ദമാം: കിഴക്കന്‍ പ്രവിശ്യയില്‍ കഴിഞ്ഞ വര്‍ഷം ഉണ്ടായ റോഡപകടങ്ങളില്‍ 1249 പേരുടെ ജീവന്‍ നഷ്ടപ്പെട്ടതായി പ്രവിശ്യാ ട്രാഫിക് സുരക്ഷാ സമിതി മേധാവി എന്‍ജിനീയര്‍ സുല്‍താന്‍ അല്‍ സഹ്‌റാനി പറഞ്ഞു. റോഡപകടം മൂലം പതിമൂന്നു ശതമാനം പേരുടെ ജീവനാണ് ഇവിടെ പൊലിയുന്നത്. 5563 പേര്‍ക്കു കഴിഞ്ഞ വര്‍ഷം ഉണ്ടായ അപകടങ്ങളില്‍ ഗുരുതരമായിപരിക്കു പറ്റുകയും ചെയ്തു.
രാജ്യത്തെ റോഡപകടങ്ങളില്‍ മരിക്കുന്നവരില്‍ 60 ശതമാനം പേരും 30 വയസിനു താഴെ പ്രായമുള്ളവരാണ്. െ്രെഡവിംഗിനിടെ മൊബൈല്‍ ഫോണ്‍ ഉപയോഗിക്കുന്നതാണ് കൂടുതല്‍ അപകടങ്ങള്‍ക്കും കാരണമാകുന്നതെന്നാണ് റിപ്പോര്‍ട്ട്.
കഴിഞ്ഞ വര്‍ഷം രാജ്യത്തു റോഡപകടങ്ങള്‍ മൂലം ജീവന്‍ നഷ്ടപ്പെട്ടത് 7800 പേര്‍ക്കാണ്. അപകടങ്ങളില്‍ മരിക്കുകയും പരിക്കേല്‍ക്കുകയും ചെയ്യുന്നവരില്‍ 35 ശതമാനം പേര്‍ ഇന്ത്യ, പാകിസ്ഥാന്‍, ഈജിപ്ത് തുടങ്ങിയ രാജ്യക്കാരാണ്. രാജ്യത്ത് വര്‍ദ്ധധച്ചുവരുന്ന റോഡപകടങ്ങള്‍ ആശങ്കയുണ്ടാക്കുന്നതാണെന്നു കിരീടവകാശിയും ആഭ്യന്തര മന്ത്രിയുമായ മുഹമ്മദ് ബിന്‍ നായിഫ് രാജകുമാരന്‍ കഴിഞ്ഞ ദിവസം പറഞ്ഞു.
റോഡപകടങ്ങള്‍ ഉണ്ടാകുന്നതിന്റെ കാരണങ്ങളെ കുറിച്ചു പഠിക്കുന്നതിനും അപകടം ഒഴിവാക്കുന്നതിനുമായി വിവിധ മന്ത്രാലയങ്ങളുടെ സഹകരണത്തോടെ പദ്ധതികള്‍ നടപ്പിലാക്കാനും കിരീടവകാശി നിര്‍ദേശിച്ചിരുന്നു.
റിപ്പോര്‍ട്ട്: അനില്‍ കുറിച്ചിമുട്ടം
