അ​മ്മ​യ്ക്കും ​മ​ക്ക​ൾ​ക്കും ഇനി സ​മാ​ധാ​ന​മാ​യി ത​ല ചാ​യ്ക്കാം ; സാമൂഹ്യപ്രവർത്തകരുടെ കൂട്ടായ്മയിൽ അ​നി​ത​യ്ക്ക് അ​ട​ച്ചു​റ​പ്പു​ള്ള  വീട് തയാറായി

ചാ​ത്ത​ന്നൂ​ർ: ഇ​ടി​ഞ്ഞു പൊ​ളി​ഞ്ഞ് ത​ക​ര​ഷീ​റ്റി​ട്ട കൂ​ര​യി​ൽ വാ​തി​ൽ​പോ​ലു​മി​ല്ലാ​തെ അ​ന്തി​യു​റ​ങ്ങു​ന്ന അ​മ്മ​യ്ക്കും പെ​ൺ​മ​ക്ക​ൾ​ക്കും​ഇ​നി സ​മാ​ധാ​ന​മാ​യി ത​ല ചാ​യ്ക്കാം.​ കു​ടു​ബ​ത്തി​ന്‍റെ ദു​ര​വ​സ്ഥ പു​റ​ത്ത് കൊ​ണ്ടു​വ​ന്ന​തി​നെ തു​ട​ർ​ന്നാ​ണ് സാ​മൂ​ഹ്യ​പ്ര​വ​ർ​ത്ത​ക​ർ ഇ​ട​പെ​ട്ട് വീ​ട് പു​തു​ക്കി​പ​ണി​ത് ന​ൽ​കി​യ​ത്. പാ​രി​പ്പ​ള്ളി ക​ട​മ്പാ​ട്ടു​കോ​ണം ജി​എ​സ് ഭ​വ​നി​ൽ വി​ന്ന​ർ അ​നി​ത ദ​മ്പ​തി​ക​ളാ​ണ് മൂ​ന്ന് സെ​ന്‍റിലെ വാ​തി​ലും ജ​നലു​മി​ല്ലാ​ത്ത ത​ക​ര​വീ​ട്ടി​ൽ ര​ണ്ട് പെ​ൺ​മ​ക്ക​ളോ​ടൊ​പ്പം അ​ന്തി​യു​റ​ങ്ങി​യി​രു​ന്ന​ത്.​

അ​നി​ത കി‌​ഡ്നി രോ​ഗി​യും വി​ന്ന​ർ ക​ൽ​പ​ണി​ക്കാ​ര​നു​മാ​ണ്. പെ​ൺ​മ​ക്ക​ളാ​യ വി​നീ​ത​വി​ന്ന​റും വി​ജി​ത​വി​ന്ന​റും പാ​രി​പ്പ​ള്ളി അ​മൃ​ത സം​സ്കൃ​ത സ്കൂ​ളി​ലെ വി​ദ്യാ​ർ​ത്ഥി​ക​ളാ​ണ്. ആ​കെ​യു​ള്ള മൂ​ന്ന് സെ​ന്‍റ് ഭൂ​മി​ക്ക് വി​ന്ന​റും അ​നു​ജ​നും സ​ഹോ​ദ​രി​യും അ​വ​കാ​ശി​ക​ളാ​ണ്. ത​ക​ര ഷീ​റ്റി​ട്ടവീടിന്‍റെ മേ​ൽ​ക്കൂ​ര തു​രു​മ്പി​ച്ച് ചോ​ർ​ന്നൊ​ലി​ക്കു​ന്ന​ത് മൂ​ലം ഭി​ത്തി​ക​ൾ ഏ​തു നി​മി​ഷ​വും നി​ലം പ​തി​ക്കാ​വു​ന്ന നി​ല​യി​ലാ​യി​രു​ന്നു.​

വാ​തി​ൽ പോ​ലു​മി​ല്ലാ​ത്ത വീ​ടാ​യ​തി​നാ​ൽ പ്രാ​യ​മാ​യ പെ​ൺ​മ​ക്ക​ളെ ത​നി​ച്ചാ​ക്കി ജോ​ലി​ക്ക് പോ​കാ​ൻ ക​ഴി​യാ​തെ കു​ഴ​യു​ന്ന അ​നി​ത​യു​ടെ ദു​ര​വ​സ്ഥ വാ​ർ​ത്ത​യാ​ക്കി​നെ തു​ട​ർ​ന്ന് പീ​പ്പി​ൾ ഫോ​റം ഒാ​ഫ് ഇ​ൻ​ഡ്യ​സ്റ്റേ​റ്റ് ചെ​യ​ർ​മാ​ൻ ഡോ.​ഷാ​ജി പ​ങ്ക​ജ്, ജി.​സു​രേ​ഷ്ബാ​ബു​കൂ​ന​യി​ൽ,റീ​ച്ച് വേ​ൾ​ഡ് വൈ​ഡ് ജി​ല്ലാ​കോ​ർ​ഡി​നേ​റ്റ​ർ അ​നി​ൽ​കു​മാ​ർ എ​ന്നി​വ​ർ ചേ​ർ​ന്ന് വീ​ട് പു​തു​ക്കി​ന​ൽ​കാ​ൻ സ​ന്ന​ദ്ധ​ത അ​റി​യി​ക്കു​ക​യാ​യി​രു​ന്നു.​

തു​ട​ർ​ന്ന് ക​ത​കും ജ​ന്ന​ലും മേ​ൽ​ക്കൂ​ര​യും സ്ഥാ​പി​ച്ച് പെ​യി​ന്‍റടിച്ച് വീ​ട് മോ​ടി​പി​ടി​പ്പി​ച്ച് ക​ഴി​ഞ്ഞ ദി​വ​സം വീ​ട്ടു​കാ​ർ​ക്ക് താ​ക്കോ​ൽ കൈ​മാ​റി.