Set us Home Page

ഇ​നി​യി​വി​ടെ ഫു​ട്ബോ​ൾ മാ​ത്രം; ക​ണ്ണൂ​രി​ന്‍റെ മ​ണ്ണ് ഇ​പ്പോ​ൾ ചു​വ​ന്ന​ത​ല്ല ; പ​ച്ച​യും മ​ഞ്ഞ​യും ഓ​റ​ഞ്ചും നീ​ല​യും നി​റ​ഞ്ഞ നിറങ്ങ​ൾ  മാത്രം; ചുവരുകൾ കൈയടക്കി മെസിയും നെയ്മറും

കണ്ണൂർ: ക​ണ്ണൂ​രി​ന്‍റെ മ​ണ്ണ് ഇ​പ്പോ​ൾ ചു​വ​ന്ന​ത​ല്ല. പ​ച്ച​യും മ​ഞ്ഞ​യും ഓ​റ​ഞ്ചും നീ​ല​യും നി​റ​ങ്ങ​ൾ ക​ണ്ണൂ​രി​നെ കീ​ഴ​ട​ക്കി​യി​രി​ക്കു​ന്നു. രാ​ഷ്‌​ട്രീ​യ നേ​താ​ക്ക​ൾ​ക്കു പ​ക​രം ല​യ​ണ​ൽ മെ​സി​യും നെ​യ്മ​റും ഇ​വി​ടെ ഇ​ടം​നേ​ടി​യി​രി​ക്കു​ന്നു.

രാ​ഷ്‌​ട്രീ​യ​സം​വാ​ദ​ങ്ങ​ൾ മാ​ത്രം കേ​ൾ​ക്കാ​റു​ള്ള ക​വ​ല​ക​ളി​ൽ ലോം​ഗ് വി​സി​ൽ മു​ഴ​ങ്ങി. ഇ​നി​യൊ​രു മാ​സ​ത്തേ​ക്ക് ഇ​വി​ടെ സം​സാ​ര​വി​ഷ‍​യം ഫു​ട്ബോ​ൾ മാ​ത്രം. രാ​ഷ്‌​ട്രീ​യ​ത്തെ​ക്കാ​ൾ എ​ന്തു​കൊ​ണ്ടും ആ​രോ​ഗ്യ​ക​ര​മാ​യ ച​ർ​ച്ച. അ​തി​നാ​ൽ ഇ​നി​യൊ​രു​മാ​സം ക​ണ്ണൂ​രി​ൽ തീ​ർ​ത്തും സ​മാ​ധാ​നാ​ന്ത​രീ​ക്ഷം എ​ന്ന് വേ​ണ​മെ​ങ്കി​ൽ ത​മാ​ശ​രൂ​പേ​ണ പ​റ​യാം.

തെ​ര​ഞ്ഞെ​ടു​പ്പു​ക​ൾ ആ​വേ​ശ​ങ്ങ​ൾ ക​ഴി​ഞ്ഞാ​ൽ ക​ണ്ണൂ​രി​ന്‍റെ ല​ഹ​രി ഫു​ട്ബോ​ൾ ത​ന്നെ​യാ​ണ്. രാ​ഷ്ട്രീ​യം വെ​റു​പ്പി​ന്‍റെ പ​ക്ഷം സൃ​ഷ്ടി​ക്കു​ന്പോ​ൾ ഫു​ട്ബോ​ൾ ക​ണ്ണൂ​രി​ലെ ഗ്രാ​മ​ങ്ങ​ളി​ൽ സൗ​ഹൃ​ദ​ത്തി​ന്‍റെ പ​ക്ഷം പി​ടി​ക്കു​ന്നു. നെ​യ്മ​റും മെ​സി​യും ക്രി​സ്റ്റ്യാ​നോ​യും പ്ര​തി​ഷ്ഠ​ക​ളാ​യി ഗ്രാ​മ​ത്തി​ന്‍റെ മു​ക്കി​ലും മൂ​ല​യി​ലും ഇ​ടം​നേ​ടി ക​ഴി​ഞ്ഞു.

രാ​ഷ്‌​ട്രീ​യ​പാ​ർ​ട്ടി​ക​ളു​ടെ നി​യ​ന്ത്ര​ണ​ത്തി​ൽ ത​ന്നെ​യാ​ണ് ജി​ല്ല​യി​ലെ മി​ക്ക ക്ല​ബു​ക​ളും പ്ര​വ​ർ​ത്തി​ക്കു​ന്ന​ത്. അ​ർ​ജ​ന്‍റീ​ന, ബ്ര​സീ​ൽ, ജ​ർ​മ്മ​നി, സ്പെ​യി​ൻ, പോ​ർ​ച്ചു​ഗ​ൽ തു​ട​ങ്ങി​യ രാ​ജ്യ​ങ്ങ​ളു​ടെ ആ​രാ​ധ​ക​രാ​ണ് ഏ​റെ​യും. സൗ​ദ്യ അ​റേ​ബ്യ​യ്ക്കും ആ​തി​ഥേ​യ​രാ​യ റ​ഷ്യ​യ്ക്കും ആ​രാ​ധ​ക​രു​ണ്ട്.

ത​ങ്ങ​ളു​ടെ പ്രി​യ​പ്പെ​ട്ട ടീ​മു​ക​ളു​ടെ​യും താ​ര​ങ്ങ​ളു​ടെ​യും കൗ​ട്ടൗ​ട്ടു​ക​ളും ബാ​ന​റു​ക​ളും ഗ്രാ​മ​ങ്ങ​ളി​ലും ന​ഗ​ര​ങ്ങ​ളി​ലും ഇ​ടം​നേ​ടി ക​ഴി​ഞ്ഞു. രാ​ഷ്ട്രീ​യ​പാ​ർ​ട്ടി​ക​ളു​ടെ പ്ര​ചാ​ര​ണ​ബോ​ർ​ഡു​ക​ൾ ന​ശി​പ്പി​ക്കു​ന്ന​തും അ​ത് വ​ലി​യ സം​ഘ​ർ​ഷ​ത്തി​ലേ​ക്കു നീ​ങ്ങു​ന്ന​തും ക​ണ്ണൂ​രി​ൽ പ​തി​വാ​ണ്. എ​ന്നാ​ൽ ഫു​ട്ബോ​ൾ ക​ട്ടൗ​ട്ടു​ക​ളും ബാ​ന​റു​ക​ളും ആ​രു ന​ശി​പ്പി​ക്കു​ന്നി​ല്ല.

രാ​ഷ്‌​ട്രീ​യ​ത്തി​ൽ ക​ടു​ത്ത ശ​ത്രു​ക്ക​ളാ​യ​വ​ർ ഒ​രേ ടീ​മി​ന്‍റെ ആ​രാ​ധ​ക​രാ​കു​ന്ന​തും ഒ​രു​മി​ച്ച് ബാ​ന​ർ ഉ​യ​ർ​ത്തി​യ​തും ക​ണ്ണൂ​രി​ൽ സം​ഭ​വ​മാ​യി ക​ഴി​ഞ്ഞു. ഫു​ട്ബോ​ൾ കാ​ണു​വാ​ൻ കൂ​റ്റ​ൻ സ്ക്രീ​നു​ക​ളും ക്ല​ബു​ക​ളി​ൽ സ​ജീ​വ​മാ​യി. ലോ​ക​ക​പ്പി​ന്‍റെ മാ​തൃ​ക ഉ​ണ്ടാ​ക്കി അ​ർ​ജ​ന്‍റീ​ന​യു​ടെ​യും ബ്ര​സീ​ലി​ന്‍റെ​യും സ്പെ​യി​നി​ന്‍റെ​യും ജ​ർ​മ​നി​യു​ടെ​യും ജ​ഴ്സി​യ​ണി​ഞ്ഞ് ക​ണ്ണൂ​രി​ന്‍റെ വി​വി​ധ ഭാ​ഗ​ങ്ങ​ളി​ൽ ലോ​ക​ക​പ്പി​നെ വ​ര​വേ​ല്ക്കു​വാ​ൻ മ​ത്സ​ര​ങ്ങ​ളും ന​ട​ന്നു.

ക​ളി മാ​ത്ര​മ​ല്ല, ഫു​ട്ബോ​ളു​മാ​യി ബ​ന്ധ​പ്പെ​ട്ട ച​ല​ച്ചി​ത്ര​ങ്ങ​ളു​ടെ പ്ര​ദ​ർ​ശ​ന​വും ന​ട​ത്തി വ​രി​ക​യാ​ണ്. രാ​ഷ്‌​ട്രീ​യ​ത്തോ​ടൊ​പ്പം ഫു​ട്ബോ​ളും ഇ​നി​യൊ​രു​മാ​സ​ത്തേ​ക്ക് ക​ണ്ണൂ​രി​ന്‍റെ മ​ണ്ണി​ൽ അ​ലി​ഞ്ഞു ചേ​രു​ക​യാ​ണ്.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS