തൃ​ശൂ​ർ-​പാ​ല​ക്കാ​ട് ദേ​ശീ​യ​പാ​ത​യി​ൽ വ​ൻ ക​വ​ർ​ച്ച; ബ​സ് ഉ​ട​മ​യി​ൽ​നി​ന്ന് 75 ല​ക്ഷം ക​വ​ർ​ന്നു ; പ​ണം ക​വ​ർ​ന്ന​ത് ഇ​ന്നോ​വ കാ​റി​ലെ​ത്തി​യ സം​ഘം

തൃ​ശൂ​ർ (മ​ണ്ണു​ത്തി): തൃ​ശൂ​ർ – പാ​ല​ക്കാ​ട് ദേ​ശീ​യ​പാ​ത​യി​ൽ മ​ണ്ണു​ത്തി​യി​ൽ വ​ൻ​ക​വ​ർ​ച്ച. ട്രാ​വ​ൽ​സ് ഉ​ട​മ​യെ ആ​ക്ര​മി​ച്ച് കാ​റി​ലെ​ത്തി​യ സം​ഘം 75 ല​ക്ഷം രൂ​പ കൊ​ള്ള​യ​ടി​ച്ചു. അ​റ്റ്‌ലസ് ട്രാ​വ​ൽ​സ് ഉ​ട​മ​യും എ​ട​പ്പാ​ൾ സ്വ​ദേ​ശി​യു​മാ​യ മു​ബാ​റാ​ക്കി​ന്‍റെ പ​ണ​മാ​ണ് മോ​ഷ​ണ​സം​ഘം ക​വ​ർ​ന്ന​ത്.

ഇ​ന്ന് പു​ല​ർ​ച്ചെ നാ​ല​ര​യോ​ടെ​യാ​ണ് സം​ഭ​വം. ബം​ഗ​ളൂ​രുവിൽനി​ന്നു ബ​സ് വി​ൽ​പ​ന ന​ട​ത്തി​യ​തി​ന്‍റെ പ​ണ​വു​മാ​യി തൃ​ശൂ​രി​ൽ മ​ണ്ണു​ത്തി​യി​ൽ വ​ന്ന് ഇ​റ​ങ്ങി​യ​താ​യി​രു​ന്നു മു​ബാ​റ​ക്ക്. മ​ണ്ണു​ത്തി​പോ​ലീ​സ് സ്റ്റേ​ഷ​നു സ​മീ​പ​ത്തെ ചാ​യക്ക​ട​യി​ൽ നി​ന്ന് ചാ​യ​കു​ടി​ക്കു​ന്ന​തി​നും ശു​ചി മു​റി​യി​ൽ പോ​കു​ന്ന​തി​നു​മാ​യി ബാ​ഗ് താ​ഴെ വ​ച്ച് നി​ൽ​ക്കു​ന്ന​തി​നി​ടെ ഇ​ന്നോ​വ കാ​റി​ലെ​ത്തി​യ സം​ഘം വ​ള​യു​ക​യും ബ​ല​മാ​യി പ​ണം ത​ട്ടി​യെ​ടു​ത്തു ഓടുകയുമാ​യി​രു​ന്നു.

ബാ​ഗ് ത​ട്ടി​യെടുത്ത് ഓ​ടി​യ സം​ഘ​ത്തെ പി​ന്തു​ട​ർ​ന്ന മു​ബാ​റാ​കി​നെ ക​വ​ർ​ച്ച സം​ഘം ആ​ക്ര​മി​ച്ചു. മു​ബ​റാ​മി​നെ പി​ടി​ച്ച ത​ള്ളി മാ​റ്റി​യ​ശേ​ഷം കാ​റി​ൽ ര​ക്ഷ​പ്പെ​ടു​ക​യാ​യി​രു​ന്നു​വെ​ന്ന് പ​റ​യു​ന്നു.കാ​റി​ൽ നി​ന്ന​റ​ങ്ങി വ​ന്ന ഒ​രാ​ളാ​ണ് പ​ണം അ​ട​ങ്ങി​യ ബാ​ഗ് എ​ടു​ത്ത് കൊ​ണ്ട് പോ​യ​തെ​ന്ന് മു​ബാ​റ​ക് പ​റ​ഞ്ഞു. ക​വ​ർ​ച്ച സം​ഘ​ത്തി​ന്‍റെ ദൃ​ശ്യം സി​സി​ടി​വി കാ​മ​റ​യി​ൽ പ​തി​ഞ്ഞി​ട്ടു​ണ്ട്. സി​സി​ടി​വി കാ​മ​റ ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ച പോ​ലീ​സ് അ​ന്വേ​ഷ​ണം തു​ട​ങ്ങി.

ക​വ​ർ​ച്ചാ​സം​ഘം പ​ണ​വു​മാ​യി ര​ക്ഷ​പ്പെ​ട്ട ഇ​ന്നോ​വ കാ​റി​ന് വേ​ണ്ടി ദേ​ശീ​യ​പാ​ത​യി​ലും ചെ​റു റോ​ഡു​ക​ളി​ലും പോ​ലീ​സ് വ്യാ​പ​ക പ​രി​ശോ​ധ​ന തു​ട​രു​ക​യാ​ണ്.മു​ബാ​റ​ക്കു​മാ​യി ബ​ന്ധ​പ്പെ​ട്ട​വ​ർ ത​ന്നെ​യാ​ണ് ക​വ​ർ​ച്ച​യ്ക്ക് പി​ന്നി​ലെ​ന്താ​ണ് പോ​ലീ​സ് സം​ശ​യി​ക്കു​ന്ന​ത്. ഇ​ത്ര​യ​ധി​കം പ​ണ​വു​മാ​യി ബം​ഗ​ളു​രു​വി​ൽ നി​ന്ന് മു​ബാ​റ​ക് തൃ​ശൂ​രി​ലേ​ക്ക് വ​രു​ന്ന വി​വ​രം കൃ​ത്യ​മാ​യി അ​റി​യാ​വു​ന്ന​വ​ർ ത​ന്നെ​യാ​ണ് ക​വ​ർ​ച്ച​യ്ക്കു പി​ന്നി​ലെ​ന്ന് പോ​ലീ​സ് ക​രു​തു​ന്നു.

ഒ​ല്ലൂ​ർ എ​സി​പി സു​ധീ​ര​ന്‍റെ നേ​തൃ​ത്വ​ത്തി​ൽ മ​ണ്ണു​ത്തി പോ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി​യി​ട്ടു​ള്ള​ത്. മു​ബാ​റ​ക്ക് പ​ണ​വു​മാ​യി എ​ത്തു​ന്ന വി​വ​രം ക​വ​ർ​ച്ചാ സം​ഘ​ത്തി​ന് ഒ​റ്റു​കൊ​ടു​ത്ത​താ​ണ് എ​ന്നും സം​ശ​യ​മു​ണ്ട്. ബ​സ് ഉ​ട​മ​യു​ടെ മൊ​ഴി പോ​ലീ​സ് വി​ശ​ദ​മാ​യി പ​രി​ശോ​ധി​ച്ച് വ​രി​ക​യാ​ണ്.