ഗുരുവായൂര്‍: ഗുരുവായൂര്‍ ക്ഷേത്രത്തല്‍ വൈശാഖ പുണ്യമാസാചരണത്തിന് നാളെ തുടക്കമാവും. മേട മാസത്തിലെ പ്രഥമ മുതല്‍ ഇടവ മാസത്തിലെ അമാവസി വരെയാണ് വൈശാഖ പുണ്യമാസാചരണം. ഈ സമയത്ത് ക്ഷേത്രത്തില്‍ വന്‍ ഭക്തജനതിരക്കാണനുഭവപ്പെടുക. ബലരാമ ജയന്തിയായ അക്ഷയ തൃതീയ, ശ്രീ ശങ്കര ജയന്തി, ബുദ്ധ പൗര്‍ണമി, ദത്താത്രേയ ജയന്തി എന്നിവ വൈശാഖ മാസത്തിലെ വിശേഷ ദിവസങ്ങളാണ്. ബലരാമജയന്തിയായ അക്ഷയ തൃതീയ തിങ്കളാഴ്ചയാണ്.
അക്ഷയ തൃതീയ ദിവസം ക്ഷേത്രത്തില്‍ പത്തുകാരുടെ വകയായുള്ള ചുറ്റുവിളക്കാഘോഷമാണ് മൂന്നുനേരം കാഴ്ച ശീവേലിക്ക് മേളം അകമ്പടിയാകും. ശ്രീ ശങ്കര ജയന്തി 11നും, നരസിംഹ ജയന്തി 20നും ബുദ്ധ പൂര്‍ണിമ 21നുമാണ്. വൈശാഖ മാസത്തില്‍ ക്ഷേത്രം ആദ്ധ്യാത്മിക ഹാളില്‍ നാലു ഭാഗവത സപ്താഹങ്ങള്‍ നടക്കും.
പൊന്നടുക്കം മണികണ്ഠന്‍ നമ്പൂതിരിയും താമരക്കുളം നാരായണന്‍ നമ്പൂതിരുയുടേയും നേതൃത്വത്തിലാണ് ആദ്യ സപ്താഹം ഇതിന്റെ മാഹാത്മ്യ പാരായണം ഇന്ന് വൈകിട്ട് തുടങ്ങും. പ്രൊഫ.മാധവപ്പിള്ളി കേശവന്‍ നമ്പൂതിരി, തട്ടയൂര്‍ കൃഷ്ണന്‍ നമ്പൂതിരി, തോട്ടം ശ്യാമന്‍ നമ്പൂതിരി എന്നിവരുടെ നേതൃത്വത്തിലാണ് മറ്റ് മുന്നു സപ്താഹങ്ങള്‍. വൈശാഖ മാസ ഭക്തി പ്രഭാഷണത്തിനും നാളെ തുടക്കമാവും. മേല്‍പ്പത്തൂര്‍ ഓഡിറ്റോറിയത്തില്‍ ദിവസവും സന്ധ്യക്കാണ് ഭക്തി പ്രഭാഷണം. ജൂണ്‍ അഞ്ചിനാണ് വൈശാഖമാസ സമാപനം.
