ഒ​രു രാ​ത്രി മു​ഴു​വ​ൻ ര​ണ്ടാം ക്ലാ​സു​കാ​രി സ്കൂ​ളി​നു​ള്ളി​ൽ കു​ടു​ങ്ങി; ഇ​രു​ന്പ് ഗേ​റ്റി​ലൂ​ടെ ര​ക്ഷ​പെ​ടാ​ൻ നോ​ക്കി​യ​പ്പോ​ൾ ഗ്രി​ല്ലി​നി​ട​യി​ൽ ത​ല കു​ടു​ങ്ങി; ഒ​ഡീ​ഷ​യി​ൽ പ്ര​തി​ഷേ​ധം

ഭു​വ​നേ​ശ്വ​ർ: ഒ​രു രാ​ത്രി മു​ഴു​വ​ൻ സ്കൂ​ളി​നു​ള്ളി​ൽ ര​ണ്ടാം ക്ലാ​സ് വി​ദ്യാ​ർ​ഥി​നി കു​ടു​ങ്ങി​ക്കി​ട​ന്നു. ഒ​ഡീ​ഷ​യി​ലെ കേ​ന്ദു​ഝ​ർ ജി​ല്ല​യി​ലെ ഒ​രു സ​ർ​ക്കാ​ർ സ്കൂ​ളി​ൽ വ്യാ​ഴാ​ഴ്ച​യാ​ണ് സം​ഭ​വം. പി​റ്റേ​ന്ന് രാ​വി​ലെ ഗു​രു​ത​രാ​വ​സ്ഥ​യി​ൽ ക​ണ്ടെ​ത്തി​യ കു​ട്ടി​യെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. നി​ല​വി​ൽ കു​ട്ടി​യു​ടെ ആ​രോ​ഗ്യ​നി​ല തൃ​പ്തി​ക​ര​മാ​ണെ​ന്ന് അ​ധി​കൃ​ത​ർ അ​റി​യി​ച്ചു.

സ്കൂ​ൾ​വി​ട്ട് മ​റ്റ് കു​ട്ടി​ക​ൾ പോ​യ​ശേ​ഷ​വും ര​ണ്ടാം​ക്ലാ​സു​കാ​രി സ്കൂ​ളി​ന​ക​ത്ത്ത​ന്നെ ഉ​ണ്ടാ​യി​രു​ന്നു. ഇ​ത​റി​യാ​തെ ഗേ​റ്റ്കീ​പ്പ​ർ പ്ര​ധാ​ന ഗേ​റ്റ് പു​റ​ത്ത് നി​ന്ന് പൂ​ട്ടി. വീ​ട്ടി​ലെ​ത്തേ​ണ്ട സ​മ​യം ആ​യി​ട്ടും കു​ട്ടി​യെ കാ​ണാ​ഞ്ഞ് വീ​ട്ടു​കാ​ർ എ​ല്ലാ സ്ഥ​ല​ത്തും തി​ര​ച്ചി​ൽ ന​ട​ത്തി. കു​ട്ടി​യെ ക​ണ്ടെ​ത്താ​ൻ സാ​ധി​ക്കാ​ഞ്ഞ​തോ​ടെ ബ​ന്ധു​ക്ക​ൾ പോ​ലീ​സി​ൽ വി​വ​ര​മ​റി​യി​ച്ചു. രാ​ത്രി മു​ഴു​വ​ൻ നാ​ട്ടു​കാ​രു​ൾ​പ്പെ​ടെ കു​ട്ടി​ക്കാ​യി തി​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല.

സ്കൂ​ളി​നു​ള്ളി​ൽ കു​ടു​ങ്ങി​യ കു​ട്ടി ജ​ന​ലി​ന്‍റെ ഇ​രു​മ്പ് ഗ്രി​ല്ലു​ക​ൾ​ക്കി​ട​യി​ലൂ​ടെ ര​ക്ഷ​പ്പെ​ടാ​ൻ ശ്ര​മി​ച്ചു. ഈ ​ശ്ര​മ​ത്തി​നി​ടെ കു​ട്ടി​യു​ടെ ത​ല ഗ്രി​ല്ലി​നി​ട​യി​ൽ കു​ടു​ങ്ങി. പി​റ്റേ​ന്ന് രാ​വി​ലെ കു​ട്ടി​യെ ജ​ന​ലി​ൽ കു​ടു​ങ്ങി​യ നി​ല​യി​ൽ നാ​ട്ടു​കാ​രാ​ണ് ക​ണ്ടെ​ത്തി​യ​ത്. ഉ​ട​ൻ ത​ന്നെ അ​ധി​കൃ​ത​രെ വി​വ​ര​മ​റി​യി​ച്ച​തി​നെ തു​ട​ർ​ന്ന് ര​ക്ഷാ​പ്ര​വ​ർ​ത്ത​ക​ർ സ്ഥ​ല​ത്തെ​ത്തി കു​ട്ടി​യെ ര​ക്ഷ​പ്പെ​ടു​ത്തി ആ​ശു​പ​ത്രി​യി​ലെ​ത്തി​ക്കു​ക​യാ​യി​രു​ന്നു. നി​ല​വി​ൽ കു​ട്ടി​യു​ടെ ആ​രോ​ഗ്യ​നി​ല മെ​ച്ച​പ്പെ​ട്ടെ​ന്ന് ഡോ​ക്ട​ർ​മാ​ർ പ​റ​ഞ്ഞു.