ് പി​രി​ച്ചു​വി​ട്ട​ശേ​ഷം ഓ​ഫീ​സ് തു​റ​ന്ന സ്ത്രീ​യെ നി​ക്ഷേ​പ​ക​ർ വ​ള​ഞ്ഞു.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/
നിങ്ങളുടെ അഭിപ്രായങ്ങൾ മലയാളത്തിൽ രേഖപ്പെടുത്താൻ മംഗ്ലീഷിൽ ടൈപ് ചെയ്തു താഴെക്കാണുന്ന കമെന്റ് ബോക്സിൽ പേസ്റ്റ് ചെയ്യുക

LATEST NEWS