തെന്നിന്ത്യക്കാർ വിനയമുള്ളവരാണെന്ന് ശ്രു​തി ഹാ​സ​ൻ

അ​ഭി​നേ​ത്രി​യെ​ന്ന നി​ല​യി​ലും ഗാ​യി​ക​യെ​ന്ന നി​ല​യി​ലും ഇ​ന്ത്യ​യൊ​ട്ടാ​കെ പ്രേ​ക്ഷ​ക​പ്രീ​തി നേ​ടി​യ താ​ര​മാ​ണ് ശ്രു​തി ഹാ​സ​ൻ. സി​നി​മ​യ്ക്കുപു​റ​ത്തും ശ്രു​തി​യു​ടെ സം​സാ​ര​വും പെ​രു​മാ​റ്റ​വും പ്രേ​ക്ഷ​ക​ശ്ര​ദ്ധ പി​ടി​ച്ചു​പ​റ്റാ​റു​ണ്ട്. അ​ടു​ത്തി​ടെ ദി ​ഹോ​ളി​വു​ഡ് റി​പ്പോ​ർ​ട്ട​ർ ഇ​ന്ത്യ​യ്ക്ക് ന​ൽ​കി​യ അ​ഭി​മു​ഖ​ത്തി​ൽ, ദ​ക്ഷി​ണേ​ന്ത്യ​ൻ സി​നി​മ​ക​ളി​ൽ പ്ര​വ​ർ​ത്തി​ച്ച ത​ന്‍റെ അ​നു​ഭ​വ​ങ്ങ​ളെ​ക്കു​റി​ച്ചും ബോ​ളി​വു​ഡ് ന​ൽ​കി​യ തി​രി​ച്ച​റി​വു​ക​ളെ​ക്കു​റി​ച്ചും ശ്രു​തി മ​ന​സുതു​റ​ന്നു.

തെ​ന്നി​ന്ത്യ​ൻ അ​ഭി​നേ​താ​ക്ക​ൾ​ക്കി​ട​യി​ലെ വി​ന​യം, ബോ​ളി​വു​ഡു​മാ​യു​ള്ള സാം​സ്കാ​രി​ക വ്യ​ത്യാ​സ​ങ്ങ​ൾ എന്നിവയെ ക്കുറിച്ചു​ള്ള ശ്രു​തി​യു​ടെ വാ​ക്കു​ക​ൾ ച​ർ​ച്ച​ക​ൾ​ക്കു വ​ഴി​വ​ച്ചി​രി​ക്കു​ക​യാ​ണ്. ബോ​ളി​വു​ഡി​നെ അ​പേ​ക്ഷി​ച്ച് സൗ​ത്ത് ഇ​ന്ത്യ​ൻ താ​ര​ങ്ങ​ൾ കൂ​ടു​ത​ൽ വി​ന​യ​മു​ള്ള​വ​രാ​ണെ​ന്നു ശ്രു​തി പ​റ​ഞ്ഞു.

ഒ​രു​പാ​ടു പ​ണ​മു​ള്ള പ​ല​രും ആ​ർ​ഭാ​ട​മാ​യി വ​സ്ത്രം ധ​രി​ക്കി​ല്ല. അ​വ​ർ വ​ർ​ഷ​ങ്ങ​ളോ​ളം പ​ഴ​യ അം​ബാ​സ​ഡ​ർ കാ​ർ ത​ന്നെ ഉ​പ​യോ​ഗി​ക്കും. അ​ത് ദ​ക്ഷി​ണേ​ന്ത്യ​യു​ടെ മ​നഃ​ശാ​സ്ത്ര​മാ​ണ്. ന​മ്മ​ൾ ക​ല​യു​ടെ വെ​റും വാ​ഹ​ക​ർ മാ​ത്ര​മാ​ണെ​ന്നു തി​രി​ച്ച​റി​യേ​ണ്ട​ത് വ​ള​രെ പ്ര​ധാ​ന​മാ​ണ്. അ​ഹ​ങ്ക​രി​ച്ചാ​ൽ സ​ര​സ്വ​തീദേ​വി അ​നു​ഗ്ര​ഹം പി​ൻ​വ​ലി​ക്കും എ​ന്നു ഭ​യ​ക്കു​ന്ന​തി​നാ​ലാ​ണ് സൗ​ത്ത് താ​ര​ങ്ങ​ൾ കൂ​ടു​ത​ൽ വി​ന​യ​മു​ള്ള​വ​രാ​കു​ന്ന​ത്- ശ്രു​തി പ​റ​ഞ്ഞു.

വി​ശ്വാ​സി​യ​ല്ലാ​ത്ത പി​താ​വി​നൊ​പ്പം വ​ള​ർ​ന്ന​തി​നാ​ൽ ആ ​സാ​ഹ​ച​ര്യ​ത്തി​ൽ സാം​സ്കാ​രി​ക വി​ശ്വാ​സ​ങ്ങ​ളി​ൽ ഞാ​നും ആ​ദ്യം ശ്ര​ദ്ധ കൊ​ടു​ത്തി​രു​ന്നി​ല്ല. എ​ന്നാ​ൽ ജോ​ലി ചെ​യ്യാ​ൻ തു​ട​ങ്ങി​യ​പ്പോ​ൾ രാ​വി​ലെ തേ​ങ്ങ ഉ​ട​യ്ക്കു​ന്ന​ത്, അ​ല്ലെ​ങ്കി​ൽ ഒ​രു മൂ​ല​യി​ൽ ഒ​രു ദൈ​വ​ത്തി​ന്‍റെ ഫോ​ട്ടോ വ​യ്ക്കു​ന്ന​ത് പോ​ലു​ള്ള ചെ​റി​യ കാ​ര്യ​ങ്ങ​ൾ ശ്ര​ദ്ധി​ക്കാ​ൻ തു​ട​ങ്ങി.

തെ​ന്നി​ന്ത്യ​ൻ സി​നി​മ സെ​റ്റു​ക​ളി​ൽ എ​ങ്ങ​നെ പെ​രു​മാ​റ​ണ​മെ​ന്ന​ത് അ​ഭി​നേ​താ​ക്ക​ൾ​ക്കും അ​വ​രു​ടെ സ്റ്റാ​ഫു​ക​ൾ​ക്കും ധാ​ര​ണ​യു​ണ്ട്. അ​തു​കൊ​ണ്ടു​ത​ന്നെ ഹി​ന്ദി സി​നി​മ​യി​ൽ പ്ര​വ​ർ​ത്തി​ച്ച​തി​നെ അ​പേ​ക്ഷി​ച്ച് സൗ​ത്ത് ഇ​ൻ​ഡ​സ്ട്രി​യി​ൽ സാ​മൂ​ഹി​ക അ​വ​ബോ​ധം കൂ​ടു​ത​ലാ​ണെ​ന്ന് മ​ന​സി​ലാ​യി- ശ്രു​തി കൂ​ട്ടി​ച്ചേ​ർ​ത്തു.

ലോ​കേ​ഷ് ക​ന​ക​രാ​ജ് സം​വി​ധാ​നം ചെ​യ്ത് ര​ജ​നി​കാ​ന്ത്, നാ​ഗാ​ർ​ജു​ന, ഉ​പേ​ന്ദ്ര, സ​ത്യ​രാ​ജ്, സൗ​ബി​ൻ ഷാ​ഹി​ർ എ​ന്നി​വ​ർ അ​ഭി​ന​യി​ച്ച കൂ​ലി​യെ​ന്ന ചി​ത്ര​മാ​ണ് ശ്രു​തി​യു​ടേ​താ​യി അ​വ​സാ​നം പു​റ​ത്തി​റ​ങ്ങി​യ​ത്. ചി​ത്ര​ത്തി​ലെ ശ്രു​തി​യു​ടെ പ്ര​ക​ട​ന​ത്തി​ന് മി​ക​ച്ച പ്ര​തി​ക​ര​ണ​ങ്ങ​ളാ​ണു ല​ഭി​ച്ച​ത്. ചി​ത്രം ആ​റ് ദി​വ​സ​ത്തി​നു​ള്ളി​ൽ ഇ​ന്ത്യ​യി​ൽ 200 കോ​ടി​യി​ല​ധി​കം രൂ​പ ക​ള​ക്ഷ​ൻ നേ​ടി മു​ന്നേ​റു​ക​യാ​ണ്.