ഇത്തവണത്തെ കാന്‍ അന്താരാഷ്ട്ര ചലച്ചിത്ര മേളയില്‍ വ്യത്യസ്തമായ ലുക്കുകളിലെത്തി ഉര്‍വശി റൗട്ടേല ഏവരുടെയും ശ്രദ്ധ പിടിച്ചുപറ്റിയിരുന്നു. 2018ലെ കാന്‍ മേളയില്‍ ഐശ്വര്യ റായ് ധരിച്ച മൈക്കിള്‍ കിന്‍കോ ഗൗണിന് സമാനമായ ഗൗണ്‍ ധരിച്ചും ഉര്‍വശി ഇത്തവണ എത്തിയിരുന്നു. ഇതോടെ പലരും ഐശ്വര്യയെയും ഉര്‍വശി റൗട്ടേലയെയും താരതമ്യം ചെയ്തു സംസാരിച്ചു.
ഇപ്പോഴിതാ, ഇത്തരം താരതമ്യങ്ങള്‍ക്കെതിരേ തുറന്നടിച്ചിരിക്കുകയാണ് ഉര്‍വശി റൗട്ടേല. ഇന്‍സ്റ്റഗ്രാമിലായിരുന്നു താരത്തിന്‍റെ പ്രതികരണം. ഐശ്വര്യ റായിയെയും തന്നെയും താരതമ്യം ചെയ്ത് ഒരാളിട്ട കമന്‍റിന്‍റെ സ്‌ക്രീന്‍ഷോട്ട് പങ്കുവച്ചാണ് ഉര്‍വശി തുറന്നടിച്ചത്. ഒട്ടും കരിഷ്മയില്ലാതെ ഐശ്വര്യ റായ് ആകാന്‍ ശ്രമിക്കുന്നു എന്നായിരുന്നു കമന്‍റ്.
കരിഷ്മയില്ലാത്ത ഐശ്വര്യ റായ് ആകാന്‍ ശ്രമിക്കുകയാണോ ഞാന്‍? ഡാര്‍ലിംഗ്, ഐശ്വര്യ ഒരു ബിംബമാണ്. എന്നാല്‍ ഞാന്‍ ഒരാളുടെയും ഡ്യൂപ്ലിക്കേറ്റാകാനല്ല ഇവിടെയുള്ളത്. ഞാനാണ് ബ്ലൂ പ്രിന്‍റ്. അവിടെ ഇഴുകിച്ചേരാനായി കാന്‍സ് എന്നെ ക്ഷണിച്ചതല്ല, വേറിട്ടുനില്‍ക്കാനായി ഞാന്‍ വന്നതാണ്. എന്റെ ലുക്ക്, എന്റെ സ്‌റ്റൈല്‍, എന്റെ ആത്മവിശ്വാസം… ഇതെല്ലാം നിങ്ങളെ അസ്വസ്ഥരാക്കുന്നുവെങ്കില്‍, ഒന്നോ രണ്ടോ ദീര്‍ഘനിശ്വാസമെടുക്കൂ. ഞാന്‍ എല്ലാവര്‍ക്കും പറ്റിയ ആളല്ല. എല്ലാ കീ ബോര്‍ഡ് വിമര്‍ശകരോടുമായി ഞാന്‍ പറയട്ടെ, സംസാരിക്കുന്നത് തുടരുക- ഉര്‍വശി റൗട്ടേല കുറിച്ചു.
ഇന്‍സ്റ്റഗ്രാമിലെ പ്രമുഖ ഫാഷന്‍ നിരീക്ഷക അക്കൗണ്ടായ ഡയറ്റ് സബ്യയ്ക്കെതിരെയും അവര്‍ ആഞ്ഞടിച്ചു. ഞാന്‍ കോണിപ്പടിയില്‍ തടസമുണ്ടാക്കിയെന്ന് പറഞ്ഞ മുഖമില്ലാത്ത പേജായ ഡയറ്റ് സബ്യയുടെ നുണകള്‍ക്കെതിരേ ഞാന്‍ അടിയറവ് പറയാതെ നിവര്‍ന്നു നിന്നു. സത്യം വാഴട്ടെ. എല്ലാവരെയും പോലെ എന്റെ ടീം എല്ലാ അനുമതികളും വാങ്ങിയശേഷമാണ് കോണിപ്പടിയില്‍ നിന്ന് ഫോട്ടോഷൂട്ട് നടത്തിയത് ഉര്‍വശി റൗട്ടേല പറഞ്ഞു.
