അഞ്ഞൂറു വര്‍ഷങ്ങള്‍ക്ക് മുമ്പുള്ള തെക്കുംകൂര്‍ വടക്കും കൂര്‍ നാട്ടുരാജ്യങ്ങളുടെ കാലത്ത്, അതിര്‍ത്തി കോട്ടയായിരുന്ന കിടങ്ങൂര്‍ ദേശത്തിന്റെ കഥ പറയുന്ന ചിത്രമാണ് ‘പെണ്‍മന.’ കാവനാല്‍ ക്രിയേഷന്‍സിനുവേണ്ടി അനൂപ് മറ്റപ്പള്ളിയും, അരുണ്‍ കാവനാലും ചേര്‍ന്ന് നിര്‍മിക്കുന്ന ഈ ചിത്രത്തിന്റെ രചന, സംവിധാനം – അര്‍ജുന്‍ കാവനാല്‍ നിര്‍വഹിക്കുന്നു. വിഷുദിവസം ചിത്രത്തിന്റെ സ്വിച്ചോണ്‍ കര്‍മ്മം കിടങ്ങൂരില്‍ നടന്നു. പ്രശസ്ത സംഗീത സംവിധായകന്‍ അര്‍ജുനന്‍ മാഷിന്റെ മകന്‍ അശോകന്‍ അര്‍ജുനന്‍ ആണ് ഈ ചിത്രത്തിന്റെ സംഗീത സംവിധായകന്‍. അന്‍പുമണി, പ്രദീപ് നായര്‍ എന്നീ ഛായാഗ്രാഹകന്മാരുടെ അസോസിയേറ്റ് കാമറാമാനായ സാബു അപ്പുക്കുട്ടനാണ് ഈ ചിത്രത്തിന്റെ കാമറാമാന്‍.
നിര്‍മാണം – അനൂപ് മറ്റപ്പള്ളി, അരുണ്‍ കാവനാല്‍, , കാമറ – സാബു അപ്പൂക്കുട്ടന്‍, ഗാനങ്ങള്‍ – വയലാര്‍ ശരത്ചന്ദ്രവര്‍മ്മ, സ്വാമി, സംഗീതം – അശോകന്‍ അര്‍ജുനന്‍, എഡിറ്റിംഗ് – സന്ദീപ് നന്ദകുമാര്‍, പ്രൊഡക്ഷന്‍ കണ്‍ട്രോളര്‍ – തങ്കച്ചന്‍ മണര്‍കാട്, അസോസിയേറ്റ് ഡയറക്ടര്‍ – ഹരി, പി. ആര്‍. ഒ. – അയ്മനം സാജന്‍. സച്ചിന്‍ സെബാസ്റ്റ്യന്‍, രഞ്ജിത് മോഹന്‍, കലാശാല ബാബു, ഇന്ദ്രന്‍സ് വല്‍സലാ മേനോന്‍ എന്നിവരോടൊപ്പം പ്രമുഖ താരങ്ങളും, പുതുമുഖങ്ങളും വേഷമിടുന്നു. മേയ് 15ന് അടുത്ത ഘട്ടം ചിത്രീകരണം തുടങ്ങും.
