ഗോ​വി​ന്ദ​ച്ചാ​മി​യു​ടെ ജ​യി​ൽ ചാ​ട്ടം; പ്ര​ത്യേ​ക അ​ന്വേ​ഷ​ണ​സം​ഘം വി​യ്യൂ​രി​ലെ അ​തീവ ​സു​ര​ക്ഷാജ​യി​ലി​ലും സ​ന്ദ​ർ​ശ​നം ന​ട​ത്തി​യേ​ക്കും

തൃ​ശൂ​ർ: ഗോ​വി​ന്ദ​ച്ചാ​മി​യു​ടെ ജ​യി​ല്‍​ചാ​ട്ട​ത്തെ കു​റി​ച്ച് അ​ന്വേ​ഷി​ക്കാ​ൻ നി​യോ​ഗി​ച്ച പ്ര​ത്യേ​ക സം​ഘം വി​യ്യൂ​രി​ലെ അ​തി​വ​സു​ര​ക്ഷാ ജ​യി​ലി​ലും സ​ന്ദ​ർ​ശ​നം ന​ട​ത്തി​യേ​ക്കും.

സം​ഘം എ​ത്തു​ന്ന​തി​നെ കു​റി​ച്ച് ഔ​ദ്യോ​ഗി​ക സ്ഥി​രീ​ക​ര​ണം വ​ന്നി​ട്ടി​ല്ലെ​ങ്കി​ലും ഗോ​വി​ന്ദ​ച്ചാ​മി​യെ പാ​ർ​പ്പി​ച്ചി​ട്ടു​ള്ള​ത് വി​യ്യൂ​രി​ലെ ഹൈ ​സെ​ക്യൂ​രി​റ്റി പ്രി​സ​ണി​ൽ ആ​യ​തി​നാ​ൽ സ​ർ​ക്കാ​ർ നി​യോ​ഗി​ച്ച പ്ര​ത്യേ​ക അ​ന്വേ​ഷ​ണ​സം​ഘം ജ​യി​ൽ​ച്ചാ​ട്ട​ത്തി​ന്‍റെ വി​ശ​ദ​വി​വ​ര​ങ്ങ​ൾ ശേ​ഖ​രി​ക്കു​ന്ന​തി​നാ​യി ഗോ​വി​ന്ദ​ച്ചാ​മി​യെ​യും കാ​ണു​മെ​ന്നാ​ണ് സൂ​ച​ന.

ജ​സ്റ്റി​സ് സി.​എ​ന്‍ രാ​മ​ച​ന്ദ​ൻ, മു​ൻ ഡി​ജി​പി ജേ​ക്ക​ബ്ബ് പു​ന്നൂ​സ് എ​ന്നി​വ​ര​ട​ങ്ങു​ന്ന​താ​ണ് പ്ര​ത്യേ​ക അ​ന്വേ​ഷ​ണ സ​മി​തി . ര​ണ്ട് ദി​വ​സം നീ​ണ്ടു​നി​ൽ​ക്കു​ന്ന സ​ന്ദ​ർ​ശ​ന​ത്തി​ൽ ക​ണ്ണൂ​രി​ലെ ഉ​ന്ന​ത ജ​യി​ൽ ഉ​ദ്യോ​ഗ​സ്ഥ​രു​ടെ​യ​ട​ക്കം മൊ​ഴി​യെ​ടു​ക്കും.

സ​ർ​ക്കാ​ർ നി​യോ​ഗി​ച്ച സ​മി​തി ആ​യ​തു​കൊ​ണ്ട് ഗോ​വി​ന്ദ​ച്ചാ​മി​യു​ടെ മൊ​ഴി​യെ​ടു​ക്കു​ന്ന​തി​നും ചോ​ദ്യം ചെ​യ്യു​ന്ന​തി​നും കോ​ട​തി​യു​ടെ പ്ര​ത്യേ​ക അ​നു​മ​തി ആ​വ​ശ്യ​മി​ല്ലെ​ന്നാ​ണ് നി​യ​മ വി​ദ​ഗ്ധ​ർ പ​റ​യു​ന്ന​ത്.

ഗോ​വി​ന്ദ​ച്ചാ​മി ക​ണ്ണൂ​ർ സെ​ൻ​ട്ര​ൽ ജ​യി​ലി​ൽ നി​ന്ന് ചാ​ടി​പ്പോ​യ സം​ഭ​വ​ത്തി​ൽ സ​മ​ഗ്ര അ​ന്വേ​ഷ​ണ​ത്തി​ന് നി​ർ​ദേ​ശം ന​ൽ​കി​യ​ത് മു​ഖ്യ​മ​ന്ത്രി​യാ​ണ്.