Category: Agriculture

കല്ലില്‍ നിന്ന് അപ്പമുണ്ടാകുമോ? പഴയ ഒരറിവില്‍ നി ന്നുള്ള പുതിയ ചിന്തയാണിത്. അപ്രായോഗികമെന്ന് ഒറ്റവായനയില്‍ എഴുതിത്തള്ളരുത്. കാരണം ശാസ്ത്രം എന്നതുതന്നെ അപ്രായോഗികമെന്നു തോന്നിയവയെ പ്രായോഗികമാക്കിയതിന്റെ ചരിത്രമാണ്, രണ്ടാമതുള്ള തെരച്ചിലാണ്. ഇത്തരത്തില്‍ കല്ലില്‍ നിന്ന് അപ്പമുണ്ടാക്കുന്ന വഴിയും ചരിത്രത്തില്‍ ഒരാള്‍ കാണിച്ചു തന്നിട്ടുണ്ട്. ഇതിന്മേല്‍ രണ്ടാമതുള്ള തെരച്ചിലാണിത്. 1950 കളില്‍ ഡോ. ജൂലിയസ് ഹെന്‍സല്‍ എന്ന ജര്‍മന്‍ രസതന്ത്രജ്ഞനാണ് കല്ലുകളെ വളമാക്കിയത്. കാലം തമസ്‌കരിച്ചെങ്കിലും ജൈവകൃഷി പ്രബലമായതോടെ ഈ കണ്ടുപിടിത്തം ലോകത്തിന്റെ പല കോണുകളിലും പുനരാവിഷ്‌കരിക്കപ്പെടുകയാണ്. ഇറ്റലിയിലെ വെസൂവിയസ് അഗ്നിപര്‍വത പ്രാന്തപ്രദേശങ്ങളിലെ ലാവയില്‍ നിന്നു രൂപപ്പെട്ട കല്ല് പൊടിഞ്ഞ മണ്ണിലുണ്ടാകുന്ന മുന്തിരിപ്പഴമാണ് ലോകത്തില്‍ ഏറ്റവും മികച്ചത്. അതുപോലെ വൈനും. ഇതനുകരിക്കാന്‍ ആര്‍ക്കും കഴിഞ്ഞിട്ടില്ല. പാറയിലെ പോഷകാംശത്തില്‍ കഴമ്പുണ്ടെന്ന് വിശ്വസിക്കാന്‍ ഇത്തരം ധാരാളം ഉദാഹരണങ്ങള്‍ അന്വേഷിച്ചാല്‍ കണ്ടെത്താന്‍ സാധിക്കും. കല്ല് വളമാകുന്നത്? മണ്ണുണ്ടാകുന്നത് പാറ പൊടിഞ്ഞാ ണല്ലോ? ഈ മണ്ണില്‍…

കാടുകളില്‍ കാണുന്ന കയ്പില്ലാത്ത പാവയ്ക്കയായ കന്റോല കൃഷിയിടത്തിലും. മലയാളത്തില്‍ ഗന്റോലയെന്നും ഇതിനെ ചിലര്‍ വിളിക്കുന്നുണ്ട്. ഔഷധഗുണമേറെയുള്ള കന്റോലയെ ആലപ്പുഴ കളര്‍കോട് കണ്ണുവള്ളില്‍ സുരേഷ്‌കുമാറാണ് തന്റെ പുരയിടത്തിലെ പന്തലില്‍ കായ്പിച്ചത്. നാട്ടുവൈദ്യത്തില്‍ ഉള്‍പ്പെടുത്തി ആദിവാസി, ഗോത്രവര്‍ഗക്കാര്‍ ഉപയോഗിക്കുന്ന കന്റോലയെക്കുറിച്ച് നിരവധി ഗവേഷണങ്ങള്‍ നടന്നിട്ടുണ്ട്. കാന്‍സര്‍ പ്രതിരോധിക്കാന്‍ കഴിവുണ്ടെന്നതാണ് പ്രധാന കണ്ടെത്തല്‍. തലച്ചോറിനെ ഉദ്ദീപിപ്പിക്കുന്നതിനാല്‍ ബ്രെയിന്‍ ബൂസ്റ്റര്‍ എന്നുമറിയപ്പെടുന്നു. ഹോര്‍മോണ്‍ സന്തുലിതമാക്കുന്നതിനുള്ള ശേഷിയുണ്ട്. പ്രകൃതിദത്ത വേദന സംഹാരിയായും അറിയപ്പെടുന്നു. സ്വഭാവവ്യതിയാനങ്ങള്‍ തടയാനുള്ള കഴിവുള്ളതിനാല്‍ മൂഡ് സ്റ്റെബിലൈസര്‍ എന്ന വിശേഷണവും പല പഠനങ്ങളിലും കാണുന്നു. പൊതുവില്‍ ശരീരത്തിന്റെ പ്രവര്‍ത്തനങ്ങളെ സന്തുലിതമാക്കാന്‍ കഴിവുള്ള നിരവധി ഘടകങ്ങള്‍ പ്രകൃതി കന്റോലയില്‍ കോര്‍ത്തിണക്കിയിട്ടുണ്ട്. അസംസ്‌കൃത മാംസ്യം, നാരുകള്‍, കൊഴുപ്പ് എന്നിവ ധാരാളമടങ്ങിയിട്ടുണ്ട്. ജീവകം എ, ബി-1, ബി-2, ബി-6, എച്ച്, കെ എന്നിവയുടെ കലവറയാണ് കന്റോല. ശാരീരിക പ്രവര്‍ത്തനങ്ങള്‍ക്കാവശ്യമുള്ള പൊട്ടാസ്യം, സോഡിയം, കാത്സ്യം, സിങ്ക്, കോപ്പര്‍,…

തൂവെള്ള ഇതളുകളും നടുവില്‍ മഞ്ഞവര്‍ണവും പേറി നില്ക്കുന്ന ഈ പൂക്കള്‍ ഇപ്പോള്‍ ഉദ്യാനങ്ങളിലെ സൗന്ദര്യറാണികളാണ്. ശരാശരി ഉയരത്തില്‍ പന്തലിച്ച് പൂക്കളുമായി നില്ക്കുന്ന പുഷ്പച്ചെടി പൂന്തോട്ടങ്ങളെ ആകര്‍ഷകമാക്കുന്നു. മലയാളികള്‍ പൊതുവേ ചെമ്പകം എന്നു വിശേഷിപ്പിക്കുന്ന ചെമ്പക കുടുംബത്തില്‍പ്പെടുന്നു മനോഹരമായ ഈ നിത്യഹരിതചെമ്പകവും. ‘അപ്പോ സൈനേസിയ’ കുടുംബത്തില്‍പ്പെടുന്ന ഈ സസ്യത്തിന്റെ ശാസ്ത്ര നാമം ‘പ്ലുമേറിയ ഒബ്ട്യുസ’ എന്നാണ്. വെസ്റ്റ് ഇന്‍ഡീസ്, പടിഞ്ഞാറന്‍ മെക്‌സിക്കോ, ഫ്‌ളോറിഡ തുടങ്ങിയവയാണ് സ്വദേശം. കേരളത്തില്‍ പൊതുവെ വെള്ള നിറത്തിലെ പൂക്കളുള്ള ‘സിംഗപ്പൂര്‍വൈറ്റ്’ ഇനമാണ് പ്രചാരത്തിലുള്ളത്. പിങ്ക് നിറത്തിലെ പൂക്കളുള്ള സിംഗപ്പൂര്‍ പിങ്ക് എന്ന ഇനവും വിദേശങ്ങളിലുണ്ട്. പ്ലൂമേറിയ ഇനങ്ങളില്‍ വച്ചേറ്റവും സുഗന്ധമുള്ളത് പ്ലൂമേറിയ ഒബ്ട്യൂസയ്ക്കാണ്. മറ്റു ചെമ്പകപൂക്കളില്‍ നിന്നു വ്യത്യസ്തമായി പൂക്കളുടെ അഗ്രം ഏതാണ്ട് വൃത്താകൃതിയിലാണ് കാണപ്പെടുന്നത്. നിറയെ ഇലച്ചാര്‍ത്തുള്ള സസ്യമാണ്. ഇലകളുടെ അറ്റവും വൃത്താകൃതിയിലാണ് എന്നതും ഒരു പ്രധാന സവിശേഷതയാണ്. ഏറെ പ്രത്യേകതകളുള്ള ഒന്നാണ്…