ബ്രഹ്മാണ്ഡ ചിത്രം ബാഹുബലി2 തിയറ്ററുകളിലെത്താൻ ആകാക്ഷയോടെ കാത്തിരിക്കുകയാണ് ചലച്ചിത്രാരാധകർ. എന്നാൽ ചിത്രത്തിന്‍റെ ആദ്യ പ്രദർശനം ഇംഗ്ലണ്ടിലാണെന്നാണ് പുതിയ റിപ്പോർട്ടുകൾ.ഏപ്രിൽ 27നു ലണ്ടനിൽ വച്ചു നടക്കുന്ന ഇന്ത്യൻ സ്വാതന്ത്ര്യത്തിന്‍റെ എഴുപതാം വാർഷികാഘോഷ ചടങ്ങിലാണ് ഇന്ത്യയുടെ അഭിമാന ചിത്രം റിലീസ് ചെയ്യുന്നത്. എലിസബത്ത് രാജ്ഞി അടക്കമുള്ള പ്രമുഖരുടെ സാന്നിധ്യത്തിലാകും ചിത്രം പ്രദർശിപ്പിക്കുന്നതെന്നാണ് റിപ്പോർട്ടുകൾ. ഏപ്രിൽ 28നു ചിത്രം ഇന്ത്യൻ തിയറ്ററുകളിൽ എത്തും.
