നാളെയാണ് ആ കല്യാണം, പക്ഷേ..! സ്വന്തം വിവാഹത്തിനു വരാനാകാതെ മാവേലിക്കര സ്വദേശി ശ്രീജിത്ത്; വിവാഹത്തിന്റെ എല്ലാ ഒരുക്കങ്ങളും പൂര്‍ത്തിയാക്കി ശ്രീജിത്തിന്റെ വരവും കാത്ത് വീട്ടുകാര്‍

മാ​വേ​ലി​ക്ക​ര: നാ​ളെ​യാ​ണ് ശ്രീ​ജി​ത്തി​ന്‍റെ വി​വാ​ഹം. പ​ക്ഷേ, ശ്രീ​ജി​ത്തി​നു വി​വാ​ഹ​ത്തി​നു എ​ത്ത​ണ​മെ​ങ്കി​ൽ അ​ധി​കൃ​ത​ർ ക​ഴി​യ​ണം. കു​വൈ​റ്റി​ൽ ജോ​ലി ചെ​യ്യു​ന്ന മാ​വേ​ലി​ക്ക​ര ഇ​റ​വ​ങ്ക​ര ഗീ​താ​ഭ​വ​ന​ത്തി​ൽ ശ്രീ​ജി​ത്ത് യ​ശോ​ധ​ര​നാ​ണ് ക​ന്പ​നി അ​ധി​കൃ​ത​രു​ടെ ക​നി​വ് കാ​ത്ത് ക​ഴി​യു​ന്ന​ത്.

അ​വ​ധി ല​ഭി​ക്കാ​ത്ത​തി​നാ​ൽ വി​വാ​ഹ​ദി​വ​സ​മാ​യ നാ​ളെ നാ​ട്ടി​ൽ വ​രാ​ൻ സാ​ധി​ക്കാ​ത്ത വി​ഷ​മ​ത്തി​ലാ​ണ് ഈ ​യു​വാ​വ്. കു​വൈ​റ്റി​ൽ ഗ​ൾ​ഫ് റെ​ന്‍റ് കാ​ർ​പ്പോ ക​ന്പ​നി​യി​ൽ ജോ​ലി ചെ​യ്യു​ന്ന ശ്രീ​ജി​ത്തി​ന്‍റെ വി​വാ​ഹം ശി​വ​ഗി​രി സ്വ​ദേ​ശി​നി​യു​മാ​യാ​ണ്. ക​ന്പ​നി അ​ധി​കൃ​ത​രു​മാ​യി സം​സാ​രി​ച്ച ശേ​ഷ​മാ​ണു വി​വാ​ഹ തീ​യ​തി നി​ശ്ച​യി​ച്ച​ത്.

എ​ന്നാ​ൽ ഇ​പ്പോ​ൾ അ​വ​ധി ന​ൽ​കാ​ൻ ത​യാ​റ​ല്ലെ​ന്ന നി​ല​പാ​ടി​ലാ​ണ് ക​ന്പ​നി. ശ്രീ​ജി​ത്തി​ന്‍റെ വീ​ട്ടു​കാ​ർ വി​ദേ​ശ​കാ​ര്യ​മ​ന്ത്രി സു​ഷ​മ സ്വ​രാ​ജി​ന് ഇ-​മെ​യി​ൽ വ​ഴി പ​രാ​തി ന​ൽ​കി. തു​ട​ർ​ന്ന് ഇ​ന്ത്യ​ൻ എം​ബ​സി വി​ഷ​യ​ത്തി​ൽ ഇ​ട​പെ​ട്ടു. ആ​ദ്യം അ​വ​ധി ന​ൽ​കാ​മെ​ന്ന് അ​ധി​കൃ​ത​ർ സ​മ്മ​തി​ച്ചെ​ങ്കി​ലും വീ​ണ്ടും നി​ല​പാ​ട് മാ​റ്റി. ഇ​തോ​ടെ ര​ണ്ടാ​മ​തും വി​ദേ​ശ​കാ​ര്യ മ​ന്ത്രി​ക്ക് വീ​ട്ടു​കാ​ർ പ​രാ​തി ന​ൽ​കി. വി​വാ​ഹ​ത്തി​ന്‍റെ എ​ല്ലാ ഒ​രു​ക്ക​ങ്ങ​ളും പൂ​ർ​ത്തി​യാ​ക്കി ശ്രീ​ജി​ത്തി​ന്‍റെ വ​ര​വും കാ​ത്തി​രി​ക്കു​ക​യാ​ണ് ശ്രീ​ജി​ത്തി​ന്‍റെ കു​ടും​ബം.