Category: Editor’s Pick

ശബരിമലയില്‍ സ്ത്രീപ്രവേശനം സാധ്യമാക്കാന്‍ രണ്ടും കല്പിച്ച് എത്തിയ മനിതി സംഘത്തിന്റെ നീക്കങ്ങളില്‍ ദുരൂഹതയെന്ന ആരോപണങ്ങള്‍ ശക്തമാകുന്നു. സംഘത്തിന്റെ കോ-ഓര്‍ഡിനേറ്ററായ അഡ്വ. സെല്‍വിയുടെ പലനീക്കങ്ങളും ദുരൂഹമാണെന്ന് തമിഴ്‌നാട്ടില്‍ തന്നെ ആരോപണമുണ്ട്. ചില തീവ്രവാദ സംഘടനകളുമായി ഇവര്‍ക്ക് ബന്ധമുണ്ടെന്ന് ചില തമിഴ് പത്രങ്ങള്‍ വാര്‍ത്ത നല്കിയതും അടുത്തിടെയാണ്. ആസ്ഥാനം തമിഴ്‌നാട്ടിലാണെങ്കിലും മനിതി സംഘത്തിന്റെ പിറവിക്കു കാരണം കേരളമാണ്. രാജ്യത്തെ നടുക്കിയ പെരുമ്പാവൂരിലെ നിയമവിദ്യാര്‍ഥിനി കൊല്ലപ്പെട്ട സംഭവത്തിലാണ് ഇവര്‍ ആദ്യമായി ഒന്നിച്ചുകൂടിയത്. ഈ കൊലപാതകത്തില്‍ പ്രതിഷേധിക്കാനായി ചെന്നൈയിലെ മറീന ബീച്ചിലും സ്ത്രീകള്‍ ഒത്തുകൂടി. നിയമവിദ്യാര്‍ഥിനിയുടെ അരുകൊലയില്‍ പ്രതിഷേധിച്ച സ്ത്രീ കൂട്ടായ്മ പതിയെ സ്ത്രീകളുടെ അവകാശങ്ങള്‍ക്ക് വേണ്ടി ചുവടുറപ്പിക്കാന്‍ തീരുമാനിച്ചു. ആ കൂട്ടായ്മ മനിതിയെന്ന സ്ത്രീ അവകാശ പോരാട്ട സംഘമായി മാറാന്‍ അധികനാള്‍ വേണ്ടിവന്നില്ല. വിവിധ മേഖലയിലുള്ള നിരവധി സ്ത്രീകളും യുവതികളും ഇന്ന് മനിതി സംഘടനയുടെ ഭാഗമാണ്. രാജ്യത്തെ പല സ്ഥലങ്ങളിലും സാന്നിധ്യമാകാനുള്ള…

ഇന്ത്യയില്‍ പലപ്പോഴും തെരഞ്ഞെടുപ്പുകളില്‍ ഏറ്റവും സ്വാധീനം ചെലുത്തുന്ന ഘടകങ്ങളിലൊന്ന് വിലക്കയറ്റമാണ്. പ്രത്യേകിച്ച് എണ്ണവില. ഇന്ധനവില കൂടുന്നതിനനുസരിച്ച് മറ്റു അവശ്യസാധനങ്ങള്‍ക്കും വിലകൂടും. രണ്ടാം യുപിഎ സര്‍ക്കാരിനെ വീഴ്ത്തിയതിന് പ്രധാനകാരണം അഴിമതിക്കൊപ്പം വിലവര്‍ധനവായിരുന്നു. ഇപ്പോഴിതാ പൊതുതെരഞ്ഞെടുപ്പ് പടിവാതില്‍ക്കല്‍ എത്തിനില്‍ക്കെ പ്രധാനമന്ത്രി നരേന്ദ്ര മോദി നേരിട്ട് എണ്ണവില നിയന്ത്രിക്കാന്‍ രംഗത്തെത്തി. എണ്ണവിലയും വോട്ടും തമ്മില്‍ വല്ലാത്തൊരു പരസ്പരബന്ധമുണ്ടെന്ന തിരിച്ചറിവില്‍ തന്നെയാണ് സര്‍ക്കാര്‍ നീക്കം. ഖത്തറിനെയാണ് ഇതിനു കൂട്ടുപിടിച്ചിരിക്കുന്നത്. ഖത്തറില്‍ നിന്നും കുറഞ്ഞ വിലയില്‍ ഇന്ധനം വാങ്ങാനുള്ള പദ്ധതി അന്തിമഘട്ടത്തിലാണെന്ന സൂചന കേന്ദ്ര പെട്രോളിയം പ്രകൃതി വാതക വകുപ്പ് മന്ത്രി ധര്‍മേന്ദ്ര പ്രധാന്‍ നല്‍കി. പ്രധാനമന്ത്രി നരേന്ദ്ര മോദി മുന്‍കൈയെടുത്താണ് ഖത്തറുമായി ചര്‍ച്ചകള്‍ നടത്തിയത്. എണ്ണ ഉത്പാദക രാജ്യങ്ങളുടെ കൂട്ടായ്മയായ ഒപെക് യൂറോപ്യന്‍ രാജ്യങ്ങള്‍ക്ക് എണ്ണവില്ക്കുന്നത് ഏഷ്യന്‍ രാജ്യങ്ങള്‍ക്ക് നല്കുന്നതിനേക്കാള്‍ കുറഞ്ഞ നിരക്കിലാണ്. മോദി നോട്ടമിട്ടിരിക്കുന്നതും ഇതുതന്നെയാണ്. യൂറോപ്യര്‍ക്ക് നല്കുന്നതുപോലെ ഇന്ത്യയ്ക്കും നല്കുക.…

കൊച്ചിയില്‍ നടി ആക്രമിക്കപ്പെട്ട സംഭവത്തില്‍ വീണ്ടും ട്വിസ്റ്റ്. ഈ സംഭവത്തിന്റെ പേരില്‍ ആടിയുലഞ്ഞ താരസംഘടന അമ്മയില്‍ വലിയ രാജികള്‍ നടന്നിരുന്നു. ആക്രമിക്കപ്പെട്ട നടി സംഘടന വിടുകയും ചെയ്തിരുന്നു. ഇപ്പോഴിതാ ഈ സംഭവത്തില്‍ മറ്റൊരു ട്വിസ്റ്റ് നടന്നിരിക്കുകയാണ്. രാജിവച്ച നടി വീണ്ടും അമ്മയിലേക്ക് തിരിച്ചെത്താന്‍ തല്പര്യം പ്രകടിപ്പിച്ചതായി ഒരു ദിനപത്രം റിപ്പോര്‍ട്ട് ചെയ്യുന്നു. പ്രതിസ്ഥാനത്തുള്ള ദിലീപിന്റെ രാജി ആവശ്യം ഉയര്‍ത്തിയാണ് നടി സംഘടന വിട്ടത്. എന്നാല്‍ നടി ഉയര്‍ത്തിയ ആ വിഷയത്തിന് ദിലീപിന്റെ രാജിയോടെ പരിഹാരമായെന്നാണ് അമ്മ എക്സിക്യൂട്ടീവ് ചുണ്ടിക്കാണിക്കുന്നത്. ദിലീപിനോട് രാജി ചോദിച്ചുവാങ്ങിയതാണെന്ന് പ്രസിഡന്റ് മോഹന്‍ലാല്‍ തന്നെ വാര്‍ത്താസമ്മേളനത്തില്‍ വെളിപ്പെടുത്തിയിരുന്നു. ഇക്കാര്യങ്ങള്‍ ചൂണ്ടിക്കാട്ടി എക്സിക്യൂട്ടീവ് അംഗങ്ങള്‍ ചിലര്‍ സംസാരിച്ചപ്പോള്‍ മടങ്ങി വരവിനെക്കുറിച്ച് അനുകൂല മറുപടി ലഭിച്ചതായും വിവരമുണ്ട്. തുടക്കത്തില്‍ മുന്നില്‍ നിന്നിരുന്ന മഞ്ജു വാര്യര്‍ പിന്നീട് ഡബ്ല്യൂസിസിയുടെ പ്രവര്‍ത്തനങ്ങളില്‍ നിന്ന് വിട്ടു നില്‍ക്കുന്നത് അവര്‍ അമ്മയ്ക്കൊപ്പമുണ്ടെന്ന സൂചന…

ഉനൈറിനെ അറിയില്ലേ? കഴിഞ്ഞ രണ്ടുദിവസമായി സോഷ്യല്‍മീഡിയ ചര്‍ച്ച ചെയ്യുന്നത് ഈ ചെറുപ്പക്കാരനെ പറ്റിയാണ്. കാഴ്ച്ചയ്ക്ക് പരിമിതിയും ശാരീരികവൈകല്യങ്ങളും ഉണ്ടെങ്കിലും സ്വന്തം കുടുംബം പോറ്റാന്‍ കിലോമീറ്ററുകളോളം നടന്ന് പപ്പടം വില്ക്കുന്ന ഉനൈറിനെ പറ്റി കഴിഞ്ഞദിവസമാണ് സോഷ്യല്‍മീഡിയയില്‍ വീഡിയോ വന്നത്. അതോടെ ഈ ചെറുപ്പക്കാരന്റെ കഥ വൈറലാകുകയും ചെയ്തു. ഇനി ഉനൈറിനെപ്പറ്റി. ഉമ്മ കാന്‍സര്‍ രോഗവുമായി തിരുവനന്തപുരത്ത് ചികിത്സയിലാണ്. വീട്ടില്‍ ഭാര്യയും മക്കളുമുണ്ട്. കുടുംബത്തിന്റെ ഏകവരുമാന മാര്‍ഗമാണ് ഈ യുവാവ്. എന്തിനാണ് ഇത്രയും ദൂരം നടന്ന് കഷ്ടപ്പെടുന്നതെന്ന് ചോദിച്ചാല്‍ ഉനൈറിന് ഉത്തരമുണ്ട്. പടച്ചോന്‍ നമുക്ക് കൈയ്യും കാലൊക്കെ തന്നിട്ടില്ലെ പിന്നെങ്ങനെയാ നമ്മള് മനുഷ്യന്‍മാരോട് ചോദിക്കുക. അതൊരു രണ്ടാം നമ്പറല്ലേ. ഞാന്‍ പടച്ചോന്‍ തന്ന കൈയ്യും കാലും കൊണ്ട് നയിച്ച് ജീവിക്കുകയാണ്- ഉനൈര്‍ പറയുന്നു. ദിവസവും മുന്നൂറ് രൂപ വരെ കിട്ടുെമന്നും എന്നാല്‍ ചെലവ് കഴിഞ്ഞ് കുറച്ചേ ബാക്കിയുണ്ടാകൂവെന്നും ഉനൈര്‍ ദൃശ്യങ്ങളില്‍…

സോഷ്യല്‍മീഡിയ ഒരുവല്ലാത്ത മീഡിയ തന്നെയാണ്. ആര്‍ക്കെതിരേ എന്തു വേണമെങ്കിലും പറയാമെന്ന അവസ്ഥ. ഒരു സ്മാര്‍ട്ട് ഫോണും കളയാന്‍ സമയവും ഉണ്ടെങ്കില്‍ ആരെ വേണമെങ്കിലും നശിപ്പിക്കാം. പലകുറി നാം അതു കണ്ടതാണ്. രണ്ടുദിവസം മുമ്പ് തിരുവനന്തപുരത്തെ ഒരു ആശുപത്രിയില്‍ സംഭവിച്ചതെന്ന രീതിയില്‍ കറങ്ങി തിരിയുന്ന വീഡിയോയാണ് പുതിയത്. ചികിത്സയ്ക്ക് എത്തിയ രോഗിക്ക് മുന്നില്‍ മൊബൈലില്‍ കളിച്ചിരിക്കുന്ന ഡോക്ടര്‍ എന്ന പേരില്‍ ഒരു വീഡിയോ സഹിതം വാര്‍ത്ത പ്രചരിച്ചിരുന്നു. തിരുവനന്തപുരം കന്യാകുളങ്ങര ഗവണ്മെന്റ് ഹോസ്പിറ്റലിവ് ഹര്‍ത്താല്‍ ദിവസമാണ് സംഭവം. എന്നാല്‍ പ്രചരിക്കുന്ന ഈ വാര്‍ത്ത വ്യാജമാണെന്ന് വെളിപ്പെടുത്തി രോഗിയായ യുവാവ് രംഗത്തെത്തിയിരിക്കുകയാണ്. ‘മൊബൈലില്‍ കളിച്ചു കൊണ്ടിരിക്കുന്ന ഡോക്ടര്‍. പാവം രോഗികള്‍ വരിയില്‍. അധികാരികളില്‍ എത്തുന്നത് വരെ ഷെയര്‍ ചെയ്യുക’ എന്ന അടിക്കുറിപ്പോടെയാണ് വിഡിയോ പ്രചരിച്ചത്. 1500 ല്‍ അധികം ഷെയറുകളും പോസ്റ്റിന് ലഭിച്ചു. ഇതിന്റെസത്യാവസ്ഥ വെളിപ്പെടുത്തിക്കൊണ്ട് രോഗി രംഗത്തെത്തിയത്. വിഡിയോയില്‍…

ആലപ്പുഴ മണ്ണഞ്ചേരിയില്‍ യുവതിയെ വെട്ടിക്കൊന്നു. പഞ്ചായത്ത് 22- ാം വാര്‍ഡ് കലവൂര്‍ ഐടിസി കോളനിയില്‍ പ്രകാശന്റെ ഭാര്യ ദേവീകൃഷ്ണ (31) യാണു കൊല്ലപ്പെട്ടത്. ഇന്ന് പുലര്‍ച്ചെ മൂന്നോടെയായിരുന്നു സംഭവം. കഴുത്തിന് വെട്ടേറ്റ് രക്തം വാര്‍ന്ന് കിടന്ന ദേവീകൃഷ്ണ സംഭവസ്ഥലത്ത് തന്നെ മരിച്ചു. സംഭവത്തില്‍ ഭര്‍ത്താവ് പ്രകാശനെ പോലീസ് കസ്റ്റഡിയില്‍ എടുത്തു. കൊലപാതകത്തില്‍ കൂടുതല്‍ പേര്‍ ഉള്‍പ്പെട്ടതായിട്ടാണ് പോലീസ് കരുതുന്നത്. സംഭവത്തില്‍ പിടിയിലായ പ്രതി പ്രകാശന്റെ സഹോദരനും കൃത്യത്തില്‍ പങ്കുള്ളതായിട്ട് പോലീസ് സംശയിക്കുന്നുണ്ട്. കൊല്ലപ്പെട്ട ദേവീകൃഷ്ണയ്ക്ക് മറ്റൊരാളുമായി ബന്ധമുള്ളതായിട്ടുള്ള സംശയത്തിന്റെ പേരില്‍ വീട്ടില്‍ വഴക്ക് നിത്യസംഭവമായിരുന്നതായി നാട്ടുകാരും പോലീസും പറയുന്നു. വ്യാഴാഴ്ച വൈകിട്ടും ഇരുവരും തമ്മില്‍ വഴക്കുണ്ടായി. തുടര്‍ന്ന്, മക്കളായ പാര്‍വതി (12), പ്രണവ് (10) എന്നിവര്‍ക്കൊപ്പം ഇരുവരും ഉറങ്ങാന്‍ കിടന്നു. പുലര്‍ച്ചെ മൂന്ന് മണിയോടെ എഴുന്നേറ്റ പ്രകാശന്‍ അടുക്കളയില്‍ നിന്നു വാക്കത്തി കൊണ്ടുവന്ന് ദേവീകൃഷ്ണയുടെ നെഞ്ചിനും കഴുത്തിനും…

മലയാളി പ്രേക്ഷകര്‍ക്കും പ്രിയങ്കരിയാണ് തമിഴ്‌നടി നമിത. ബിഗ് ബജറ്റ് ചിത്രം പുലിമുരുകനില്‍ അതിഥി താരമായി നമിത തിളങ്ങിയിരുന്നു. ബ്ലാക്ക് സ്റ്റാലിനിലും അഭിനയിച്ച നമിത വിജയ് ചിത്രം അഴകിയ തമിഴ് മകന്‍, ഞാന്‍ അവന്‍ അല്ലൈ, വ്യാപാരി തുടങ്ങി നിരവധി ചിത്രങ്ങളില്‍ പ്രധാന കഥാപാത്രങ്ങളെ അവതരിപ്പിച്ചിട്ടുണ്ട്. ഇപ്പോള്‍ വീണ്ടും സിനിമയിലേക്ക് മടങ്ങി വരികയാണ് നമിത. അകംഭാവം എന്ന തമിഴ് സിനിമയിലാണ് നമിത അഭിനയിക്കുക. സിനിമയില്‍ നിന്നും അകന്ന സമയങ്ങളില്‍ റിയാലിറ്റി ഷോകളിലും തമിഴ് ബിഗ് ബോസിലുമെല്ലാം പങ്കെടുത്തിരുന്നു നമിത. 28 ദിവസങ്ങള്‍ക്ക് ശേഷം ബിഗ് ബോസില്‍ നിന്നും പുറത്തായ നമിത അവിടെയുണ്ടായ കയ്‌പ്പേറിയ അനുഭവങ്ങളും പങ്കുവയ്ക്കുന്നുണ്ട്. അതിന് ശേഷം താന്‍ ആകെ മാറിപ്പോയെന്നാണ് നടി പറയുന്നത്. ഇപ്പോള്‍ സിനിമയിലെ കാസ്റ്റിംഗ് കൗച്ചിനെ കുറിച്ച് പ്രതികരിച്ചിരിക്കുകയാണ് താരം. മീടു എല്ലാം കുറച്ചുകൂടി നേരത്തേ പുറത്തു വരേണ്ട പ്രസ്ഥാനം ആണ്. ‘നമ്മുടെ…

സിഖ് വിരുദ്ധ കലാപം നിയന്ത്രിക്കാന്‍ പരാജയപ്പെട്ടതിനാല്‍ മുന്‍ പ്രധാനമന്ത്രി രാജീവ് ഗാന്ധിയുടെ ഭാരത രത്‌ന പുരസ്‌കാരം പിന്‍വലിക്കണമെന്ന് ആവശ്യപ്പെടുന്ന പ്രമേയം ആം ആദ്മിപാര്‍ട്ടിയില്‍ കലാപത്തിനു വഴിമരുന്നിട്ടു. ഡല്‍ഹി അസംബ്ലിയില്‍ പ്രമേയത്തെ അനുകൂലിക്കാതിരുന്ന വനിതാ എംഎല്‍എ അല്‍ക്ക ലാംബയോട് മുഖ്യമന്ത്രിയും എഎപി കണ്‍വീനറുമായ അരവിന്ദ് കേജരിവാള്‍ രാജിവയ്ക്കാന്‍ ആവശ്യപ്പെട്ടു. വെള്ളിയാഴ്ചയാണ് രാജീവ് ഗാന്ധിയുടെ ഭാരത രത്‌ന പിന്‍വലിക്കണമെന്ന് ആവശ്യപ്പെട്ട് അസംബ്ലിയില്‍ പ്രമേയം പാസാക്കിയത്. പ്രമേയത്തെ അനുകൂലിക്കാന്‍ പാര്‍ട്ടി സമ്മര്‍ദം ചലുത്തിയെന്നും എന്നാല്‍ പ്രതിഷേധിച്ച് ഇറങ്ങിപ്പോകുകയുമായിരുന്നെന്ന് ചൗന്ദ്‌നി ചൗക്ക് എംഎല്‍എ അല്‍ക്ക പറഞ്ഞു. ഇക്കാര്യത്തില്‍ എന്ത് പ്രത്യാഘാതവും സ്വീകരിക്കാന്‍ തയാറാണ്. കേജരിവാളുമായും താന്‍ സംസാരിച്ചു. രാജിവയ്ക്കാന്‍ തയാറാണെന്നും അല്‍ക്ക പറഞ്ഞു. രാജീവ് ഗാന്ധിയുടെ ഭാരത രത്‌ന തിരിച്ചെടുക്കണമെന്ന ആവശ്യത്തോട് യോജിക്കുന്നില്ല. അതിനാല്‍ താന്‍ പ്രതിഷേധിച്ച് വാക്കൗട്ട് നടത്തുകയുമായിരുന്നു. വാക്കൗട്ട് നടത്തി പുറത്തിറങ്ങിയതിനു പിന്നാലെ തന്റെ രാജി ആവശ്യപ്പെട്ട് മുഖ്യമന്ത്രിയുടെ സന്ദേശം…