ബലമായി ചുംബിക്കാൻ ശ്രമിച്ച മുൻ കാമുകന്റെ നാക്ക് യുവതി കടിച്ചെടുത്തു. ഉത്തർപ്രദേശിലെ കാൺപുരിലാണു സംഭവം. കാൺപുർ സ്വദേശിയായ ചാംപി (35) എന്നയാളുടെ നാക്കാണ് യുവതി കടിച്ചെടുത്തത്.നിലവിൽ വിവാഹിതനാണ് ചാംപി.
യുവതിയുടെ വിവാഹം നിശ്ചയിച്ചതിൽ പ്രകോപിതനായ ചാംപി ഉപദ്രവിക്കാൻ ശ്രമിക്കുകയായിരുന്നു. കുളിക്കാനും തുണി അലക്കാനുമായി വീടിനു സമീപത്തെ കുളത്തിലേക്ക് പോയ യുവതിയെ പിന്തുടർന്നാണ് ചാംപി ഉപദ്രവിച്ചത്. യുവതിയെ കടന്നുപിടിക്കുകയും ബലമായി ചുംബിക്കാൻ ശ്രമിക്കുകയായിരുമായിരുന്നു. ഇതോടെയാണ് ചാംപിയുടെ നാക്ക് യുവതി കടിച്ചെടുത്തത്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.

