പാലക്കാട്: മംഗലംഡാം കടപ്പാറ ആദിവാസികള്‍ക്ക് ഭൂമിനല്‍കാന്‍ ജില്ലാ കളക്ടര്‍ പി മേരിക്കുട്ടിയുടെ അധ്യക്ഷതയില്‍ ചേര്‍ന്ന ഡിഎല്‍സി മീറ്റിംഗില്‍ തീരുമാനമായി. മംഗലംഡാം, കടപ്പാറ, മൂര്‍ത്തിക്കുന്ന് ആദിവാസി കോളനിയിലെ 22 കുടുംബങ്ങള്‍ക്ക് വനാവകാശ നിയമപ്രകാരം ഭൂമി പതിച്ചുനല്‍കുന്നതിനാണ്് ജില്ലാ ലെവല്‍ കമ്മിറ്റി യോഗത്തില്‍ തീരുമാനമായത്. മൂര്‍ത്തിക്കുന്ന് വനമേഖലയില്‍ 14.67 ഏക്കര്‍ വനഭൂമിയാണ് ആദിവാസികള്‍ക്കായി പതിച്ചുനല്‍കുക. റവന്യൂ പുറമ്പോക്കിലെ 40 സെന്റ് സ്ഥലത്താണ് ഇപ്പോള്‍ 22 കുടുംബം താമസിക്കുന്നത്.60 സെന്റ് സ്ഥലം വീതമാണ് ഓരോ കുടുംബത്തിനും വീതിച്ച് നല്കുക.
1.47 ഏക്കര്‍ റോഡിന് വേണ്ടിയും ശ്മശാനം മറ്റ് ആവശ്യങ്ങള്‍ക്കും വേണ്ടിയും വിനിയോഗിക്കും.ജില്ലാ പഞ്ചായത്ത് അംഗങ്ങളായ എ രാജന്‍, സി കെ രജിനി, കെ രാജന്‍, ട്രൈബല്‍ ഡവലപ്പ്‌മെന്റ് ഓഫീസര്‍ സി.കെ.സുരേഷ് കുമാര്‍, ആര്‍ഡിഒ ഡോ. റെജില്‍, ഡി എഫ് ഒമാരായ കെ രാജു തോമസ്, എം രാജീവന്‍ തുടങ്ങിയവര്‍ പങ്കെടുത്തു.
