‘എ​ന്നെ മാ​റ്റി​യ​തി​നു പി​ന്നി​ൽ  ചി​ല​രു​ടെ വ​ക്ര​ബു​ദ്ധി’; ദീ​പ ദാ​സ് മു​ൻ​ഷി ആ​രു​ടെ​യോ കൈ​യി​ലെ ക​ളി​പ്പാ​വ; തു​റ​ന്ന​ടി​ച്ച് കെ. ​സു​ധാ​ക​ര​ൻ

റെ​നീ​ഷ് മാ​ത്യു

ക​ണ്ണൂ​ര്‍: കെ​പി​സി​സി അ​ധ്യ​ക്ഷ സ്ഥാ​ന​ത്തുനി​ന്നു മാ​റ്റി​യ​തി​ലെ അ​തൃ​പ്തി തു​റ​ന്നു പ​റ​ഞ്ഞ് കെ.​ സു​ധാ​ക​ര​ൻ. ക​ണ്ണൂ​രി​ൽ മാ​ധ്യ​മ​ങ്ങ​ൾ​ക്ക് ന​ല്കി​യ അ​ഭി​മു​ഖ​ത്തി​ലാ​ണ് കോ​ൺ​ഗ്ര​സി​നെ​തി​രേ തു​റ​ന്ന​ടി​ച്ച​ത്. അ​ധ്യ​ക്ഷ​സ്ഥാ​ന​ത്തു​നി​ന്ന് മാ​റ​ണ​മെ​ന്ന് താ​ൻ ആ​ഗ്ര​ഹി​ച്ചി​ട്ടി​ല്ലെ​ന്നും ആ​രോ​ടും ആ​വ​ശ്യ​പ്പെ​ട്ടി​ട്ടി​ല്ലെ​ന്നും സു​ധാ​ക​ര​ൻ പ​റ​ഞ്ഞു.​ നേ​ര​ത്തെ അ​റി​യി​ക്കാ​തെ​യു​ള്ള തീ​രു​മാ​നം മാ​ന​സി​ക പ്ര​യാ​സ​മു​ണ്ടാ​ക്കി.

രാ​ഹു​ലും ഖാ​ർ​ഗെ​യു​മാ​യു​ള്ള കൂ​ടി​ക്കാ​ഴ്ച​യി​ൽ നേ​തൃ​മാ​റ്റം ച​ർ​ച്ച​യാ​യി​ല്ല. നേ​തൃ​മാ​റ്റ തീ​രു​മാ​ന​ത്തി​ന് പി​ന്നി​ൽ മ​റ്റാ​രു​ടെ​യൊ​ക്കെ​യോ വ​ക്ര​ബു​ദ്ധി​യാ​ണ്.മാ​റ്റി​യ​തി​നു പി​ന്നി​ൽ ചി​ല നേ​താ​ക്ക​ളും അ​വ​രു​ടെ സ്വാ​ധീ​ന​വും ച​ർ​ച്ച​യും ന​ട​ന്നു​കാ​ണും. മാ​റി​യ​പ്പോ​ൾ എ​നി​ക്ക് പ്ര​ശ്ന​മൊ​ന്നു​മി​ല്ല. കൂ​ളാ​യി എ​ടു​ത്തു. എ​നി​ക്ക് ബോ​ധ​ക്ഷ​യ​മൊ​ന്നും വ​ന്നി​ല്ല.

എ​ന്തു​കൊ​ണ്ട് മാ​റ്റി എ​ന്ന് ചോ​ദി​ക്കാ​ൻ പോ​യി​ട്ടി​ല്ല. പ​റ​യാ​ൻ അ​വ​ർ വ​ന്നി​ട്ടു​മി​ല്ല. ത​ന്നെ മാ​റ്റാ​ൻ ആ​ഗ്ര​ഹി​ച്ച ഒ​രു വി​ഭാ​ഗം ഉ​ണ്ടാ​യി​രു​ന്നു​വെ​ന്ന് എ​നി​ക്കി​പ്പോ​ൾ മ​ന​സി​ലാ​യി. ത​ന്നെ മാ​റ്റി​യ​ത് പാ​ർ​ട്ടി​ക്ക് ഗു​ണ​മാ​യോ ദോ​ഷ​മാ​യോ എ​ന്ന് വി​ല​യി​രു​ത്തേ​ണ്ട​ത് പാ​ർ​ട്ടി​യി​ലെ മ​റ്റു നേ​താ​ക്ക​ളും പൊ​തു​ജ​ന​ങ്ങ​ളു​മാ​ണ്.

കെ​പി​സി​സി നേ​തൃ​സ്ഥാ​ന​ത്തുനി​ന്ന് എ​ന്നെ മാ​റ്റി​ല്ല എ​ന്നാ​ണ് ധ​രി​ച്ച​ത്. അ​തു​കൊ​ണ്ടാ​ണ് നേ​തൃ​മാ​റ്റം ഇ​ല്ലെ​ന്ന് അ​ന്നു മാ​ധ്യ​മ​ങ്ങ​ളോ​ട് പ​റ​ഞ്ഞ​ത്. ത​ന്നെ മാ​റ്റ​ണ​മെ​ന്ന് നി​ർ​ബ​ന്ധം പി​ടി​ച്ച​ത് ദീ​പ ദാ​സ് മു​ൻ​ഷി​യാ​ണ്. ത​നി​ക്ക് ആ​രോ​ഗ്യ​പ്ര​ശ്ന​ങ്ങ​ൾ ഉ​ണ്ടെ​ന്ന് അ​വ​ർ റി​പ്പോ​ർ​ട്ട് ന​ൽ​കി. ദീ​പാ ദാ​സ് മു​ൻ​ഷി ആ​രു​ടെ​യോ കൈയിലെ ക​ളി​പ്പാ​വ​യാ​ണെ​ന്നും സു​ധാ​ക​ര​ന്‍ പ​റ​ഞ്ഞു.

സ​ണ്ണി ജോ​സ​ഫ് ത​ന്‍റെ നോ​മി​നി അ​ല്ല. സ​ണ്ണി​യെ കോ​ൺ​ഗ്ര​സി​ൽ ഉ​യ​ർ​ത്തി​ക്കൊ​ണ്ടു​വ​ന്ന​ത് താ​നാ​ണ്. ത​ന്നെ അ​നു​ന​യി​പ്പി​ക്കാ​ന​ല്ല സ​ണ്ണി​യെ പ്ര​സി​ഡ​ന്‍റാ​ക്കി​യ​ത്. കെ​പി​സി​സി പ്ര​സി​ഡ​ന്‍റി​നെ മാ​റ്റു​മ്പോ​ൾ പ്ര​തി​പ​ക്ഷ നേ​താ​വി​നെ കൂ​ടി മാ​റ്റു​ക​യാ​ണ് പ​തി​വ്. എ​ന്നാ​ൽ അ​ത് ഉ​ണ്ടാ​യി​ല്ല. ത​നി​ക്ക് അ​ങ്ങ​നെ​യൊ​രു ആ​വ​ശ്യ​മി​ല്ലെ​ന്നും സു​ധാ​ക​ര​ൻ പ​റ​ഞ്ഞു.

പാ​ർ​ട്ടി ആ​വ​ശ്യ​പ്പെ​ട്ടാ​ൽ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ഇ​നി​യും മ​ത്സ​രി​ക്കും. പു​തി​യ വ​ർ​ക്കിം​ഗ് പ്ര​സി​ഡ​ന്‍റു​മാ​ര്‍ ക​ഴി​വു​ള്ള​വ​രാ​ണ്. അ​തു​പോ​ലൊ​രു ടീം ​ത​നി​ക്ക് ഉ​ണ്ടാ​യി​രു​ന്നെ​ങ്കി​ൽ കു​റേ​ക്കൂ​ടി റി​സ​ൾ​ട്ട് ഉ​ണ്ടാ​ക്കാ​ൻ ക​ഴി​യു​മാ​യി​രു​ന്നെ​ന്നും കെ.​സു​ധാ​ക​ര​ൻ പ​റ​ഞ്ഞു. ത​ന്‍റെ കാ​ല​യ​ള​വി​ൽ നേ​താ​ക്ക​ൾ സ​ഹ​ക​രി​ച്ചി​ല്ലെ​ന്നും സു​ധാ​ക​ര​ൻ പ​റ​ഞ്ഞു.

കോ​ൺ​ഗ്ര​സ് നേ​തൃ​ത്വം വെ​ട്ടി​ൽ

ക​ണ്ണൂ​ർ: മു​ൻ കെ​പി​സി​സി അ​ധ്യ​ക്ഷ​ൻ കെ.​ സു​ധാ​ക​ര​ന്‍റെ പ്ര​തി​ക​ര​ണം കോ​ൺ​ഗ്ര​സ് നേ​തൃ​ത്വ​ത്തെ പ്ര​തി​സ​ന്ധി​യി​ലാ​ക്കി. കെ.​ സു​ധാ​ക​ര​ന്‍റെ സ​മ്മ​ത​ത്തോ​ടെ​യാ​ണ് കെ​പി​സി​സി നേ​തൃ​മാ​റ്റം ന​ട​ന്ന​തെ​ന്നാ​യി​രു​ന്നു കോ​ൺ​ഗ്ര​സ് ദേ​ശീ​യ നേ​തൃ​ത്വ​ത്തി​ന്‍റെ​യും സം​സ്ഥാ​ന നേ​തൃ​ത്വ​ത്തി​ന്‍റെ​യും വി​ശ​ദീ​ക​ര​ണം. എ​ന്നാ​ൽ, ത​ന്‍റെ അ​റി​വോ സ​മ്മ​ത​മോ ഇ​ല്ലാ​തെ​യാ​ണ് ത​ന്നെ നേ​തൃ​സ്ഥാ​ന​ത്തുനി​ന്നും മാ​റ്റി​യ​തെ​ന്നു​ള്ള സു​ധാ​ക​ര​ന്‍റെ പ്ര​തി​ക​ര​ണ​മാ​ണ് നേ​തൃ​ത്വ​ത്തെ വെ​ട്ടി​ലാ​ക്കി​യി​രി​ക്കു​ന്ന​ത്.

ത​ന്നെ മാ​റ്റു​ന്പോ​ൾ പ്ര​തി​പ​ക്ഷ നേ​താ​വി​നെ​യും മാ​റ്റ​ണ​മെ​ന്നു​ള്ള സു​ധാ​ക​ര​ന്‍റെ പ്ര​സ്താ​വ​ന വി.​ഡി. സ​തീ​ശ​നെ​യും വെ​ട്ടി​ലാ​ക്കി​. ദീ​പാ ദാ​സ് മു​ൻ​ഷി​ക്കെ​തി​രേ​യു​ള്ള പ​രാ​മ​ർ​ശം ല​ക്ഷ്യ​മി​ടു​ന്ന​ത് എ​ഐ​സി​സി ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ലി​നെ​യു​മാ​ണ്. കെ​പി​സി​സി പ്ര​സി​ഡ​ന്‍റാ​യി സ​ണ്ണി ജോ​സ​ഫ് ചു​മ​ത​ല​യേ​റ്റ ച​ട​ങ്ങി​ൽ നേ​തൃ​മാ​റ്റ​ത്തി​നെ​തി​രേ കെ.​ മു​ര​ളീ​ധ​ര​നും കൊ​ടി​ക്കു​ന്നി​ൽ സു​രേ​ഷും രം​ഗ​ത്ത് വ​ന്നി​രു​ന്നു.

സം​സ്ഥാ​ന രാ​ഷ്‌​ട്രീ​യ​ത്തി​ൽ തി​ള​ങ്ങിനി​ന്ന ഒ​രാ​ളെ ദേ​ശീ​യ നേ​തൃ​ത്വ​ത്തി​ലേ​ക്ക് മാ​റ്റി​യ​തി​ൽ കോ​ൺ​ഗ്ര​സി​ലെ ചി​ല വി​ഭാ​ഗ​ങ്ങ​ൾ​ക്കി​ട​യി​ൽ പ്ര​തി​ഷേ​ധമുണ്ട്.നി​യ​മ​സ​ഭാ തെ​ര​ഞ്ഞെ​ടു​പ്പി​നുശേ​ഷം നേ​തൃ​മാ​റ്റം മ​തി​യാ​യി​രു​ന്നു​വെ​ന്നും മു​തി​ർ​ന്ന കോ​ൺ​ഗ്ര​സ് നേ​താ​ക്ക​ൾ പ​റ​യു​ന്നു. കെ​പി​സി​സി അ​ധ്യ​ക്ഷ​ൻ സ​ണ്ണി ജോ​സ​ഫി​ന് നാ​ളെ ക​ണ്ണൂ​രി​ൽ സ്വീ​ക​ര​ണം ന​ല്കാ​നി​രി​ക്കെ​യാ​ണ് സു​ധാ​ക​ര​ൻ ത​ന്നെ മാ​റ്റി​യ​തി​ലു​ള്ള അ​തൃ​പ്തി പ​ര​സ്യ​മാ​യി പ്ര​ക​ടി​പ്പി​ച്ച​തും.