ന്യൂഡല്‍ഹി: കഴിഞ്ഞ സാമ്പത്തിക വര്‍ഷത്തെ കണക്കനുസരിച്ച് 2.36 ലക്ഷം വിദേശ ഇന്ത്യക്കാര്‍ കോടീശ്വരന്‍മാരെന്ന് പഠനം. ശരാശരി 25.5 കോടി രൂപയാണ് ഇവരുടെ സമ്പാദ്യമെന്നാണ് സാമ്പത്തിക വിദഗ്ധ സ്ഥാപനമായ വെല്‍ത്ത് ഇന്‍സൈറ്റ് നടത്തിയ പഠന റിപ്പോര്‍ട്ട്. ഒരു ഇന്ത്യന്‍ പൗരന്‍ 180 ദിവസത്തിലധികം രാജ്യം വിട്ട് മറ്റൊരു രാജ്യത്ത് കഴിയുകയാണെങ്കില്‍ നികുതി സംബന്ധമായ ആവശ്യങ്ങള്‍ക്ക് അയാളെ എന്‍ആര്‍ഐ ആയി പരിഗണിക്കും. ഈ മാനദണ്ഡത്തിന്റെ അടിസ്ഥാനത്തില്‍ ഏതാണ്ട് 2.84 കോടി ഇന്ത്യന്‍ പൗരന്‍മാര്‍ വിദേശത്തുണെ്ടന്നാണ് കണക്കാക്കുന്നത്.
ഇന്ത്യന്‍ കോടിശ്വരന്‍മാരില്‍ വലിയ ഭാഗവും അമേരിക്കയിലാണ്. 133,564 ആളുകളാണ് ഇവിടെ യുള്ളത് മൊത്തം ആളുകളുടെ 56.5 ശതമാനമാണിത്. 12.7 ശതമാനം കോടീശ്വരന്‍മാര്‍ ലണ്ടനിലും. യുഎഇ, കാനഡ, ഹോങ്കോഗ്, സിംഗപ്പുര്‍, ഇന്തോനേഷ്യ, ജപ്പാന്‍ എന്നിവിടങ്ങളിലും ഇന്ത്യന്‍ കോടീശ്വരന്‍മാരുടെ സാന്നിധ്യം ശക്തമാണ്.
2015ലെ കണക്കനുസരിച്ച് എന്‍ആര്‍ഐ കോടീശ്വരന്‍മാരുടെ ആകെ സമ്പാദ്യം 91,500 കോടി ഡോളറായിരുന്നു. ഈ വളര്‍ച്ചാ നി രക്ക് തുടര്‍ന്നാല്‍ 2019ല്‍ ഇത് 1.4 ലക്ഷം കോടി ഡോളര്‍ ആയി ഉയ രുമെന്നും റിപ്പോര്‍ട്ടില്‍ സൂചിപ്പിക്കുന്നു. ഇന്ത്യയുടെ ശക്തമായ സാമ്പത്തിക വളര്‍ച്ചയും രൂപയുടെ മൂല്യത്തിലുള്ള കുറവുമാണ് ഇവരുടെ നിക്ഷേപം വളരാനുള്ള കാരണമെന്ന് റിപ്പോര്‍ട്ടില്‍ പറയുന്നു.
2011ല്‍ വിദേശ രാജ്യങ്ങളില്‍നിന്നു ഇന്ത്യയിലേക്കെത്തിയ പണം 6249 കോടി ഡോളര്‍ ആയിരുന്നെങ്കില്‍ 2015ല്‍ അത് 7217 കോടി ഡോളറായി ഉയര്‍ന്നു. ദീര്‍ഘകാല നിക്ഷേപങ്ങളിലും ഓഹരി വിപണിയിലും ഭൂസ്വത്തിലുമാണ് വിദേശത്തുള്ള ഇന്ത്യക്കാര്‍ പണം നിക്ഷേപിക്കുന്നത്. ഭാവിയില്‍ നിക്ഷേപ സാധ്യത ഉയരാന്‍ സാധ്യതയുള്ള മേഖലകളിലൊന്ന് ആരോഗ്യ രംഗമാണെന്നും റിപ്പോര്‍ട്ട് ചൂണ്ടിക്കാട്ടുന്നു.
