അഭിനയമികവു കൊണ്ട് മാത്രം വെള്ളിത്തിരയില്‍ തിളങ്ങാനാവില്ല. അതിനു ഭാഗ്യവും വേണം. ചിലര്‍ മികച്ച അഭിനേതാക്കളായിട്ടു കൂടി ബിഗ് സ്ക്രീനില്‍ അത്രകണ്ട് തിളങ്ങാന്‍ കഴിഞ്ഞിട്ടില്ല. സിനിമ ഒരു തീരാനൊമ്പരമായി മനസ്സില്‍ കൊണ്ടു നടക്കുന്ന ഒരുപാട് അഭിനേതാക്കളുണ്ട്. ചിലര്‍ ആദ്യ സിനിമയിലൂടെ ശ്രദ്ധിക്കപ്പെട്ടിട്ടുണ്ട്, മറ്റ് ചിലര്‍ ആദ്യ സിനിമ തന്നെ ദൗര്‍ഭാഗ്യമായി മാറിയിട്ടുണ്ട്. അക്കൂട്ടത്തില്‍ ഒരാളാണ് ധോഖാ എന്ന സിനിമയിലൂടെ വെള്ളിത്തിരയിലെത്തിയ മുസമ്മില്‍ ഇബ്രാഹിം.
2007 ല്‍ പൂജ ഭട്ട് സംവിധാനം ചെയ്ത ഈ സിനിമ തനിക്കൊരു നൊമ്പരമായി മാറിയെന്നും ചിത്രീകരണത്തിനിടയില്‍ പൂജ ഭട്ട് തന്നോടും മറ്റ് അഭിനേതാക്കളോടും മോശമായി പെരുമാറിയെന്നും മുസമ്മില്‍ തുറന്നു പറഞ്ഞത് ചര്‍ച്ചകളില്‍ നിറഞ്ഞിരുന്നു. ആ സമയം വിഷാദവും പേടി സ്വപ്നങ്ങളും തന്നെ അലട്ടിയിരുന്നതായും സിദ്ധാർത്ഥ് കണ്ണനുമായുള്ള പോഡ്കാസ്റ്റില്‍ മുസമ്മില്‍ വെളിപ്പെടുത്തിയിരുന്നു.
ഇപ്പോഴിതാ തന്‍റെ മോഡലിംഗ് കരിയര്‍ തുടങ്ങിയ സമയത്ത് ദീപിക പദുകോണുമായി റിലേഷന്‍ഷിപ്പിലായിരുന്നുവെന്ന് തുറന്നു പറയുകയാണ് മുസമ്മില്‍. ദീപിക പദുക്കോണുമായി രണ്ട് വർഷത്തോളം താൻ ഡേറ്റ് ചെയ്തിട്ടുണ്ടെന്നും പിന്നീട് പിരിഞ്ഞെന്നും മുസമ്മില്‍ പറഞ്ഞു.
ദീപികയുമായുള്ള ബന്ധത്തെക്കുറിച്ച് സിദ്ധാര്‍ത്ഥ് മുസമ്മിലിനോട് ചോദിച്ചപ്പോള്‍, ഇപ്പോൾ ദീപിക വിവാഹിതയായതിനാൽ അതിനെക്കുറിച്ച് സംസാരിക്കാൻ താരം മടികാണിച്ചു. പിന്നീട് അവരുടെ ക്യൂട്ട് ഡേറ്റ് ദിനങ്ങളെക്കുറിച്ച് താരം സംസാരിച്ചു തുടങ്ങി.
‘‘ഞങ്ങള്‍ ഇരുവരും മോഡലുകളായിരിക്കുമ്പോഴാണ് കണ്ടുമുട്ടിയത്. ഞാന്‍ താരപദവിയിലേക്ക് ഉയർന്ന സമയത്ത് ദീപിക എന്‍റെ അരികിലുണ്ടായിരുന്നു. ദീപിക മോഡലിംഗ് കരിയർ ആരംഭിക്കുന്ന സമയമായിരുന്നു അത്. ബോംബെയിൽ വച്ച് ദീപികയെ ആദ്യമായി കണ്ടുമുട്ടിയത് ഞാനാണ്. എന്‍റെ ആദ്യത്തെ സീരിയസ് ബന്ധമായിരുന്നു അത്. അതിനുമുമ്പ് ഞാൻ ഒരു മോശം ബന്ധത്തിലായിരുന്നു.
പ്രകാശ് പദുക്കോണിന്‍റെ മകളായതിനാൽ അക്കാലത്തും ദീപികയ്ക്ക് വളരെ ആത്മവിശ്വാസമായിരുന്നു, അപ്പോഴും അവളെക്കുറിച്ച് ലേഖനങ്ങൾ എഴുതപ്പെടുമായിരുന്നു. ദീപിക എന്നോട് പ്രണയാഭ്യർത്ഥന നടത്തി, പക്ഷേ പിന്നീട് ഞാൻ അവളുമായി ബന്ധം വേർപെടുത്തി. ആ സമയത്ത് ഞാൻ ഒരു താരമായിരുന്നു, അവൾ ഒരു വളർന്നുവരുന്ന മോഡലായിരുന്നു. ഇപ്പോൾ അവൾ ഒരു സൂപ്പർസ്റ്റാറാണ്, എന്നെ ആർക്കും അറിയില്ല. ഞാൻ ഒരു വലിയ ആരാധകനാണ്. അവർ മികച്ച കാര്യങ്ങൾ ചെയ്യുന്ന ഒരു സുന്ദരിയാണ്.
പിരിഞ്ഞതിന് ശേഷം കുറച്ച് വർഷങ്ങൾക്ക് ശേഷം ഞങ്ങള്‍ നല്ല സുഹൃത്തുക്കളായി തുടർന്നു. ഫോണിൽ ബന്ധപ്പെട്ടിരുന്നു. എന്നാൽ വിവാഹശേഷം ഞങ്ങള്‍ സംസാരിച്ചിട്ടില്ല. അവർ വിവാഹിതരാകുന്നതിന് മുമ്പ്, ഞങ്ങൾ ചിലപ്പോൾ സംസാരിക്കുകയും ഞങ്ങളുടെ നേട്ടങ്ങളിൽ പരസ്പരം അഭിനന്ദിക്കുകയും ചെയ്യുമായിരുന്നു. ഞങ്ങൾ ഡേറ്റിംഗ് നടത്തുമ്പോൾ, ഞങ്ങൾ രണ്ടുപേരും കുട്ടികളായിരുന്നപ്പോൾ, മഴയത്ത് റിക്ഷയിൽ ഡേറ്റിംഗിന് പോകുമായിരുന്നു, അത് വളരെ ക്യൂട്ട് ആയിരുന്നു.
ഒടുവിൽ ഞാൻ ഒരു കാർ വാങ്ങിയപ്പോൾ, ഞാൻ അവളെക്കാൾ കൂടുതൽ പണം സമ്പാദിക്കുന്നതില്‍ അവൾ വളരെ സന്തോഷവതിയായിരുന്നു. ഞങ്ങളിൽ രണ്ടുപേർക്കും അധികം പണമില്ലായിരുന്നു, പക്ഷേ ഞങ്ങൾ വളരെ സന്തോഷത്തിലായിരുന്നു. എന്‍റെ അമ്മ അവളെ വളരെയധികം സ്നേഹിച്ചിരുന്നു.അവളുടെ വളർച്ച കാണുന്നതില്‍ ഒരിക്കലും അസൂയ തോന്നിയിട്ടില്ല.
പക്വതയോടെ ജീവിതത്തെ കാണുന്നതില്‍, അവൾ ഇപ്പോൾ നന്നായിരിക്കുന്നതിൽ സന്തോഷമുണ്ട്. രൺവീർ സിങ്ങിൽ ദീപികയ്ക്ക് സ്നേഹനിധിയായ ഒരു ഭർത്താവുണ്ട്, ഇപ്പോൾ അവർക്ക് ദുവ എന്നൊരു ക്യൂട്ട് മകളുമുണ്ട്. അത് അവൾ എപ്പോഴും സ്വപ്നം കണ്ടിരുന്നതാണ്…’’ മുസമ്മില്‍ പറഞ്ഞു.
